Театр удж орöдicны. Тадзи некор оз лолы коми театрыд (Театральную работу сорвали. Так никогда не будет коми театра)
Театр удж орöдicны.
Тадзи некор оз лолы коми театрыд.
(дзик öд фельетон кодь).
Кутшöм нимкöдь пыръяысь пондылiм босьтчыны Сыктывдiн карын коми театр лöсьöдны! Сэтшöма нин вöлi быдöнлöн сьöлöмыс радлö: сё дивъя пö, вöлi шуöны ворсны окотитысьяс, кор лыддьöмаöсь „Югыд туй“ газетысь (№ 122) менсьым статья „Коми театр лоас“, – вöлисти пö асшöр театраöсь лоам!
Со тай и лоим, та мында и нимкодясим, мокасьтыд!
Неуна пö лöньöштлöй на – шуöмаöсь. Оз пö позь нинöм вöвлытöм инö друг бырски-барски дзонь театр лöсьöдны, вывтi пö лоö! Быдöн войтыртö шемöс босьтöма, весиг серамöдз воöмаöсь…
Збыльысь öд, серам и эм, бурджыка кö мöвпыштан. Кöсйöны вöлi кодсюрö вит сюрс шайт вылö во гöгöрöн ловзьöдны да кыпöдны Сыктывдiн карса коми театр! Сiйö нö абу йöз серам? Мед сы мында сьöмыс вылö вöлi видзöма торъя Инструкторöс став обласьтувса художествоа уджсö бурджыка пуктыны и, мед вöлi организуйтöма карын показательнöй коми театр и, медалöма ворсысьясöс, мед найö сиктъясö ветлicны и, мед вöлi декорация, костюмъяс да быдсяма ворсан кöлуйсö лöсьöдöма и, мед быд тöлысьын кык спектакль сувтöдны и – шуны кö, ки пыдöс пасьта эшкын улö мед тöрисны кузь тушаа богатырьяс!
Огö нин öд ми, майбыр, медводдза во асьнымöс сералö, дас во нин лöсьöдам коми театр, да век на абу. Тадзи кö кутам водзö видзöдны, уна во на ковмас серавны.
Гашкö тайö статтясö лыддьысьяс юаласны: „мый нин нö бара лоöма“ Мыйысь нин Витторыс дöзмöма да сэтшöма япитö?
Лоö тай, ёртъяс, дзезгыны-горзыны. Горзам нин эськö, гöлöсыд кö тырмас, да öд мукöдыс нöшта сьöкыд пельöс – оз быд гöлöс шы кывны. Сэсся тай, со, и гижны лоö, мед аддзасны кöть.
Шуöма вöлi обласьтувса бюджетысь лэдзны таво кежлö сьöм 5000 шайт (водзынджык индi нин мыйяс вылö), сэнi жö тшöтш 3000 шайта фонд – бурджык пьесаяс да художествоа коми гижöдъяс премируйтöм вылö – куш карса театр вылö да сиктса художествоса удж нуöдöм вылö вöлi сметасö лöсьöдöма 5000 шайт вылö.
Öнi тайö лунъясö на дзик, бюджетнöй комиссия видлалöма сметасö да кольöма став уджыс вылö сöмын…2000 шайт. Дзонь 2000 шайт убелитöмаöсь шнечкыны татшöм ыджыд уджтö бергöдöм вылö! Став фонднас и ставнас нин сiйö!
Меным весиг эз ло лöсьыд бур йöзсяньыс, пöръясьöм быттьö лои газеттö статьяным, яндзим быдöн босьтö.
Бюджетнöй комиссиясалы мый налы медтыкö ещöджык сьöм вöлi видзöма а, унджык веськодь; эм кöть абу коми театрыд Сыктывдiн карад. Сiдзи öд и шуöмаöсь: колян воö пö тай öти грöш абу вöлi сетöма да, олiсны а, таво пö 2000 шайтыд зэв нин ыджыд деньга…
Öнi сэсся мый? 2000 шайт вылö позяс видзны сöмын öтик Инструкторöс. Некутшöм труппа ни (театр ни), спектакль ни, коми репертуар озырмöдöм ни, – нинöм таво вылö оз ло. Бара на гигзьыны-серавны кутам. „Комедияыд“ ачыс артмö, оз ков гижны небось!
Кытчö нö чинтöма бюджетнöй комиссияыс 6000 шайтсö? Сiйö сьöмсö юкöма нель уездлы – 1500 шайтöн. Тайö, дерт, колантор, сöмын эз ков орöдны карса театрысь. Бюджетнöй комиссиясалы позис жö видзöдлыны кутшöм сюрö постановлениеяс вылö: вöлiны сы йылысь, шуöмъяс Обисполкомлöн, Обкомлöн, собраниеяслöн.
Оз кö сетны обласьтувса бюджетысь 8000 шайтсö, кыдзи вöлi арталöма водзджыксö, ыджыд гöлöсöн выль пöв ме горöда: „Коми театр оз ло!“ – Медым тайö горыс бöр вевттяс менсьым воддза шуöмöсь – „Коми театр лоас“.
Кань козинлöн козьнасьöм кодь жö дзик миян коми театрнад ноксьöмыд.
В. Савин
.
Театр удж орöдicны: тадзи некор оз лолы коми театрыд: (дзик öд фельетон кодь) / В. Савин // Югыд туй. – 1928. – 10 окт. – Пер. загл.: Работа в театре прекращена: в таких условиях вряд ли он будет существовать. – URL : https://nebrk.ru/docs/common/RKOMIBIBL0000427066/27 (дата обращения: 17.07.2023). – Режим доступа: Национальная электронная библиотека Республики Коми.
.
Театральную работу сорвали.
Так никогда не будет коми театра (как фельетон).
С каким энтузиазмом брались организовывать в Сыктывкаре коми театр! У всех уже сердце радовалось: ох, как хорошо, говорили желающие играть, когда прочитали в газете «Югыд туй» (№ 122) мою статью «Коми театр будет», – наконец-то со своим театром будем!
Вот и стали, только и радовались!
Немного подождите – сказали. Невозможно быстро создать театр, чересчур будет. Люди удивлены, доходит до смешного…
Если хорошо подумать, действительно смешно. Некоторые хотели за 5000 рублей за год организовать и поднять Сыктывкарский коми театр! Не смешно ли? Чтоб на эти деньги наняли инструктора, чтоб улучшить работу по всей области, и чтоб организовать в городе показательный коми театр, и найти артистов, чтоб они ездили по сёлам и, чтоб были декорации, костюмы и, чтоб ставили спектакли два раза в месяц.
Может быть читатели статьи спрашивают: «что же опять случилось? На что Виктор сердится?».
Приходится, товарищи, кричать. Кричим пока, если голоса хватит, но ведь некоторые глуховатые – не каждое слово слышат. Поэтому приходится писать, чтоб видели хоть. Было сказано, что из областного бюджета было спущено 5000 рублей, там же было заложено 3000 рублей – на премии за лучшие пьесы и художественные произведения, только на городской театр и работу в сёлах в смете указано 5000 рублей.
В эти дни бюджетная комиссия рассматривала смету и оставила на всю работу… 2000 рублей!
Мне даже стыдно стало перед людьми, как будто в статье я обманываю их.
Бюджетной комиссии лишь бы деньги считать, а остальное всё-равно: будет нет в Сыктывкаре коми театр. Так ведь и сказали: в прошлом году ни рубля не получили да жили, а в этом году 2000 рублей большие деньги.
Что сейчас? На 2000 рублей придется содержать только одного инструктора. Никакой ни труппы, ни пополнения коми репертуара, – ничего в этом году не будет. Опять будем только смеяться. «Комедия» сама получается, не надо даже писать!
Так куда же бюджетная комиссия спустила 6000 рублей. Она поделила их между четырьмя уездами – по 1500 рублей. Это, конечно, хорошо, но только не надо было у городского театра забирать.
Если не дадут с областного бюджета 8000 рублей, как было рассчитано раньше, я громким голосом крикну «Коми театра не будет!» – пусть эти слова перекроют мои слова «Коми театр будет!»
В. Савин
