Сиктса художествоа удж. Кыдзи лöсьöдны драмкружок (Сельская художественная самодеятельность. Как организовать драмкружок)

Сиктса художествоа удж.

Кыдзи лöсьöдны драмкружок.

Ставыс, мый петкöдлыссьö йöзлы син водзас мичаджык боксянь, – спектакль сьылöм, ворсöм, висьтавлöм, – ставыс сiйö шусьö художествоа уджöн. Тайö став уджыс сетö йöзыслы кык пöлöс бур: öти кö, кыскö, велöдö найöс выль оласногö; мöд кö, прöст кадсö коллявны инасьöны найö бур гаж бердö.

Миян обласьтын öнöдз на эз вöв прамöя кутчысьöм татшöм ыджыд удж дiнас, сиктъясын та вылö унаöн на видзöдöны кутшöмкö медбöръя удж вылö моз – уджыштöны кыдз сюрö да корсюрö. Öнi, культурнöй революциялань сынiгöн, колö тайö уджас чорыдджыка босьтчыны. Гырысь йöзöс югдöдан удж костас öд, ми чайтам, художествоа уджыслы колö сувтны воддза радъясасджык, а миян пöштi бокö кольöма. Сiдз водзö оз позь эновтны.

Быд пöлöс художествоа удж колö нуöдны кружокъясö котыртчöмöн. Сиктъясын став югдöдчан уджыс öтувтчö лыддьысян керкаясын; сэнъясын и колö лöсьöдны художествоа кружокъяссö. Став художествоа удж пöвстас медводдза местасö босьтчö стена вывсянь петкöдлана ворсöм (спектакль, инсценировка, агитсуд, ловъя газет). Тайö уджсö нуöдны колö котыртны (организуйтны) драматическöй кружок. Сiйö кружок йывсьыс медвойдöр лоö танi сернитны.

Быд сиктын овлывлö спектакльыд, сöмын абу на быдлаын драмкружокыд. Мед войдöр танi избачлы мог – котыртны ворсысьяссö кружокö. Комсомолечьяс пöвстысь да том йöз костысь пыр сюрасны морт 5-6 бурджыка ворсысьяс, кодъяс оз бöрыньтчыны котыртчöмсьыс. Наысь и лоас медводдза ядрöыс драмкружокыслöн. Кружоксö вынсьöдö волполитпросветком. Членъясö кружокас вермасны пырны граждана ас вöляысь, кодъяс кöсйысьöны уджавны кружокас. Мед, уна кö йöзыс первойясö лоас, сыысь повны оз ков. Бöр вылас, удж сертиыс, тöдчыны кутас, быдöнлöн эм ворсан сямыс. Кодлöн абу сямыс, дай водзö велалöм вылö надеяыс оз тыдав, сэтшöмсьыс, дерт, нинöм, сэтшöмыс и ачыс петас.

Кружок аслас членъяс пытшкысь бöрйö руководительöс (режиссёрöс) да сылы отсöг вылö секретарöс. Тайöн и помасьö кружоклöн котыртчан боксяньыс медводдза могыс.

Калининская обл., г. Кимры. 1929 год. Фото с сайта https://russiainphoto.ru/photos/2187/

Öнi cэсся ковмас кружокыдлы самöй ловъя уджас кутчысьны. Быд членлы колö гöгöрвоны: художестова удж вермас бура мунны да мичаа артмыны, кор сы вылö бура лöсьöдчан, сьöлöмсянь зiлян да лючки тöдмалан ас гöгöрса олöмсö. Мед вöлiны: дисциплина, кывзöм, зiльöм да вежöртöм. Кружоклы уджавны оз ков ас пондаыс, мукöд югдöдчан уджысь орöдчöмöн да лыддьысян керкаысь сайöдчöмöн. Сэки кружокыд оз кут нуöдны ассьыс веськыд могсö, бокö коляс.

Куш спектакльяс кежлö лöсьöдчöмыс кындзи на кружоклöн эмöсь гырысь уджъяс. Медводдзаыс – öтув велöдчöм. Пьесатö босьтан да колö первой гöгöрбок сiйöс видлавны, тöдмавны: мый сiйö петкöдлö, кутшöм вермасьöм сэнi мунö, мыйсяма йöзöс сэнi мыччöдлöма, мый бурсö сетас сiйö видзöдысьяслы – коми уджалысь войтырлы. Тайöяскöд тöдмасьтöг оз позь петны ворсны сцена вылö. Тадзи тöдмасигас членъяс велаласны бурджыка ворсны, гöгöрвоасны ассьыныс рольяссö да дзугсьöмъясысь оз кутны повны. Репетицияяс вылö колö волывлыны став членъяслы, кöть эськö, гашкö, оз быдöн ворсны сiйö пьесаяс да, – сэки найö велöдчасны тшöтш мукöдъясыслысь видзöдöмнас-кывзöмнас.

Некутшöм зык-шум, мöда-мöд вылö лекалöм репетицияяс дырйи (кöть кор) оз ков кыпöдны. Руководитель мый тшöктас вöчны – колö кывзыны. Дерт, и сылы вывтi ыджыдавны да асьсö вылö пуктыны оз ков – пыр мед вöлi ёрта-ёртлы моз висьталöма да индалöма. Лыбас кö вензьöм кутшöмкö роль нуöдiгöн, шуам кöть: кыдзи пö сёрнитныс колö татi либö мöдлатi. Руководитель, гашкö, шуас: тадзи пö колö, а рольсö ворсысьыс мöд ногöн шуö. Сэкi колö öтвылысь артмöдны, кыдзи збылысьсö колö пьеса сертиыс – сэки регыдöн öти кывйö воан.

Кружоклы уджнас колö петкöдлыны и ассьыс водзмöстчöмсö (самодеятельность). Миян коми репертуар (пьесаяс) зэв на гöль, оз на тырмы. Кружок вермас босьтны кутшöмкö бурджык сюжет да вöчны сыысь инстенировка; сöмын сэтшöмторъяссö, ворстöдз войдöр, колö бара жö  видлавны гöгöрбок пьесаясöс моз жö.

Ичöтик статьяад став уджсö он вермы индыны, – танi сöмын ме висьталi öтувъя гырысьджык туйдöдъяссö. Сэсся кружокъяслы колö аслыныс бурджыка велöдчыны, енджыка лыддьыны та йылысь литература, торъя нин журнал „Деревенский театр“, – сетысь зэв уна туйдöд сюрас. Кутшöмкö мог кö суас, колö гижны художествоа удж нуöдысь инструкторлы (Обоно бердын), дай пыр колö сыкöд йитöд кутны (öнi инструкторас буретш ме ачым).

Драмкружокса став удж йывсьыс колö отчетъяс пыр нуöдны да ыставны уполитпросветъясö. Бурджык опытъяссö асланыс уджысь колö лючки гижны да ыстыны политпросвет удж кабинетö (Сыктывдiн кар, Совпартшкола).

Таво тöв чöжнас быдлаын нин колö котыртны драмкружокъястö да уджсö нуöдны. Ассьыным зiльлуннымöс пуктöмöн вермам кыпöдны сиктса художествоа уджтö. Мöдысь гижышта мукöд пöлöс кружокъяс йылысь.

В. Савин

.

Сиктса художествоа удж : кыдз лöсьöдны драмкружок // Югыд туй. – 1928. – 17 окт. – Пер. загл.: Художественная самодеятельность на селе : как организовать драмкружок. – Электронная копия доступна на сайте Национальной электронной библиотеки Республики Коми. URL: https://nebrk.ru/docs/common/RKOMIBIBL0000427066/46 (дата обращения: 21.12.2023).

.

Сельская художественная самодеятельность.

Как организовать драмкружок.

Всё, что мы показываем, всю красоту людям – песни, спектакли, рассказы – всё это называется художественной работой. Вся эта работа приносит людям двойную пользу: во-первых, учит к новой жизни; во-вторых: праздничное времяпровождение.

В нашей области никто не занимается такой большой работой, в селах  немножко по-другому – работают спустя рукава, думая, что эта последняя работа. Сейчас, шагая к культурной революции, нужно взяться за эту работу. Мы думаем, что художественную работу нужно поставить на передний план, чем работу чиновников, а у нас наоборот. Это так оставить нельзя.

Художественную работу нужно проводить, объединившись в кружки. Все мероприятия проходят в избах читальнях; вот там и нужно организовывать художественный кружок. На первом месте среди художественных работ  театрализованные постановки (спектакль, инсценировка, агитационные суды, живые газеты). Чтобы начать эту работу, нужно организовать драматический кружок. Об этом кружке дальше пойдет речь.

В разных селах показывают свои спектакли, не везде есть драматические кружки. У избы читальни своя цель – собрать артистов в кружок. Среди комсомольцев и молодежи всегда найдутся 5-6 лучших артистов, которые не откажут. Это и будет ядром драматического кружка. Кружок поддерживает Волостной Политпросветительский комитет. В члены комиссии могут вступить и добровольцы, которые желают работать в кружке. Не страшно, если для начала будет много людей, не нужно пугаться. Уже потом будут видны таланты. А кто не сможет найти себе место, сами уйдут.

Среди членов кружка нужно выбрать руководителя (режиссера) и секретаря. На этом организационный момент о создании кружка заканчивается.

Теперь о самом главном. Каждому члену комиссии нужно понять: что художественная работа может красиво идти и хорошо продвинуться, если к нему тщательно подготовиться, с душой постараться посмотреть прекрасное вокруг себя. Чтобы были: дисциплина, труд, ум. Кружок не должен самостоятельно работать, в стороне от избы читальни и других организационных работ.

Из книги: Попова С. М. Страницы истории коми театра / С. Попова. - Сыктывкар : Коми книжное издательство, 1965. - 95, [1], с., [8] л. фото с. : фото.

В работу кружка включены и крупные работы. Первое – общее саморазвитие. Пьесу нужно тщательно изучить, понять:  сюжет, действия, характер героев, черты, которые характеры для коми народа. Без подготовки на сцене нельзя выступать. Соблюдая вышеизложенные правила, члены будут стараться качественнее играть, войдут в свои роли и ошибок не будет. На репетицию всем членам нужно приходить, даже если не играют в пьесе, – слушая и смотря, они научаться от других.

Репетиции не должны доходить до ссоры и шума. Задания от руководителя нужно выполнять. Естественно, и он не должен чересчур себя показывать – чтобы было понимание и поддержка между людьми. Если создается проблема: как правильно произносить или ещё что-то. Руководитель, например, скажет: так надо, а актер – по-другому. В таких случаях, нужно найти обоюдное решение, и действительно – как идёт правильно в пьесе.

В работе кружка должна быть и самодеятельность. В коми репертуаре мало пьес, их не хватает. Поэтому в кружок нужно брать хорошие сюжеты и поставить инстенировку; но, такие, которые не выходили еще, нужно изучить как пьесу.

В маленькой моей статье все работы не обхватить, – здесь только о крупных направлениях. Потом, членам кружка нужно хорошо учиться, много читать литературу, особенно журнал «Деревенский театр», ­– там много нужных и правильных направлений. Если возникает проблема, нужно написать инструктору по художественному делу (при областном отделе народного образования), постоянно нужно держать с ним связь (теперь инструктором являюсь я).

О работе драматического кружка нужно отчитываться уездному органу, руководящей политическо-просветительной работой. Хорошие работы из своего опыта нужно написать и отправить в отдел по политическому просвещению областного комитета.

Этой зимой повсюду нужно организовать драматические кружки и начинать работать. Мы можем своими силами повысить художественную работу. В следующей моей статье расскажу о других кружках.

В. Савин