Небдiнса Виттор петкöдлiс мичлунсö, озырлунсö коми кывлысь.
Небдiнса Виттор петкöдлiс мичлунсö, озырлунсö коми кывлысь.
Пемыд олöм колö вежны,
Колö восьтны син да юр:
Сэк ог кутöй бокö кежны,
Асьным аддзам мый медбур
(Нёбдiнса Витторлöн Югыдлань стикысь).
Ловзян няньöс моз Октябрса революция ловзьöдic коми литература кыв. Небдiнса Виттортö лэптic Октябрса революция. Ас гижан ногнас, удж ногнас да и гижны босьтчан каднас Виттор кöртассьö революциякöд. Сiйö гижны пондiс 1918-öд восянь: гижöдъясыс сылöн – кось вылö чуксалан гижöдъяс, олöм вежöмлань чуксаланаöсь, сэсся öд ачыс коммунист, пыр нуис партияöн пуктöм ыджыд удж. Небдiнса Витторлöн гижöдъясыс зэв ёна коланторъяс, отсалiсны войдöр да и öнi отсалöны олöм вежны. Дум вылö усьö мем 1918-19-öд вояс. Кутшöм вöлi нимкодь, „Зырянская жизнь“ – нима газетын кö эмöсь Небдiнса Витторлöн пальöдан, чуксасян гижöдъяс. Ловзьöдö вöлi сiйö миянöс, сиктын олысьясöс, ас коми гижöдъяснас. Помнита, кутшöма кыпöдлic cьöлöмнымöс Небдiнса Витторлöн сьылöм-лыддьöмыс (ачыс сьылiс балалайкаöн ворсöмöн) 1920-öд вося май тöлысьын. Сэки вöлi Сыктыв карувса комсомолечьяслöн первойя чукöртчылöм. Делегатъясыс да Польшакöд воюйтны мунысь том войтыр вöчлiсны карса „Звезда“ нима клубын гажа рыт.
В. А. Савин. Рисунок с фотографии 1928 года
Из книги: Виктор Савин в портретах, иллюстрациях, документах / сост. Т. И. Гуляев. - Сыктывкар : Коми книжное издательство, 1988. - 128 с. : ил.
Коми муын ме быд пельöсö нин волывлi да кывлi: быдлаын тöдöны Небдiнса Витторöс, весиг Ятскöй губерняса комияс пöвсын (шуам кöть Бебераын) тöдöны да сьылöны сылысь сьыланкывъяссö. Небдiнса Витторлöн эм гораа лыддянторъяс (декламируйтанторъяс), сьыланторъяс, пьесаяс. Мыйла гырысьлы и поснилы, нывъяслы и зонъяслы кажитчö Небдiнса Витторлöн гижöдъяс? Сылöн гижöдъясыс содтöны омöлькöд бур олöм понда вермасян вын:
Кор ме сьыла – воссьö юр,
Пыр ме сьыла мый медбур:
Лека олöм ошкышта
Коми сьыланкывйöн.
Мукöддырйи чуксасьöмнас вöрзьöдö сьöлöмнымöс, мукöддырйи серамö лэптöмöн вермасьö омöлькöд, важнога олöмкöд. Еша кывйöн кö шуны: Небдiнса Виттор медвойдöр да öнöдз медъёна петкöдлic мичлунсö, озырлунсö коми кывлысь, коми йöз олöмлысь, революция понда да выль олöм понда вермасьöмлысь. Со мыйöн сiйö дона коми уджалысь йöзлы, со мый понда Небдiнса Витторöс ена тöдöны, мыйöн сiйö ена отсалö лыддьысян керкалы. Небдiнса Виттор кыптic революциясянь, пролетариат нога мöвпалан коми художествоа гижöдъясöн отсалö сiйö коми войтырöс сибöдны социализм тэчан уджö.
Öльöк Öндрей
.
