Кыдзи таво кутас уджавны коми театр Лоӧ лӧсьӧдӧма ядра. Колӧны коми артистъяс (Как в этом году будет работать коми театр. Будет создано ядро. Нужны коми артисты)

Кыдзи таво кутас уджавны коми театр

Лоӧ лӧсьӧдӧма ядра. Колӧны коми артистъяс

Ёна нин ноксьӧма вӧлі колян воясӧ коми театр кыпӧдӧм понда. Мыйсӧ абу вӧчӧма да тэчӧма. Сӧмын ӧнӧдз на нинӧм эз пусьы прамӧя – коми театрлӧн уджыс водзӧ эз вӧрзьыв. Мӧйму эськӧ вӧлі бюджетысь нин лэдзыштӧма сьӧмтор, да бара на жӧ театр эз уджав. Медыджыд помкаыс вӧлі сэтшӧм: артистъяснас вӧліны служащӧйяс, асланыс да уна пӧлӧс общественнӧй уджӧн тырӧм войтыр: репетицияяс вылӧ оз эшты волывлыны, спектакль вечернянас вӧлі артистӧс кытчӧкӧ командируйтасны, – ставыс жугалӧ, разьсьӧ вӧлі. Сы вӧсна и эз ло театрлӧн кыпӧдчылӧмыс колян сезонас. Та йылысь вӧлі гоз-мӧдысь гижӧма нин „Югыд туй“ газетӧ.

Таво вылӧ коми театр лӧсьӧдчӧ мӧд ногӧн уджавны. Ӧти-кӧ, лоӧ ичӧтик штат, „Сыкомтевчуклӧн“ ядра. Мӧд-кӧ, артистъясас босьтавны сэтшӧм йӧзӧс, кодъяслӧн унджык эм прӧст кадыс, медым эськӧ ворсігкості эз мырддьыны артистӧс да эз торксьы уджыс. Коймӧд-кӧ, быд тӧлысьын шуӧма вӧчны этша вылӧ куим спектакль (колян во вӧлі шуӧма кыкӧс); сы вылӧ ӧні колӧ нин лоны условиеыс: лоӧ ядра, конкурс сетас (чайтам) бура уна выль пьесаяс. Сэсся надейтчам: бюджетнӧй комиссия колян вося сметалысь ыдждасӧ таво оз жӧ чинты (чинтас кӧ, дерт, бара нинӧм оз ло, – сэки весиг уджас кутчысьныс нинӧмла).

Из книги: Попова С. М. Страницы истории коми театра / С. Попова. - Сыктывкар : Коми книжное издательство, 1965. - 95, [1], с., [8] л. фото с. : фото.

Ӧні коми театрлӧн сулалӧ медводдза могыс со кутшӧм: лӧсьӧдны ядрасӧ, - сэтчӧ колӧны сцена вылын ворсны кужысьяс. Кодъяслӧн эм окотаыс да сямыс – шыасьӧй обполитпросветӧ (либӧ ме дінӧ) торъя гижӧдӧн кӧть кывйӧн.

Сэсся мӧд мог: ядраысь кындзи на ковмасны коми артистъяс (быд ворсӧмысь торйӧн мынтысьӧмӧн). Татчӧ бара жӧ колӧны прӧстджык йӧз да ворсны кужысь семьяяс. Колян во босьтавлім сэтшӧм артистъясас совпартшкольникъяс пӧвстысь, да эз жӧ вӧв зэв шань: пӧшти быд рыт занятӧсь асланыс велӧдчан уджӧн.

Театрлӧн сезоныс заводитчӧ нин. Колӧ тэрмасьны. Нолтӧ, коми артистъяс, шыӧдчӧй! Босьтчылам тавосянь бурджыка кыпӧдны коми театрлысь уджсӧ.

Нёбдiнса Виттор

.

Кыдзи таво кутас уджавны коми театр. Лоӧ лӧсьӧдӧма ядра. Колӧны коми артистъяс / Нёбдiнса Виттор // Югыд туй. – 1929. – Сентябр 27 лун. – Пер. загл.: Как в этом году будет работать коми театр. Будет создано ядро.Нужны коми артисты.

.

Как в этом году будет работать коми театр.

Будет создано ядро. Нужны коми артисты

В прошлые годы мы проложили немало усилий для возрождения коми театра. Что только не было сделано. Только до сих пор нет никаких продвижений – работа коми театра стоит на месте. В прошлом году, конечно, из бюджета была выделена небольшая сумма, но театр снова не работал. Главная причина: артисты – простые служащие, они перезагружены своей и общественной работой: на репетиции приходить не успевают, на вечернем спектакле могут отсутствовать – артиста могли отправить в командировку, – все ломается-нарушается. Поэтому театр в прошлом сезоне не функционировал должным образом. Об этом пару раз писалось в газете  „Югыд туй“.

В этом году коми театр планирует работать иначе. Во-первых, будет небольшой штат, ядро „Сыкомтевчука“. Во-вторых, в артисты будут брать таких людей, у которых есть больше свободного времени, чтобы во время спектакля его не дернули на работу и не нарушили постановку. В-третьих, сказано, что каждый месяц будет ставиться как минимум три спектакля (в прошлом году было два); для этого нужны уже определенные условия: будет ядро, надеемся, что конкурс подарит нам много новых хороших пьес. Надеемся, что бюджетная комиссия не урежет суммы из прошлогодней сметы (если бюджет сократят, даже нет смысла браться за работу).

Из книги: Попова С. М. Страницы истории коми театра / С. Попова. - Сыктывкар : Коми книжное издательство, 1965. - 95, [1], с., [8] л. фото с. : фото.

Сейчас перед коми театром стоит первостепенная задача: сформировать ядро. Туда необходимы те, кто умеет играть на сцене. У кого есть желание и талант, обращайтесь в обполитпросвет (или ко мне), напишите нам или подходите сами.

Вторая задача: кроме основного ядра необходимы коми артисты (за каждый спектакль отдельная плата). Сюда опять же нужны более свободные люди и семьи, которые умеют играть на сцене. В прошлом году мы брали в качестве артистов людей среди совпартшкольников, но и тут не получилось: они каждый вечер были заняты своей учебной работой.

Театральный сезон начинается снова. Нужно спешить. Ну-ка, коми артисты, поспешите к нам! Попробуем с этого года работать получше на благо развития коми театра.

 Нёбдiнса Виттор

Перевод Александры Паршуковой