„Коми сикт“ – крестьяна газет (,,Коми сиктʻʻ – крестьянская газета)

„Коми сикт“ – крестьяна газет.

Мый вермас вöчны волiсполкомса секретар крестьяна костö

газет разöдöм понда?

Во вит ö квайт нин ми пыр дугдывтöг зiлям, кыдз эськö унджык газет разöдны деревняясö, медым эськö унджык крестьяна лыддисны газетсö. Быд ногыс нин пессим сы вöсна. Сöмын öнöдз на пöшти нинöм эз артмы – коми крестьяна зэв на этшаöн лыддьöны газеттö, зэв на ещö газет разалö коми деревняясö.

Деревняса культурнöй удж нуöдысьяслы, тшöтш став обществоса учрежденньöясын да организацияясын служитысьяслы, колö зiльны пыр крестьяна костö газет разöдöм понда. Сöмын колö кужны да тöдны, кыдзи бурджыка тайö уджсö нуöдны, медым крестьянаыс кутасны газетсö не только судзöдны да лыддьыны, а мед эськö тшöтш и асьныс кутicны газетас гижны. Босьтам кö ми коми крестьянатö, унджыкыс на оз тöд, кыдзи судзöдны газетсö, весиг оз на гöгöрво – кутшöм пöльза сетö газетыс.

Редакция öтнас оз вермы сюйны унджык газет крестьяна пöвсö. Колö отсöг местаяссянь (деревняяссянь). Медся ёна крестьянакöд лоö  öтлаасьлыны вöлисполкомса председательлы да секретарлы. Быдлун нин на дiнö кутшöмкö могöн волöны крестьянаыд. Вот найö вермасны зэв ёна отсавны газеттö крестьяна костö разöдны. Колö сöмын босьтчöмыс. Водзмöстчöмыс, окотитöмыс.

Танi ми гижыштам, кыдзи öтик волисполкомса секретар (абу миян Обласьт улысь, а Тверскöй губерняыс) Крылов разöдö газетъяс аслас вöлöсьтса крестьяна пöвстын. Сiйö со кыдзи уджалö:

„Öнi менам ки пыр тöлысьнас мунö: 23 нумер „Беднота“, 12 нумер „Тверская Правда“ да 3 нумер „Тверская деревня“. Став газетыс тайö воö поштаöн менам ним вылö. Мэ сэсся ачым нин юкла да разöдала газетсö судзöдысьяс костас. Квайт нумер „Беднота“ ме судзöда дзик аслам тшöт вылö. Сэсся артышта кодi оз на судзöд газетсö, нуа сылы гортас, пукты пызан вылас дай шуа: „на, лыддьы, дзон тöлысь чöж тэныд кутас воны газетыс“.

Из газеты «Югыд туй». 1928 год. 6 мая

Медым бурджыка дядьöыд кутчысяс газетас, ме сэтысь первояссö индала сэтшöм статтяяс, кодъяс ёнджыка сылы колöны, пыдöджык юрас пырöны. Сернитышта ещö ичöтика сыкöд, дядьыд и велалiс газеттö лыддьыны. Кор аддза – ёна нин сiйö газетас кутчысьöма, муна мöд ордö да бара сiдзи вöча, а воддзаыс ачыс нин кутас судзöдны газеттö, оз нин кöсйи лэччысьны газет лыддьöмысь.  Некор на эз вöвлы меным газетысь мынтысьтöм, пыр на мынтысьлicны. Асьныс вöлi и юаласны: „уна-ö ковмас тэныд газетсьыд“.

Быд собранньöяс вылын ме лэпта серни газет йылысь. Ог торйöн, а мукöдпöлöс сёрни костын. Сэсся мукöд уна нуöдысьяслы тшöкта газетъясысь корсявны сэтшöм статьяяс, кöнi гижöма мыйкö асланым вöлöсьт йылысь, кутшöмкö удж, вöчöм йылысь, либö кöнi пасйöма тöдса ним ов. Кор крестьяналы петкöдлан сэтшöм газетъястö, найö асьныс кутасны сёрнитны газет судзöдöм йылысь, дай газетö гижöм йылысь тшöтш. „Но, мокасьтö, – шуасны шензигтыр – тайö-тай нö миян йылысь гижöмаöсь. Кыдзи нö тöдöмаöсь сэнi? Кузьма кö гижöма-а? Видзöд, зонмö, печатайтöма öд! Ме кö гижа, гашкö лэдзасны жö öд. Вайлы, другö, тайö газетсö, ме гортсалы петкöдла“…

Водзö сэсся Крылов тадзи тшöктö вöчны: лöсьöдны записнöй книжка да пасъявны сэтчö став циркуляръяс, декретъяс, туйдöдöмъяс, статьяяс, – быдтор мый инмö крестьяналы (дерт, он ставсö гиж книжкаад, сöмын пасйыштан мый йылысь). Кор крестьянакöд серниö мыйкö йылысь воан, перйы книжкатö да висьтав, кутшöм газетысь позьö аддзыны сы йылысь. Медым крестьяна асьныс ветласны газетысла, кытысь позьö матысджык судзöдны (сельсöветö, школаö, лыддьысян керкаö), да лыддясны колантор йывсьыс.

„Крестьяниныд непременнö ветлас, аддзас мый сылы колö, дай зэв дöвöльöн коляс. Сiйö ачыс гöгöрвоас: газетыд оз шутит, а делö йылысь гижö“. Сэки сылы аслыс окота лоас газеттö судзöдны.

Ме пыр тадзи вöча, – шуö Крылов – да пыр на зэв бура артмылiс“.

Позьö оз вöчны тадзи миян Коми обласьтьын? Сюрасны оз миян татшöм бур секретаръясыс (либö мукöд деревняса – уджнуöдысьяс)? Позьö да колö, колö сюрныс и.

Ми надейтчам, кодъяскö и Коми волисполкомса секретаръяс пытшкö босьтчыласны Крылов моз уджавны газет разöдöм понда.

„Коми сикт“ – крестьяналöн газет. Крестьяналы тайö газетсö колö лыддьыны, колö налы и гижны тшöтш сэтчö. Найö босьтчасны лыддьыны и гижны. Налы отсаласны волисполкомса секретаръяс öтвылысь став мукöд уджнуöдыськöд.

Кутчысьламöй ставным тщöтш газет разöдны крестьяна костö!

В. Савин

. 

«Коми сикт» – крестьяна газет : мый вермас вöчны волисполкомса секретарь крестьяна костö газет разöдöм понда? / В. Савин // Коми сикт. – 1925. – 5 дек. – Пер. загл: «Коми село» - крестьянская газета : что может сделать секретарь волисполкома для распространения газеты между крестьянами?

.

,,Коми сиктʻʻ – крестьянская газета.

Что сможет сделать секретарь волисполкома по раздаче газет среди крестьян?

Лет пять-шесть мы работаем над тем, как бы побольше газет раздать в деревнях, чтобы больше крестьян их читали. По-всякому уже пробовали. Только до сих пор ничего не получается – коми крестьяне еще очень мало газет читают, еще очень мало раздают в деревни.

Работникам культуры, всем работникам учреждений и организаций надо стараться побольше газет раздавать. Только надо знать и уметь, как лучше такую работу проводить, чтобы крестьяне стали не только доставать и читать, но и писать в газету. Если брать коми крестьян, то многие еще не знают, как достать газету, да и не понимают еще в чём польза газеты.

Редакция сама не может раздавать больше газет среди крестьян. Нужна помощь на местах (в деревнях). Прежде всего собраться с крестьянами председателю волисполкома и секретарю. Каждый день к ним ходят со своими проблемами крестьяне. Вот они смогут помочь раздавать газеты. Надо только взяться. Инициатива, желание.

Здесь мы напишем, как один секретарь волисполкома (не с Коми области, а с Тверской губернии) Крылов раздает газеты среди крестьян в свои волости. Он вот как работает:

«Сейчас через мои руки проходят: 23 номер «Бедноты», 12 номер «Тверской правды» и 3 номер «Тверской деревни». Эти газеты приходят через почту на моё имя. Я потом уже сам делю и раздаю газеты среди подписчиков. 6 номеров «Бедноты» я заказываю на свои деньги. Потом посчитаю, кто еще не получил газеты, несу ему домой, ложу на стол и говорю: ,,вот, читай, целый месяц тебе будут приходить газетыʻʻ.

Чтобы лучше человека зацепило, я оттуда предлагаю такие статьи, которые больше всего ему нужны. Поговорю еще с ним, человек и привык газеты читать. Когда увижу, что человек уже крепко держится за газету, иду к другому и опять так сделаю, а первый сам уже достаёт газеты. Сами потом и спрашивали: ,,сколько мы тебе должны за газету?ʻʻ

Из газеты «Югыд туй». 1928 год. 16 октября

На каждом собрании я поднимаю вопрос о газете. Потом других ведущих прошу искать в газетах такие статьи, где написано о своей волости, о работе или знакомой фамилии. Когда крестьянам покажешь такие газеты, они сами будут говорить, где найти их.

Дальше Крылов говорит: приготовить записную книжку и записывать туда циркуляры, декреты, статьи, – все, что касается крестьян. Когда с крестьянами начнешь говорить, достань книжку и говори, в какой газете можно про это найти. И чтоб крестьяне сами сходили за газетами (в сельсовет, школу, избу-читальню) и прочитали газету.

,,Крестьянин обязательно пойдёт, найдет, что ему нужно, и останется довольный. Он сам поймёт: газета не шутит, а пишет про дело. Тогда ему захочется самому доставать газеты.

–Я всегда так делаю, – говорит Крылов – всё время хорошо получалосьʻʻ.

,,Коми сиктʻʻ – крестьянская газета. Крестьянам надо читать эту газету да и писать туда надо. Они будут читать и писать. Им помогут волисполкомские секретари с руководителями.

Возьмёмся все раздавать газеты среди крестьян!

В. Савин

Перевод Татьяны Королевой