Синтöм лöдзьяс. Степан собор йылысь соборуйтöм (Слепни. Обсуждение по поводу Стефановского собора))

Синтöм лöдзьяс

(Степан собор йылысь соборуйтöм)

Ззз… Ыз… Зызз – ызгöны веж лöдзьяс моз Сыктывкар 2 десятаса граждана, кодъяс чукöртчöмаöсь каменнöй школаö сёрнитны Степан вичко босьтöм йылысь. Сэтшöм ыджыд зыкöн ызгöны мöда-мöд вежымыс – весиг нинöм он велав, коді мый шуö. Собранньö вылö пыригöн нин вöлі тöдчö – гражданалöн настроениеыс öти нога: „огö сетö, мед сулалас!..“

Медвойдöр вен кыптіс чукöртчигас на. Служащöйясöс да велöдчысьясöс собраньö вылö оз вöлі лэдзны.

   – Ті абу карса граждана!

   – Ассьыныд вичконытö босьтöй.

  – Оз!.. А!.. Гу-гу!.. Зызз..!

Микулай Комлин, „для храбрости“ ещö юыштöма, сулалö пызан дорын да лöсьöдö кабала вылö „явочный лист“. Меным сійö шуис: тэ пö абу татчöс гражданин, – дас кыкöд во ола да первойысь кыла – ме абу карын олысь гражданин?

– Вайö, гижсьö татчö, – чукöстчис Комлин собранньöлан, – мед тшöтш вöлі пасйöма, коді кытысь да кöні олö…

Кывзыны (пöшти 95 %) собранньö вылас локтöмаöсь олöма да пöрысь нывбабаяс. Мужикъяс кöнкö-кöнкö тыдыштöны йöз пöвстас.

Фото с сайта oldsyktyvkar.ru

Воис кар советса представитель – Дьяконова ёрт. Вöчис выль „явочный лист“ да гижаліс йöзсö. Гижсис сё морт гöгöр. Сэсся йöзыс кутісны тшöктыны лыддьыны, кодъясöс гижаліс, прöверитны. Бара лыбис ыджыд шум.

– Мед кодкö мöд лыддяс!

– Колö не татчöс гражданасö кыдзкö кассируйтны, – шуис Комлин.

– Оз ков лыддьыны, нинöм сійö оз сет!

Босьтіс оистсö Богданов.

– Мед кодкö ас йöз йылысь лыддяс!

– Куштанова Анна Петровна! – лыддьыны кутіс Богданов.

– Вичко ме ог сет! – горöдчмч сэтчö Куштанова.

Лист лыддьöм сэсся водзö эз и мун – эновтны лои. Дьяконова восьтіс собранньö. Ачыс юравны босьтчис. Комлинöс бöрйисны секретарö. Надеев Ӧ. Н. вöчис доклад. Мырдöн-сорöн, горзöмöн-да öдва вермис помавны – оз лэдзны сёрнитны.

Сэки вöлись и ызнитіс прамöя йöзыд, чушканзі поз быттьö косяссис. Коді кыдз вермö, сідзи и гöлöснас бызгöны. Куш гöлöсъясныс ешö на кажитчöны – кинаныс шенасьöны, кокнаныс зымгöны, тушананыс куснясьöны: –

– Огö сетöй!.. Огö!.. Уа!.. О!.. Зызз!..

Ещö ланьыштöм бöрын Комлев (секретарь), кыдзкö мудера катлікасьöмöн, государство бердысь вичко торйöдöм кузя декрет йылысь.

– Правильнö! – горöдісны йöзыс. – Кутшöм нö тайö свобода?.. Смекайтчöны православнöй ас вылын!..

Богданов ёрт туйдöд сетö декрет йылысь да шуö:

Степановскöй вичкоысь артмас зэв бур куим судта школа.

– О-о-о!.. Куим судта уж… оз артмы! – понйыштчис сэтчö öти яр баба. Постникова. – Оз ло!.. Огö сетöй! – горзöны, зымгöны, кекеначöны.

Тадзи муніс став собранньöыс. Йöз пытшкысь, весиг граждана пöвстысь, оти эз шу: со по колö миянлы мöвпыштны водзö олöм йылысь, челядь йылысь, культура йылысь. Ставныс только ызгöны öтитор:

– Огö! Огö сетö!..

– Ми лучше кык керйöн ваям быд керка юрö да кык лунöн уджалам выль школа вылö, а вичко огö сетöй!

Голосуйтöм кузя кор кыптіс сёрни, Комлев сувтіс да шуис:

– Гöлöсуйтны оз позь!.. Тані унджыкыс не граждана, а служащöйяс да комсомолечьяс!.. Оз ков гöлöсуйтны!.. ме ог допускайт!..

Кор Дьяконова кутіс гöлöсуйтны, унджык йöзыс лузгисны-петісны школаысь яра шуасиг тырйи.

Сідзи памассис собранньö. Уличас мунігöн дыр-на быдлаын кыліс гораа вензьöм да понъясьöм сорöн пинясьöм важ олысьяслöн выльяскöд.

Ок, ёна жö пемыдöсь да гöгöрвотöмöсь миян йöзыд! Да öд кутшöм йöз! Карса йöз öд, самö кар шöрса йöзыс! Сиктъясын бурджык йöзыд, сэні кöть кывзасны да гöгöрвоöны, а тані – шабаш! Мöдарö-кö шуны, йöзыс сэсся эз жö и вöв – волісны сöмын медся консервативнöй олöма нывбабаяс, синтöм лöдзьяс.

Нёбдінса Виттор

.

Синтöм лöдзьяс : (Степан собор йылысь соборуйтöм) / Нёбдінса Виттор // Югыд туй. – 1929. – Сентябрь 20 лун. – Пер. загл.: Слепни: обсуждение по поводу Стефановского собора

.

Слепни

(обсуждение по поводу Стефановского собора)

Ззз… Ыз… Зызз – жужжат как слепни граждане 2 десятка, которые собрались в Сыктывкаре в каменной школе, чтобы поговорить о судьбе Стефановского собора. Так громко жужжат, перебивая друг друга, что не понимаешь, о чем речь. До прихода на собрание уже было понятно — у граждан одно настроение: „не отдадим, пусть стоит!..“

Спор возник еще до собрания. Служащих и учащихся на собрание вообще не пускали.

– Вы не городские жители!

– Свою церковь забирайте.

– Нет!.. А!.. Гу-гу!.. Зызз..!

Микулай Комлин, „для храбрости“ еще и выпил, стоит у стола и готовит  „явочный лист“. Мне он сказал: вы, мол, не здешний, – двенадцатый год живу и первый раз слышу – я не житель города?

– Давайте, регистрируйтесь здесь, – обратился Комлин к собравшимся, – чтобы также было отмечено, кто откуда и где живет…

Послушать (почти 95 %), о чем говорят на собрании, пришли пожилые женщины. Мужчин среди собравшихся было мало.

Пришла представитель городского совета Дьяконова. Сделала новый „явочный лист“ и записала людей. Записалось около ста человек. Далее граждане просили огласить, кого она записала, чтобы проверить. Опять поднялся большой шум.

– Пусть кто-то другой читает!

– Нужно не здешних граждан исключить, – сказал Комлин.

– Не нужно читать, толку в этом нет!

Лист взял в руки Богданов.

– Пусть кто-то свой прочитает!

– Куштанова Анна Петровна! – начал перечислять Богданов.

– Церковь я не отдам! – воскликнула Куштанова.

Перечислять дальше не стал, убрал лист в сторону. Открыла собрание Дьяконова. Сама стала председательствовать. Комлина выбрали секретарем. Надеев Ӧ.Н. прочитал доклад. С горем помолам, с криками еле закончил свое выступление – не давали возможности выступить.

После этого шум поднялся с новой силой, словно осиный улей потревожили. Кто как умеет, так и болтает. В дело пошли не только крики – машут руками, топают ногами, всем телом извиваются:

– Не отдадим!.. Нет!.. Уа!.. О!.. Зызз!..

После небольшой паузы Комлев (секретарь), как бы невзначай напомнил о декрете об отделении церкви от государства.

– Правильно! – крикнул народ. – Какая это свобода?.. Насмехаются над православными!..

Богданов, продолжая разговор о декрете, говорит:

– Из Стефановского собора получится хорошая трехэтажная школа.

– О-о-о!.. Аж трехэтажная… не получится! – яростно сказала одна женщина. Постникова. – Не будет!.. Не отдадим! – кричат, шумят, хлопают.

Так шло все собрание. Среди народа, даже среди граждан, никто не сказал: вот, мол, нужно подумать о будущем, о детях, культуре. Все только и вторят:

– Нет! Не отдадим!..

– Мы лучше принесем к каждому дому по два бревна и сделаем новую школу, а церковь не отдадим!

Когда пошла речь о голосовании, Комлев встал и сказал:

– Голосовать нельзя!.. Здесь большинство не граждане, а служащие и комсомольцы!.. Не нужно голосовать!.. Я не допущу!..

Когда стала голосовать Дьяконова, большинство присутствующих ругаясь вышло из школы.

Так закончилось собрание. Идя по улице везде еще слышался жаркий спор старых жителей с новыми.

Ох и темные и непонятливые у нас люди! Да и какие люди! Ведь городские жители, из самого центра города! В селах люди лучше, там хоть выслушают и поймут, а здесь – шабаш! Честно сказать, людей здесь и не было – были только консервативные пожилые женщины, слепни.

Нёбдінса Виттор

Перевод Александры Паршуковой