Вöр сотам дай сотам. Кор нö велалам озырлуннымöс видзны? (Без конца сжигаем лес. Когда же мы научимся беречь наше богатство?)

Вöр сотам дай сотам.

Кор нö велалам озырлуннымöс видзны?

Ӧти гожöм на эз кольлы миян вöр сотчывтöг. Быд во кöнкö да кöнкö сотчывтöг. Быд во кöнкö да кöнкö сотчö.

Таво гожöм жар, поводдя кос. Сувтан кö Коми му шöрас да видзöдлан – гöгöр тшын петö, быдлаын вöр сотчö, миян медколанторйыс вошö, озырлунным чинö, – асьнымöс и госуарствонымöс гöльмöдам.

Быдöнлы нин, эськö, колö гöгöрвоны, торъя нин миянлы – коми йöзлы: вöр помын миян став озырлунным. Няньяс оз судзсьыны, колö кыськö бокысь нажöвитны нянь вылад. Кытысь босьтан? – Вöрысь. Сортовка лэдзан, кыйсян-вöралан, стрöйитчан, – став олöмыс миян вöр помын. Ёна нин та йылысь гижлöма и висьталöма эськö да, огö на, тыдалö, гöгöрвоö. Думыштан-кö, мыйда добра бырöдам!

Пемыд войтыр öд ещö шуласны на: „мед сотчас, уна на öд эм, кольö на, миян нэм кежлö тырмас на“. Дерт, тыр вежöра морт тадзи оз шу. Куш сулалан вöрыс кындзи öд бура унатор на сотчывлö: керка керйыд, зап-пескыд, туруныд (зорöдъяс), весиг сиктъяс, грездъяс сотчывлöны, матынöсьджык кö вöрсяньыд.

Из книги: Палей И., Энтина Г. Лыддьысян книга. Грамотаö велöдан школаяслы. – Сыктывкар : Коми гиз, 1935. – 140 л. б.

Мыйла вöр сотчö?

– „Со, эстi бара нин сотчö, кодкö бара нин öзтöма!“ – шуам, кор вöрысь сьöд тшын аддзам. „Бара нин сотчö“ да „бара нин кодкö“… „Тöдам, бара нин кодкö“ … Тöдам, „бара нин“ – оз öд медводдзаысь сотчы. Сöмын огö тöдö, огö корсьö „кодкöсö“. Да он и аддзы, помкаыс (причина) оз сюр. Гашкö, вöрöд ветлöдлiгöн, кодкö чигарка помсö шыбитас, гашкö, биасьлic вöрас да кусывтöг колис, гашкö, кодкö шуткаöн кос ройтö öзтiс, кöсйис видзöдлыны – гажа-ö нявкъявны кутас, гашкö, омöль морт нарошнö öзтic, – кодi тöдас, ачыс оз висьтав, а вöрыд öзъяс, биыд кос нитшкöдыд да ялаöдыд пыр паськалас, водзö да водзö нюлас. Кватитчан бöрвылас да, сюрс десятина сотчöма. Уроныс лоöма – артыштны он вермы мый дон.

Колö кусöдны став мирöн.

Сёянныд кö сюрас, биыд дыр оз ньöжмась – ставсö „весалас“. Колö пырысь-пыр, мыйöн тшыныд вöрын чепöсъяс, кусöдны битö, оз ков уездсянь либö областьсянь тшöктöм виччысьны, – сэки кор лоö биыдкöд вермасьны. Вöр сотчöм лыддьысьö „стихийнöй бедствие“. Быд сельсöвет, быд волiсполком вермö мырдöн ыстыны йöзöс кусöдчыны. Та йылысь эм тшöктöм миян Сöветса правительстволöн, эм тшöктöм öбластьувса исполкомлöн.

Кöн сюрö тайöс бура и вöчöны сы серти.

Воддза коми газетын (гижöд „Югыд туй“ № 159) вöлi гижöма, кыдзи öзйылöма вöр Сыспи сикт бердын, Айкатыласа вöлöстьын (Емдiн уездын), да дзик пыр артельöн и кусöдöмаöсь, эновтöмаöсь весиг став страднанысö. Нюжöдiсны кö дырджык да виччысьны кутiсны вылiсянь тшöктöм – вермис зэв ыджыд беда лоны.

Сöмын тай быдлаын Сысписа крестьяна моз видзöдны вöр пöжарыд вылö, оз найö моз уджавны.

Грива вöлöстьын (Сыктыв уездын) вöрыс гöгöрыс сотчö, уна турун зорöдъяс нин сотчöмаöсь, а сэтчöс волicполкомыс ни, йöзыс ни, вöр видзысьясыс ни (стража) нинöм оз вöчны. Тадзинад, дерт, сотчас унатор. Тыдалö, найö ыджыд зэр виччысьöны. Омöль делö!

Притча кö лоöма, öзйöма нин кö, сэкi жуйвидзны оз позь. Колö öтвылысь став мирöн (обществоöн) мунны кусöдчыны, мунны водзджык, ньöти нюжöдтöг!

Вöрыд öд абу менам ни, абу тэныд ни. Сiйö ставнымлöн, став рабочöй­-крестьяна государстволöн. Сы кузя вöртö колö видзны-дöзьöритны ставнымлы. Оз ков вунöдны: вöр помын миян зэв ыджыд озырун. Вöр öзтысьястö, эмбур сотысьястö колö корсьны да чорыда судитны. Вöр пöжар кусöдöм вöсна тöждысьтöмъяссö – сiдзи жö.

Тырмас нин сьöд тшынöн вöр-яг вевттьыны!

В. Сав.

.

Вöр сотам дай сотам: кор нö велалам озырлуннымöс видзны? / В. Сав // Югыд туй. – 1925. – Август 6 лун.

.

Без конца сжигаем лес.

Когда же мы научимся беречь наше богатство?

Еще ни одно лето не прошло без лесных пожаров. Каждый год лес горит то там, то здесь.

В этом году стоит сухая, жаркая погода. Если встать посреди Коми земли, кругом - дым, повсюду горят леса, исчезает наше главное богатство, – обедняем самих себя и государство.

Каждому, в особенности нам – коми народу, пора уже понять: лес — наше главное богатство. Не хватает хлеба, нужно на него зарабатывать. А где взять дополнительный доход?  – В лесу. Работать на заготовке сортового леса, охотиться, строить, – вся наша жизнь связана с лесом. Об этом уже много раз писалось и говорилось, но видимо, до сих пор ничего не понимаем. Если задуматься, сколько добра мы уничтожаем!

Неграмотные люди еще и скажут „пусть горит, ведь его много, еще останется, на наш век хватит”. Конечно, умный человек так не скажет. С  лесом может сгореть многое: дом, дровяник, трава (стога), даже села, деревни могут сгореть, если они близко расположены к лесу.

Почему горит лес?

– „Вон там опять горит, опять кто-то поджог! ” – скажем, когда увидим, что из леса поднимается черный дым. „Опять горит” и „опять кто-то”… „Знаем, опять кто-то” … Знаем, „снова” – не первый раз ведь горит. Только вот не знаем, не ищем этого „кого-то”. Да и не найдешь, причины не найти. Возможно, блуждая по лесу выкинул недокуренную сигарету, возможно, костер разжигал и уходя не погасил, возможно,  кто-то в шутку сухой лишайник поджог, хотел посмотреть как красиво тлеет, возможно, плохой человек специально поджог, – кто знает, а сам не скажет, а лес горит, огонь распространяется по сухому мху и ягелю, продвигается все дальше и дальше. Схватишься, а сгорела уже десятина земли. Урон таков, что деньгами не сосчитаешь.

Нужно тушить всем миром.

Если огонь найдет, что проглотить, медлить не будет – все подчистую уничтожит. Лишь увидев дым у леса, нужно сразу же начать тушить пожар, не нужно ждать приказа из уездов или областей. Лесной пожар считается стихийным бедствием. Каждый сельсовет, каждый волисполком может заставить людей идти на тушение пожаров. Об этом есть приказ нашего Советского правительства, есть приказ областного исполкома.

В некоторых местах эта работа уже налажена.

В предыдущей коми газете („Югыд туй” № 159) было написано, как загорелся лес около села Сыспи, в Айкинской волости (Усть-Вымский уезд). Всем миром тушили, каждый оставил свою работу. Если бы затянули и стали ждать приказа сверху – могла случиться большая беда.

Только вот не везде на пожары смотрят как крестьяне из Сыспи, не работают как они.

В волости Грива (Сысольский уезд) лес горит повсюду, много стогов сена уже сгорело, а ни здешний волиcполком, ни жители, ни лесники, ни стража ничего не предпринимают. Так, конечно, многое сгорит. Видимо, они ждут когда дожди начнутся. Плохое дело!

Если случилась беда, если случился пожар, нельзя сидеть сложа руки. Нужно всем миром (обществом) идти на тушение пожара, не ждать чего-то!

Лес и не мой, и не твой. Он общий, всех рабочих и крестьян нашего государства. Поэтому нам всем нужно его беречь. Не нужно забывать: лес – наше главное богатство. Тех, кто устроил в лесу пожар, кто уничтожил имущество, нужно найти и строго наказать. Тех, кто сидит сложа руки – так же.

Хватит уже сжигать наш лес!

В. Сав.

Перевод Александры Паршуковой