Озырмöдам коми репертуар (Обогатим коми репертуар)
Озырмöдам коми репертуар.
Карын кöть коми сиктъясын художествоа уджö кутчысигöн ми медвойдöр пыр мытшасям öтиторйö: сцена вылын ворсны да сьывны нинöм, коми пьесаяс да коми сьыланкывъяс абуöсь. Сиктъяссянь пыр горзöмöн корöны: вайö пö миянлы бур коми пьесаяс. А карсянь нинöм ыстыны – абу! Дерт, тадзи водзö кежлö оз позь миянлы кольчыны. Быдöн öд гöгöрвоöны: коми театрыд зэв ён отсöг культура кыпöдöмын, выль оласногö лöсьöдöмын.
Коми театр кыпöдiгöн медвойдöр колö мöвпыштны, дерт, коми пьесаяс вöсна: коми репертуартöг некутшöм коми театр о зло. Сы понда культура удж нуöдысь учреждениеяс да организацияяс водзын öнi сулалö ыджыд мог: озырмöдны, содтыны драмаа да сьылана коми репертуар (торъя нин драмаасö). Сы вылö öнi зэв нин ыджыда туйыс паськалic. Коми гижысьяс костысь сюрасны нин и драматургъяс. Коми репертуар озырмöдны вермасны прамöя нин. Сы вылö ыштöдöм кузя, Коми Обласьтувса Войтырöс велöдан юкöд (ОБОНО) восьтö конкурс бур коми пьесаяс вылö. Танi ме и кöсъя сетны конкурс йывсьыс кутшöмсюрö индöдъяс.
- Кутшöм коми пьесаяс колöны.
Медводдза условиеöн конкурсас пуктöма: пьеса (драма кöть комедия либö оперетка) сюрöснас и тэчаснас мед вöлi выль (оригинальнöй). Тайö висьталö, мед пьесаыслы сюрöссö (сюжет) вöлi гижысьыс корсьöма ачыс, мед эз вöв босьтöма кодлыськö мöдлысь, мукöд гижöдъясысь (висьтъясыс кöть пьесаясыс); сiдзжö мед вöлi гижысьяслöн аслас жö и тэчасыс (серниясыс да сцена вöчöмъясыс, обстановкаясыс).
Мöд условие: мед пьесаыс вöлi идеологиянас выль оласногсö кыскана да петкöдлö ыджыдджыктор олöм серыслысь. Миян став уджным мунö выль олöм тэчöм кузя, коммунист-партия индалöм серти. Сiдзжö и литератураыд миян лöсьöдчыссьö пролетариат-идеологияа. Мед и пьесаыд вöлi тайö туй вылö жö кыскö, выль оласногö сынö. Сэсся мед пьесаыд петкöдлiс ыджыдджыктор олöм серыслысь, – мед эз вöв босьтöма сюрöсыс вылö кутшöмкö ичöтиктор йылысь. Дерт, гижысьлы он вермы сетны водзвыв заказ пьеса сюрöс вылö, сöмын позьö индыны, мый йылысьджык öнiа кадас колö петкöдлыны театрын. Сы йылысь пасйыштöма жö условиеас.
Озырмöдам коми репертуар / Небдiнса Виттор // Югыд туй. – 1928. – 9 дек. – Пер. зал.: Обогатим коми репертуар.
Пьеса колö гижны мича, художествоа коми литература кывйöн: унджык образъяс колö сюйны гижöдад, оз ков лöсьöдны вывтi кузь монологъяс (öтка мортлысь öтпыръя сернияссö), мед сы пыдди вöлi ёнджыка тыдалö пьесаад керöм вöчöмыс (действия), мед эз вöв синмö шыбитан агитация. Пьесаыд сöмын бурöн да мичаöн лыддьыссьö, кымын ещöджык серниыс да унджык керöм вöчöмыс, – сэнi пьесаыдлöн и медыджыд доныс. Куш серниястö кö сюян, сiйö лоö бюллетристика, а оз пьеса. Сэсся куш агиткаяс оз ковны конкурс вылö.
Конкурс помасьöм бöрын (1929 вося май 1-я лун бöрын) пьесаяс кутас видлавны комиссия (жюри) да медвойдöр пондас видзöдны тайö условиеяс вылö. Бурджык коми пьесаяс гижöмысь сетасны премияяс (ставыс дас премия) да сiйö пьесаяссö медвойдöр кутасны печатайтны Коми нига лэдзанiныд. Премияысь кындзи гижысьлы мынтасны нöшта гонорар. Сiдзжö гонорар мынтöмöн кутасны босьтавны, кодъяс оз сюрны мый вöсна кö премия улас.
Сьыланкыв мотивъяс (мелодияяс) лöсьöдлöмысь сiдзжö лоöны премияяс. Мотивъяс мед вöлiны оригинальнöйöсь жö, мичаöсь, кыпыдöсь да кöть ичöтика коми ноглань мунанаöсь. Мотивъяс колö гижны ноты вылö (позьö куш мелодиясö, öтка гöлöслы, а бурджык вöлi хорлы сьылöм вылö).
- Кыдзи ыставны пьесаяс.
Конкурс вылö гижöм пьесаяс колö ыставны татшöм ногöн. Пьесаяс оз ков гижысьыслы пасйыны ассьыс ним овсö ни адрессö, колö сöмын юрас (медводдза листас) пасйыны кутшöмкö девиз (дженьыдик кывъя пас шуам кöть: „Чарла да мöлöт“, „Коми збойлун“ либö модтор). Сэсся тупкöса торъя конверт пытшкö сюйны гижöд, кытчö пасйыны: сiйö девизсö жö да гижысьлысь тыр ним овсö да адрессö. Тайö конвертсö öтпырйö пьесаыскöд сэсся и мöдöдны поштаöн Сыктывдiн карö, Обоноö, (коми пьеса конкурс вылö). Сьылан мотивъяс позьö ыставны веськыда ноты вылас либö торъя кабала вылö тыр ним овöн гижсьöмöн да адрес индöмöн. Тайö и – ставыс.
Коми гижысьяс, босьтчамöй тайö уджас, öтвылысь озырмöдамöй коми репертуар!
Небдiнса Виттор
.
Озырмöдам коми репертуар / Небдiнса Виттор // Югыд туй. – 1928. – 9 дек. – Пер. зал.: Обогатим коми репертуар.
Озырмöдам коми репертуар // Югыд туй. – 1928. – 9 дек. – Пер. зал.: Обогатим коми репертуар. – Электронная копия доступна на сайте Национальной электронной библиотеки Республики Коми. URL: https://nebrk.ru/docs/common/RKOMIBIBL0000427080/24 (дата обращения: 21.12.2023).
.
Обогатим коми репертуар
В городе или на селе, работая над художественной деятельностью, мы, в первую очередь, сталкиваемся с одной проблемой: на сцене играть и петь нечего, коми пьес и коми песен нет. Сельский народ кричит: мы хотим новые пьесы. А городские – ничего не предлагают! Конечно, не хорошо отставать. Мы понимаем: коми театр большая опора в развитии культуры, в создании новой жизни.
При развитии коми театра, в первую очередь, нужно подумать о коми пьесах: без коми репертуара не будет коми театра. Поэтому между культурными учреждениями и организациями стоит огромная задача: обогатить, дополнить коми репертуар драмами и песнями (особенно драмой). Дорога открыта. Среди писателей найдутся и драматурги. Коми репертуар смогут обогатить. Для таких целей областной отдел народного образования объявляет конкурс о самых лучших коми пьесах. О правилах этого конкурса я вам расскажу:
- Какие новые пьесы нужны.
Первое условие конкурса: Сюжет пьесы (драмы, оперетки) должен быть новый (оригинальный). Автор сам должен составить сюжет, не копировать у других авторов, не брать за основу другие рассказы и пьесы; структура должна быть новой (это диалог, сценические действия, роли).
Второе условие: пьеса должна направлять на новую жизнь и показывать картину жизни. У нас вся работа идет на строение новой жизни, по правилам коммунистической партии. Также и коми литература шагает к пролетарской идеологии. Чтобы и пьесы на эту дорогу встали и окунулись в новую жизнь.
Нужно написать коми художественным словом, красиво: больше образов, не нужны длинные диалоги (или однотонные монологи), значимое место, чтобы играли действия в пьесе, без агитаций. Пьеса считается хорошей и легко читается, если мало диалога (монолога) и больше сценических действий, – в этом самая большая заслуга пьесы. Если в тексте одни разговоры, это будет бюллетристика, а не пьеса. Только агитки на конкурс не принимаются.
Югыд туй. – 1928. – 9 дек.
После завершения конкурса (после 1 мая 1929 года) члены комиссии будут оценивать пьесы и строго по правилам конкурса. За лучшую коми пьесу дадут вознаграждение в виде премий (всего десять премий) и будут напечатаны в Коми книжной типографии. Кроме премий писателям выплатят гонорары. Если по каким-то причинам премий не будет, то выплатят только гонорары.
За мелодии будут отдельные премии. Мотивы должны быть оригинальные, красивые и с коми наклоном. Мотивы нужно создавать на ноты (можно только мелодию, на один голос, а лучше на хор).
- Как отправить пьесы.
Правила отправления работ. Подписывать пьесу только под девизом: например «Серп и молот», «Коми смелость и другие; под фамилией и именем не подписывать пьесу. Саму работу вкладываете в чистый конверт, подписываете и отправляете через почту в город Сыктывкар в областной отдел народного образования (на конкурс). Письма с песенными мотивами отправлять с отметкой на «ноты» и указать полное имя. На этом – всё.
Коми писатели, будем вместе работать, вместе обогатим коми репертуар!
Небдинса Виттор.
