Парижса Коммуна (Парижская коммуна)

Парижса Коммуна

Ветымын кык во сайын талунъя лунӧ Париж карса уджалысь йӧз босьтісны власьт асланыс киӧ – тайӧ власьтыслӧн нимыс „Парижса Коммуна“. 

Парижса Коммуна вӧлі медводдза рабочӧй правительство му вылын.

Сӧмын Парижса коммунаръяс вӧчисны сэки гырысь ӧшыбкаяс, сы вӧсна и кулі налӧн „Коммунаыс“: 1) эз вӧв быд карын ӧтвылысь олӧм, вермасьӧм буржуйяскӧд; эз вӧв крестьяна-рабочӧйяс костын топыд кӧртӧд (связь), крестьянаӧс ылӧдлісны помещикъяс да озыръяс – шуны кӧ, эз на вӧв сэки Парижса коммунаръяслӧн ыджыд тӧдӧм (опыт); 2) шыбитӧм буржуазнӧй правительствосӧ коммунаръяс эз идравны пыдӧджык, ыстісны сӧмын Версаль карӧ (Париж бердын), сетісны вӧля буржуйяслы; 3) сэсся, Париж кар гӧгӧр сулаліс уна войска Германиялӧн, коммунаръяс вӧліны пыр кытш пиын.

На баррикадах: Защита Парижской ратуши, 1871 год
Из учебника М. Овсянниковой «Обществоведение» (1933)

Татшӧм ӧшыбкаясыс понда и бырис (усис) Парижса Коммуна май 28-ӧд лунӧ 1871 воын.

Кӧть Парижса Коммуна оліс регыд, – сӧмын дас недель (кык тӧлысь да дас лун) – сійӧ лӧсьӧдіс зэв уна пӧлӧс кокньӧд гӧль йӧзлы.

Медыджыдтор вӧчис Парижса Коммуна со мый: сійӧ индіс туй пролетарийлы (гӧль уджалысь йӧзлы), кыдзи колӧ вермасьны озыръяскӧд; велӧдіс, кыдзи колӧ лӧсьӧдны рабочӧй-крестьянскӧй власьт.

Парижса Коммуна серти, нелямын квайт во бӧрын, и миян Россияын вӧлі вӧчӧма революция (Октябрын 1917 воӧ). Сӧмын миянӧс велӧдісны Парижса коммунаръяс да ми эгӧ нин вӧчӧ сэтшӧм ӧшыбкаяссӧ, сы кузя Россияса Сӧвет власьт и вермис став буржуйсӧ (асланым и мукӧд муясысь).

Парижса Коммуна пӧдіс аслас вир пиӧ. Кор буржуйяс бӧр босьтісны власьтсӧ, сэки найӧ уджалысь йӧзлысь вирсӧ шорӧн лэдзисны. Буржуйяс эз жалитны ни нывбабаясӧс, ни челядьӧс. Кызь вит сюрс (25.000) мортӧс лыйлісны Парижын, дас вит сюрс (15.000) мортӧс сісьтісны тюрмаясын да каторгаын.

Сэкисянь и ӧнӧдз на Францияын власьтыс буржуйяс киын, пыр на найӧ мучитӧны уджалысь йӧзӧс.

Уджалысь войтыр! Энӧ вунӧдӧй Парижса Коммуна йылысь: сійӧ вӧлі югыд гӧрд кодзув, сійӧ петкӧдіс миянӧс веськыд туй вылӧ. Бурӧн казьтылӧй и Парижса коммунаръясӧс: найӧ асланыс вирӧн пасйисны выль туй, кыті колӧ мунны гӧль уджалысь йӧзлы, найӧ и миянӧс велӧдісны мездысьны лёк важ олӧмысь, сьӧкыд озыр кипод улысь.

Нёбдiнса Виттор

 .

 Парижса Коммуна / Нёбдiнса Виттор // Югыд туй. – 1923. – 18 марта. – Пер. загл.: Парижская Коммуна.

.

Парижская коммуна

Пятьдесят два года назад в этот день рабочие города Парижа взяли власть в свои руки – название этой власти «Парижская Коммуна». 

Парижская Коммуна была первым правительством рабочих в мире.

Только тогда Парижские коммунары сделали большие ошибки, поэтому и умерла их «Коммуна»: 1) в городах не было дружной жизни, сообща не боролись с буржуями; не было между крестьянами и рабочими взаимодействия (связи), помещики и обеспеченные люди обманывали крестьян – к слову, не было тогда у Парижских коммунаров больших знаний (опыта); 2) свергнутое буржуазное правительство коммунары не отстранили куда подальше, а лишь отправили в город Версаль (рядом с Парижем), дали волю буржуям; 3) кроме того, вокруг города Парижа стояли многочисленные войска Германии, коммунары всегда были в окружении.

Из-за таких ошибок 28 мая 1871 года и исчезла Парижская Коммуна.

Хоть и Парижская Коммуна существовала недолго – всего лишь десять недель (два месяца и десять дней) – она создала много привилегий для бедных людей.

Самое главное, что сделала Парижская Коммуна: она отметила пролетарию (бедным рабочим крестьянам) направления, как нужно бороться с богатыми; учила, как нужно создавать рабоче-крестьянскую власть.

По подобию Парижской Коммуны, сорок шесть лет спустя, и в нашей России прошла революция (в октябре 1917 года). Только нас научили Парижские коммунары и мы уже не сделали таких ошибок, поэтому Советская власть России победила всех буржуев (своих и из других государств).

Парижская Коммуна утопла в своей крови. Когда буржуи вновь захватили власть,  кровь рабочего народа полилась ручьем. Буржуи не жалели ни женщин, ни детей. Двадцать пять тысяч (25.000) человек застрелили в Париже, пятнадцать тысяч (15.000) человек сгнили в тюрьмах и каторгах.

С тех пор да и сегодня власть во Франции в руках буржуев, они до сих пор мучают рабочий народ.

Рабочий народ! Не забывайте Парижскую Коммуну: она была яркой красной звездой, она направила нас на правильную дорогу. Вспоминайте с уважением и Парижских коммунаров: они своей кровью прочертили новую дорогу, где нужно идти бедному рабочему народу, они научили нас избавляться от плохой и старой жизни, от гнета богатых людей.

Нёбдiнса Виттор

Перевод Александры Паршуковой