Грамота помын став бурыс (Успех в учении)

Грамота помын став бурыс

Воддза газетын (видзöд „Югыд туй“ № 154, „Школа ждет“) ми гижлiм нин, кутшöм сьöкыд öнi государстволы дзик ас вылас школаяс видзны (кутны). Гашкö кодкö эз лыддьы сiйö гижöдсö да, либö рочнад эз прамöя гöгöрво, либö нö эз пыдди пуктi ciйö гижöдсö да, ­– талун ешшö ичöтика сернитыштам (комиöн нин) школа йылысь.

Школа – зэв ыджыдтор. Велöдчöм (просвещенньö) – став олöмлöн вужйыс, сы помын став сюрыс и шудыс му вылын. Оз öд прöста шуны: „ученньö пö – свет, неученньö ­– тьма“. Быдöнлы тайö позьö гöгöрвоны. Коми йöзлы медъена колö кутчысьны школа дорö: ми мукöдысь пемыдöсьджык, велöдчытöмöсьджык. „Азбуки“ тöдöм да ним-ов пасйыны кужöм – абу на сполнöй грамота. Колö тöдны быдтор: кыдзи бурджыка овны, кыдзи кокньыдджыка уджавны, унджык пöльза удж помысь босьтны, – со кутшöмöдз колö велöдчыны. Татшöма велöдчöм мортöс вöлисти позьö шуны грамотнöйöн. Мед эз вöв сылöн нинöм тöдтöмтор, синводзыс мед пыр вöлi воссьса, юрвежöрыс югыд, да мед и мукöдöс сы вылö жö велöдыс. Та выйöдз [….] быдöнöс Сöветскöй власьт миян и тöждысьö.

Из книги: Молодцова М. Буквар. – Сыктывкар : Коми госиздат, 1935. – 79 л. б.

Cöмын Россия öнi зэв на гöль, – муртса на кутiс кок йылас сувтны  сизим вося война бöрын, эм ыджыдджык мог – кыпöдны кöзяйство, оз на вермы  школаяссö ена паськöдны. Колö отсавны став йöзыслы.

Мукöдыс, гашкö шуасны: ме бара ог отсав, менам некодöс велöдны – челядь абу, мед отсаласны, колö кö, кодъяслöн пияныс велöдчöны!..Тадзи, дерт, оз позь сернитны. Велöдчыны ставыслы колö: тöдысь велöдчöм йöз туйдасны быдöнöс (челядьтöмъясöс и) бурджыка уджавны, енджыка овмöс кыпöдны, кокньыдджыка овны.

Босьтам коми крестьяналысь олöм. Кодi велöдчöма – сылöн и овмöсыд бурджык, ачыс эськö и кокньыдджыка мукöд дорысь уджалö да, Мыйла сiдзö сiдзи? Ставыс велöдчöмла. Велöдчöм крестьяниныс аслас видз-муын уджалö агрономия сертиджык (агрономия – лоö наука, бурджык ногöн видз-му уджавны велöдыр). Ме унаöс тöда сэтшöм öтка крестьянинъясöс: Кöрткерöсысь, Пезмöгысь, Небдiнысь, Шойнатыысь, Выльгортысь и мукöдлаысь.

Мыйлакö сöмын миян йöзыс абу öткодьöсь быдлаын. Мукöдыслы велöдчöмыс зэв ена колö, мукöдыс тшöть моз прöтив сувтöны.

Зэв нин важöн, дас вит во сайын, вöлi вöчöмаöсь приговоръяс куим вöлöстьын: Небдiнын – 15 августын 1907 воö, Пöддельнöйын – 31 август 1907 воö да Выльгортын – 9 сентябрын 1907 воö  жö; сiйö приговоръясас вöлi шуöма:

„Ми пö, Коми йöз, зэв пемыдöсь, велöдчыны пö бурджыка некöн, колö пö восьтны Сыктывдiн карын ыджыдджык школа (средн. учебн. завед. ­– гимназию), мед пö ешшö югдöдны миян челядьяс да 97 сюрс коми мортлы (Устьс. у.), асланым велöдчöм йöз ваясны культура“.

Та серти Коми йöз важысян нин казявлöма ассьыс пемыдлунсö да чуксасьлöма школаö, – дерт, бара жö шуа, абу быдласянь, а кöнi „грамотнöйджыка“ вöлöм олöны (Небдiн да Выльгорт лыддьысьлiсны пыр сюсьджык вöлöсьтьясöн).

Веськыда кö шуны öд, важ, сарскöй школаясад эз сетлыны прамöй наукасö сьöд йöзыдлы: сэнi вöлi велöдöны сарöс да озыр йöзöс „пöчитайтны“ да енмысь повны. Сэсся гырысь школаясад крестьяна пияныд шоча и веськавлiсны, да и сэк на, со, вöлöм колö велöдчöмыд.

Из книги: Молодцова М. Буквар. – Сыктывкар : Коми госиздат, 1935. – 79 л. б.

Öнi cöветскöй школаясыд сетöны веськыд наука, некутшöм йöйтöдлöм – ылöдлöм абу, – быд мортлы позьö велöдчыны университетöдз!

Кыдзи нö сэсся тайö сьöкыд пöранас оз ков отсавны асланым Сöветскöй власьтлы, кутыштны сöветскöй школаяссö?

Колян газетын на (№ 155) вöлi юöр: Койгородын йöзыс тöждысьöны велöдчöм вöсна да приговорöн корöны восьтны выль, ыджыд школа, эмöсь сэтшöм и мывкыда (Сознательнöй) йöз кöнсюрö и мöдлаын. На бöрысь колö быдöнлы вöтчыны!

Бурджыка думыштöй, Коми войтыр, та йылысь! Сьöлöмсьыныдджык видзöдöй школаяс вылö! Мöдысь ыджыд аттьö шуасны тiянлы öнiя челядьяс. Сьöкыд олöм лоö налы – пемыдöн кö, велöдчытöг найö быдмасны, сэки найö оз бурöн миянöс казьтыштны, – оз ков тайö вунöдны!

Кыпöдчыламöй жö ставным öтвылысь асланым школаяснымлы отсавны, кыдз-мый вермам! Сетамöй челядьлы югыд лун, мед регыдджык му пырыс мунас важ лек олöмыс, курыд пемыд олöмыс!

Небдiнса Виттор

.

Грамота помын став бурыс / Небдiнса Виттор // Югыд туй. – 1922. – 5 окт. – Пер. загл.: Успех в учении.

.

Успех в учении

В газете («Светлая жизнь» № 154) мы печатали, как тяжело государству поддерживать школы. Возможно, кто-то не читал эту статью, или на русском языке было не понятно, или не считали нужным, – сегодня еще раз поговорим о школе, но на коми языке.

Школа – это очень большое. Образование – это корни в течении всей жизни, это зарождение счастья на Земле. Не зря говорят: «ученье свет – неученье – тьма».  Это нужно всем понять. Коми народу нужно быть ближе к школе: мы темные люди, без образования. Знать «Азбуку» и подписывать имя и отчество – это неполное образование. Многое нужно знать: как хорошо жить, как работать, какая польза от работы, – вот до таких знаний нужно отучиться. Такого человека вполне можно считать грамотным. Чтобы не было ничего неизвестного, чтобы перед глазами было открыто, была светлая память, и чтобы учить других […].

Только Россия очень бедная, – только после семилетней войны встал на ноги с большой целью – возродить хозяйство, не всилах ещё возвышать школы. Народу нужно помочь.

Многие скажут: я не буду помогать, мне некого учить – детей нет, пусть помогают те, у кого дети учатся!.. Так, конечно, нельзя разговаривать. Всем нужно образование: люди со знаниями покажут правильный путь и к работе, и к возрождению хозяйства, и к легкой жизни.

Из книги: Молодцова М. Буквар. – Сыктывкар : Коми госиздат, 1935. – 79 л. б.

Посмотрим жизнь коми крестьянина. Кто хорошо выучился, у того успешное хозяйство. Почему так? Всё обучение. Образованный крестьянин работает со знаниями агронома (агрономия – наука, научная основа сельскохозяйственного производства). Есть такие крестьяне: из Корткероса, Пезмога, Небдино, Сторожевска, Выльгорта и других мест.

Коми народ не везде одинаковый. Одним образование очень нужно, другие против встают.

Давным-давно, пятнадцать лет назад, в трех волостях были приговоры: в Небдино – 15 августа 1907 года, в Подъельске – 31августа 1907 года, в Выльгорте – 9 сентября 1907 года; в приговорах было:

«Мы, коми народ, темный народ, хорошего образования нет, нужно открыть большую школу в Сыктывкаре (гимназию), чтобы просветиться нашим детям и еще 97 тысячам коми людям, наши образованные люди принесут культуру».

Коми народ знал о своих проблемах в образовании, обращались в школы, – естественно не все, а только «грамотные» люди (Небдино и Выльгорт грамотные волости).

Если честно, в царских школах коми народ не получал знаний: там учили царей и богатых людей верить в бога. В крупных школах для крестьянских детей мест не было.

Из книги: Молодцова М. Буквар. – Сыктывкар : Коми госиздат, 1935. – 79 л. б.

В советских школах существует истинная наука, никакого обмана нет, – каждый может поступить в университет!

Как в такое тяжелое время не помочь нашей Советской власти возродить советские школы?

В прошлых выпусках газеты (№ 155) была информация: Люди Койгородского района беспокоятся по поводу образования и в приговоре требуют открыть новую, большую школу, где-то есть ещё такие сознательные люди. За ними и нужно следовать!

Коми народ, задумайтесь! Восторженно смотрите на школы! Дети скажут вам большое спасибо.  Будет тяжело им – если они в будущем не получат образования и о нас мнение будет плохое – не надо это забывать!

Так поднимем вместе школы, как сможем! Дадим детям знания, чтобы быстрее ушла плохая и темная жизнь!

Небдiнса Виттор