Стикотворениеяс гижöм йылысь (Как писать стихи)

Стикотворениеяс гижöм йылысь

Ӧні пöшти нин быд сиктын эмöсь нин коми гижысьясыд. Революция бöрад  том йöз ёна босьтсисны гижавны. Дивъя нин, майбыр, ас кывнад гижныд – öні со позьö, некод оз кут. Медъя, медъя гижны – сійö зэв бур удж, сійö – зэв нимкодь коми войтырлы! Медся ёна öнöдз на унджыкыс (пöшти ставыс) гижöны стикöн. Сöмын шочыслöн (заводитысьяс пöвстад) артмö шогмана стикыд. Ме кöсъя неуна индыштны, туйдöдыштны, ичöтика висьталыштны сы йылысь.

Стикотворениеяс гижны сьöкыд, ёна сьöкыд висьтъяс гижöм дорысь. Сэтчö колö ыджыд велалöм (навык) да бура тöдны техника дерт, вежöрыд да сюсьлуныд – мед коланторъяс. Стихотвореннеыд со кутшöм колö: мед этшаджык кывйöн позьö шуны унджыктор да чорыдджыка кузь висьтöн дорысь, мед стика гижöдыс вöлі кералö, лöсалö, орöдö.

Сэсся рифма йылысь. Кор ӧтика гижӧдын бӧръя  кывъясыс строкаас помассьӧны ӧти ногӧнджык, сiйӧ шусьӧ рифмаӧн: вӧла-тӧла, вунӧма-сунӧма, дыр-тыр. Позьӧ стикотвореньеяс гижны и рифматӧг, кокниджык. Сӧмын рифмаӧн, бура гижӧмӧн стикотвореннетӧ лӧсьыдджык лыддьыны, кывзыны мичаджык и. Унджык поэтъяс гижӧны рифмаӧн. Рифмаяс лӧсьӧдавлӧны уна ногӧн. Нёль строкаа гижӧдын овлывлӧ ставыс рифмаа.

Сэсся стикотворенниеяс гижигӧн оз ков вунӧдны размер, медым эз ло кыдзсюрӧ, лёкногса , мед эськӧ быд строфа вӧлi ӧткодьджык. Строфанас шусьӧ кымынкӧ строка ӧтувтӧм, кор сiйӧ водзӧсӧ бара жӧ кутас выль пӧв мунны (повторяться). Ӧти строфаын кӧ нёль строка, мед и мукӧдас сiдж жӧ вӧлi, да строкаясыс мед вӧлiны ӧткузяӧс (ӧтмында слогаӧсь) быд строфаын: ӧтилаын кӧ ӧтик строкаас 8 слог, мӧдас – 6, сiдз жӧ и водзӧ колӧ лоны (дерт, гижӧны уна ногӧн, сӧмын размер пыр кутӧны). Сiдз жӧ колӧ кутны удареннеяс правильнӧйджык. Коми кывйын пӧшти пыр овлывлӧ ёнджык удареннеыд медводдза слогас.

Шуа тай, мися стикотвореннеяс гижны сьӧкыд, пырысь-пыр он пыр поэтӧ, колӧ бура ёна велӧдчыны.

Сэсся со мый: кӧть стикотворенне, кӧть висьт, кӧть мукӧдтор гижигӧн, пыр колӧ тӧдны (мӧвпавны): мый артмас сыысь, кутшӧм сылӧн пытшкӧсыс (содержание). Гашкӧ эськӧ вывсяньыс и мича да, пытшкӧсыс некытчӧ туйтӧм. Оз ков некор вунӧдны: миӧд олам мӧдпӧлӧс кадын воддза серти, мунам выль туйӧд, лӧсьӧдам выль оласног. Мед и гижӧмыс вӧлi сыланьӧ жӧ кыскӧ, шуны кӧ, мед гижысьыдлӧн мывкыдыс вӧлi водзӧ нуӧдӧ, мед вежӧрыс вӧлi йӧткалӧ перӧсӧ пролетарскӧй литература гижӧд вылӧ.

 Нёбдiнса Виттор 

.

Стикотворениеяс гижöм йылысь / Нёбдiнса Виттор // Коми сикт. – 1926. – 22 мая. – Пер. загл.: Как писать стихи.

.

Как писать стихи

Сейчас практически в каждом селе есть коми писатели. После революции многие молодые люди взялись сочинять. Удивительно, что пишут они на родном языке. И сегодня это разрешено, никто не держит. Это хорошее дело, вызывающее уважение среди коми людей! Больше всего произведений создают в стихах. Вот только не у всех молодых авторов получается писать складно. Я хочу немного рассказать, указать на это.

Стихотворения, в отличие от рассказов, писать очень тяжело. Требуется особый навык и владение техникой письма, а также знания и способности. Самое главное в поэтическом произведении – это меньшим количеством слов сказать больше, чтобы написанное рубило, стругало и рвало на части.

О рифме. Это когда последние слова в строчке читаются более-менее одинаково: вӧла-тӧла (всадник – ветрено), дыр-тыр (долго – полно). Стихи можно писать и без рифмы, так легче. Вот только рифмованные стихи читать приятнее, да и слушать тоже. Большинство поэтов пишут стихи в рифмах. Они бывают разными. К примеру, есть произведения, где четыре строки подчинены одной рифме. 

Также при создании стихотворений не стоит забывать о размере, чтобы каждая строфа соотносилась с предыдущей. Строфой называется несколько объединенных строк, когда дальше снова будут идти повторы. Если в одной строфе четыре строки, то необходимо, чтобы и в дальнейшем было так, чтобы строки были одинаковой длины (с одинаковым количеством слогов) в каждой строфе. Если в одном случае 8 слогов, а в другом – 6, то стоит и дальше этого придерживаться. Коечно, все пишут по-разному, просто держат размер. Также стоит следить за ударением в словах. В коми языке ударение обычно падает на первый слог.

Я же говорю, писать стихи – дело вовсе не легкое, необходимо постоянно учиться.

И потом, когда создаешь стихотворение, рассказ или любое другое произведение, важно помнить о его содержании. Даже если форма красивая, содержание может быть никуда не годным. Не стоит забывать, что мы живем иначе, чем раньше, идем новой дорогой, строим новую реальность. Пролетарской литературе необходимо соответствовать духу времени.

Нёбдiнса Виттор

Перевод Нины Новиковой