Зэв колантор (Очень важен)

Зэв колантор.

Уналöн асногса сёрниа йöзлöн (вотякъяслöн, чувашъяслöн) чукöртöма, гижöма, лöсьöдöма зэв нин уна йöзкостса сьыланкывъяс (народные песни).

Босьтам кö ми асьнымöс – нинöм на сы выйöн абу вöчöма, либö зэв этша ещö вöчöма. „Шонді банöй“, „Асъя кыа“, „Рытъя шу кадö“, – сэсся и абу. Сьылам роч вылысь лöсьöдлöмъясöс, либö коми стикъяс роч ногöн (мотивöн). Коми сиктъясын-грездъясын уналаын сьылісны роч сьыланкывъяс („јеԉісточік“, „ԍе ташкі-кінарејкі“, „завелгоју“), – дерт, сьылöны лёкногöн, сьылысьясыс асьныс оз тöдны мый сьылöны: öти-кö, рочнас оз кужны, мöдкö – сэтшöма нин сьыланкывъяссö бертлöдлöмаöсь, тшыкöдалöмаöсь – весиг роч кывланьыс нин оз мун („шырјöвкајö“, гашкö –„широкая“ вöлöма).

Татшöм тшыкласьöм сьыланкывъяс сьылöмысь дзик нинöм! Сöмын ёнджыка Коми йöзöс найö падмöдöны водзö мунöмысь: кутшöмкö некöн абутöм кывъяс юраныс пырöны.

Мыйкö колö вöчны та йылысь.

Ме чайта, кöнсюрö, пыді Коми му пельöсъясын, эмöсь на ва Коми сьылöмъяс, дзик коми ногöн.

Колö быдлаысь чукöртны миянлы Коми йöзкостса сьыланкывъяс. Колö тайö уджсö вöчны регыдджык, медым эськö дзикöдз эз вунны, эз вошны век кежлö.

Öткымын сьыланкыв эськö и гижавлöма, сöмын налöн мотивъясыс абуöсь, – колö корсявны тшöтш.

Йöзкостса сьыланкыв – зэв колантор! Сы серти позьö тöдмавны йöз олöм-вылöм йылысь зэв унатор.

Куим воöн (Коми Обласьт воссьöмсянь) ми эгö вермö та вöсна уджавны, – „некор вöлі, сьöм эз вöв, некодлы вöлі“, – уна помка (причина) позьö аддзыны… Сэсся, со, öнöдз нинöм абу. Унасянь ме кывла: „Вай пуктöй кутшöмкö гажаджык Коми рыт“. Мый нö пуктан? Мый сьылан? Пыр öд öтитор он доль…

Олам Коми муын, коми сёрниöн варовитам, – сьывны сöмын Комиöн огö кужöй – „нинöм абу“… Эмöсь эськö-да, огö тöдöй, абу чукöртöма, абу корсялöма. Кымын водзö пöра кольö – сымын миян Коми сьыланкывъяс вошласясны, ланьталасны пармаясö, сибдасны нюръясö, вöясны юясö…Дыр ковмас сэки найöс корсявны!.. Аддзам-ö сэки найöс?

Воö тулыс – медся гажа олан кад. Тулысын быдöнлы нимкодь, тшöтш Коми йöзлöн сьöлöмъясыс радлöны. Уналаын тулысын кылан сьылöмъяс! Колö тулысын босьтчывны нин чукöртны Коми йöзкостса сьыланкывъясö, öти сайын – мойданкывъяс, быдтор.

Тайö удж вöчны öмöй миян Обласьтысь оз сюр сьöм? Сюртöг оз ов, оз öд вывті уна ков. Колö сöмын кöсйöмыс, босьтчöмыс. Тöргöвöй учрежденньöяс на отсыштасны!

Вайö босьтчыламöй, Коми войтыр, тайö зэв колан уджсö вöчны!

Нёбдінса Виттор.

.

Зэв колантор / Нёбдінса Виттор // Югыд туй. – 1924. – 19 апр.

.

Очень важен.

У каждого народа свой говор. У многих (удмуртов, чувашей) собрано, написано, составлено большое количество народных песен.

Если говорить про нас – таких результатов у нас пока нет, или сделано еще очень мало. „Шондібанöй“, „Асъя кыа“, „Рытъя шу кадö“, – больше ничего нет. Поем русские переделки, или коми стихи на русский лад (мотив). Во многих деревнях-селах Коми поют русские песни („јеԉісточік“, „ԍе ташкі-кінарејкі“, „завелгоју“), – конечно, поют плохо, артисты сами не знают о чем поют: во-первых, не умеют разговаривать по-русски, во-вторых – песню уже столько раз переделали, исказили, что и на русский уже не похож („шырјöвкајö“, возможно –„широкая“ была).

Такие испорченные песни нам совсем ни к чему! Только мешают коми народу двигаться дальше: какие-то несуществующие слова запоминаются.

Что в таком случае нужно сделать.

Считаю, где-то в отдаленных деревнях Коми еще сохранились истинные коми песни.

Нужно нам собирать Коми народные песни. Такую работу нужно организовать как можно скорее, чтобы они окончательно не исчезли, не забылись из памяти.

Несколько песен, конечно, было записано, только вот их мотивы неизвестны. Это тоже нужно выяснить.

Народная песня для нас очень важна! Через нее мы многое узнаем о жизни людей.

За три года (с момента создания Коми области) мы так этого и не сделали, – „не было времени, денег, некому было“, – можно найти много причин… Вот и до сих пор ничего нет. Во многих местах я слышал: „давайте, поставьте какой-нибудь более веселый Коми вечер“. А что поставить? Что петь? Все время одно  и то же повторять не будешь…

Живем на Коми земле, разговариваем на коми языке, – только вот петь на коми языке не умеем – „ничего нет“… Есть, конечно, но не знаем, не собрано, не найдено. Время идет дальше – так все наши коми песни растеряются, забудутся, пропадут в чащах нашей пармы… Тогда ох и долго придется их искать!.. Если еще и найдем?

Наступает весна – самое радостное время года. Весной на душе становится легко, и сердца Коми народа тоже ликуют. Весной во многих местах слышишь звон голосов! Нужно весной взяться за работу и собирать Коми народные песни, заодно и сказки, и другое.

Разве для такой работы в нашей области не найдется средств? Конечно, найдется, ведь много-то и не нужно. Нужно только желание. В этом деле смогут помочь учреждения торговли!

Коми народ, давайте возьмемся за это важное дело!

Нёбдінса Виттор

Перевод Александры Паршуковой