Лыткин Василий Ильич

Лыткин Василий Ильич (1895-1981)

Лыткин Василий Ильич. Фото с сайта Национальной электронной библиотеки Республики Коми

Псевдоним Илля Вась. Языковед, доктор филологических наук, один из основоположников коми советской литературы.

Родился 27 (15) декабря 1895 года в с. Тентюково близ Усть-Сысольска (ныне - г. Сыктывкар). Выпускник Тотемской учительской семинарии (1912-1916), филологического факультета Первого московского государственного университета (1922-1926), аспирантуры Научно-исследовательского института народов Востока по специальности финно-угорское языкознание.

Работал в вузах страны, занимался научными исследованиями, вел большую научно–педагогическую работу. В течение 10 лет заведовал сектором финно–угорских языков в Институте языкознания АН СССР (1962-1972).

Автор 11 монографий и более 300 научных статей. Василий Лыткин был не только крупным ученым, известным куратоведом, но и поэтом. Много писал для детей. В сокровищницу коми литературы вошла его поэма «Мунӧны» (Идут).

Был членом Союза писателей СССР с 1958 года.

Лауреат Государственной премии Коми АССР им. Куратова (1969-1970), заслуженный деятель науки и техники Коми АССР (1965).

.

В. И. Лыткин написал стихотворение «Самöвар».

Самöвар

Выль самöвар
Трубысьысь лэдзö пар,
Зэв яра варгö-пуö
Да пызан вылö кыпöдчöмöн шуö:
«Ак, кутшöм мича менам чужöмбан!
                 Мет тан
Став мукöд пöлöс дозмукъясысь дона!
                 Öд быдöн вермас гöгöрвоны,
Мый кöн ме югъяла да пуа-варга тадз,
Сэк позяс шыбитны став гырнич, пöрт да рач!»
                Тшап самöварлы вочавидзис
                Сьöд чугун пöрт:
«Ме шензя, мыйла ошйысян тэ сiдзи.
                Тэ мича, дерт,
Но пузьöдны куш васö сöмын верман,
А ковмылас кö пуны шыд да рок,
                Тэ дзик пыр йöрман
Да шогмытöмöн лоан гöгöрбок.
Быд дозмуклöн эм аслас удж да мог!»

Национальный музей Республики Коми. Отдел природы. Февраль 2024 года. Фото Ии Табаленковой

.

Сказку в стихах «Дзизгысь-дзазгысь гут» В. И. Лыткин написал по мотивам сказки Корнея Ивановича Чуковского «Муха-Цокотуха». «Муха-Цокотуха» была напечатана в журнале «Войвыв кодзув», 1958, № 1, а также в сборниках 1959 и 1971 годов. Позже выходили более новые переиздания.

Дзизгысь-дзазгысь гут,
госыс сизим пуд,
Талун чеччис
шондi петтöдз.
мöшкöритчис асывбыд,
Пуис чöскыд яя шыд,
Пирöг-шаньга артмис бур.
шузьö чукъя быгъя сур.
Пасьталiс шöвк сарапан
Водзас пуктiс рöмпöштан
вылас пуктiс уна сикас
Исегра да югыд сикöтш.
Дзирнясьö да вежнясьö,
Вежнясьö да дзирнясьö.
кокнас топ, кинас тап -
Талун гутыд миян тшап.
Сарапаныс сылöн мича:
Талун гутыд именнича!
Брун да бран да шур да шар:
Пузис ыджыд самöвар.
Самöварын ваыс пöсь.
локтö гöстя, локтö гöсть.
Гöстьяс лыдын медбур тан
Виж мундира тöрöкан.
Сылöн гöтыр щельсьыс вöрзис ,
Ассьыс пиян кыскис сьöрсьыс -
Пиыс сылöн. гашкö, комын:
Сулалöны пызан помын.
Öшинь пырыс чирк
Пызан сайö - звирк!
Роч ной гача пытшыд
Эз тай, майбыр, мытшась.
(сылы пырны оз ков öдзöс) -
Важöн пызан сайын жöдзö.
Ызгис-пырис лöдз -
Сук пармаса пöч.
Вöсни кока кодзувкот
Нэмсö тэрмасьö оз чот.
Корсьö бобув
аслыс кобув:
Аддзис гутлысь жыр,
Пырис пырысь-пыр.
Некöд лудiкöс эз чукöст -
щельсянь тыдовтчис горд дукöс,
Одеколон сьöрсьыс вайö,
Дукыс пöтöлöкöдз кайö.
Кыссьö гöстя лёльö-бобö,
Сюрнас-пельнас туйсö шобö.
Локтiс пызан дорö.
Шомйöв пань тыр корö.
Ичöтик да жеб
Воис кыськö геб.
Лэбзис шомгаг - жбыр...
Гöстя - керка тыр.
Нимлун пирöгыд оз чир öд:
Сiйöс сизимдас гöсть йирö!
Рушку гöстяяслöн тыри,
Ваыс самöварысь быри.
Ставыс найö юысь рöдысь:
Пукты самöвартö мöдысь!
Именнича кылö, дзуртö:
«Сёйöй-юöй сьöлöм нуртö!
Вiдлöй йодi черинянь!
Энö пуктöй кисьыд пань!
Бобув, муса чой, льöмъя лязсö сёй»
Чомöр сёйö номыр, выйöссьöма вомыс
Кыз рушкуа черань
Позсянь дзоргö зверöн...
Гезйöн другысь шырк
Гутлысь вöсни гырк,
Пемыд пельöсö гур-гар...
грым-йирк пöри самöвар.
Черань нартитчö гут вылын,
Шуö шпыннялiгтыр сылы:
«Именнича, Зэв тэ мича!
Волькыд тэнад юр, яйыд госа, бур!»
Горзö гутыд лёкысь:
«Мездöй менö шогысь!
Мезздöй, мезздöй, меззз...
Орöдöй чераньлысь гез!»
Повзис гаг чукорыд ёна
(юрыд быдöнлöн öд дона)
Лудiк пырис пыдi щельö,
Номырлöн вежыньтчис вомыс,
Аддзис дзебсянiн - нянь шомöс.
А кузь кока чирк паччöр вылö звирк.
Быдöн разi-пели лöсйö,
Гутöс мездыны оз кöсйы.
Гутöс черань гезйöн гартлö,
Мышкас мый вермöмсьыс вартлö,
Кöсйö чегны ссьылiдзир,
Юны лöсьöдчö нин вир.
Мича сарспаныс чездiс...
Некод коньöрöс эз мезды.
Кыськö вöрысь удал, том,
Збой сьöлöма лэбзис ном,
Киас кутö лэччыд чер:
«Кытöн паськыд горша звер?»
Уськöдчис кыдз черань вылö -
Юрсö сöтiс черöн сылысь.
Тадзи мездiс гутöс ном,
Збой сьöлöма, том.
Сэсся гутлы шуö номыд:
«Тэнö мездi черань вомысь...
Тэнад талун праздник лун,
Ме сайö те, гутöй, мун!»
Тринь да тронь да бум да бом!
Гут вылö гöтрасьö ном
Щелльысь петiс тöрöкан,
Чиркыд сiйö важöн тан,
Став гöстяыс вöис бöр,
Весиг керкаö оз тöр.
Ставыс ворсö, ставыс горзö:
«Збодер ном да мича гут,
Сиам тiянлы бур шуд!
Жöник миян том -
збой сьöлöма ном.
Невестаыс шань -
Дзизгысь-дзазгысь ань».
Зымгы, сапöг, гымгы, кок,
Талун вунöдлам ми шог.
Ызгö-бызгö лöдз: «Йöктам асылöдз!
Гутыд миян медся мича,
Сiйö талун именнича!
Медся смел и медся том
Миян восни кока ном!»
Чиктылöны гир да гир.
Гутлöн талун гажа пир.

Лыткин В. Дзизгысь-дзазгысь гут / В. А. Лыткин ; ред. Е. В. Ветошкина ; серпасалic И. А. Авилова ; Министерство Национальной политики Республики Коми. - Сыктывкар : Кола, 2009. - [48] л. б. : серпас.

.

Песня для детей «Нянь», написанная В. И. Лыткиным, была напечатана в журнале «Войвыв кодзув», 1973, № 4.

Нянь

Чöскыд вöлi няньным миян,
Нюр выв сьöд му кодь кöть сьöд,
Трöпöк – чирйыссьö весь киад,
Сыысь чöскыдсö он тöд!

Кампет кодь дзик чöскыд вöлi
Пуöм картупельыд сэк,
Сiйöн бурмöдлiм ми сьöлöм.
Тайöс эг на вунöд, эг…

Öнi, шобдi тупöсь пукта
Аслам челядь водзö кор,
Другысь синмысь синва чуктас
И сьöлöмöй лолас нор.

Пызьна пирӧг или коми пирӧг. Село Мутница Прилузского района. Октябрь 2024 года. Фото Елены Выборовой

.

В 1966 году в Коми книжном издательстве вышла книга В. И. Лыткина «Серамбана висьтъяс», одним из рассказов сборника является «Кык сакар тор».

Лыткин В. Серамбана висьтъяс / Илля Вась ; ред. В. А. Попов ; серпасалiс В. В. Поляков. - Сыктывкар : Коми книжнöй издательство, 1965. - С. 18-19.

.

Источники:

Лыткин В. Дзизгысь-дзазгысь гут : посни челядьлы мойдкыв / Илля Вась ; серпасалiс С. А. Холопов. - Сыктывкар : Коми книжнöй издательство, 1958. - 15 л. б. : серпас. - На коми яз.

Лыткин В. Серамбана висьтъяс / Илля Вась ; ред. В. А. Попов ; серпасалiс В. В. Поляков. - Сыктывкар : Коми книжнöй издательство, 1965. - 38, [2] л. б. : серпас.

Лыткин В. Дзизгысь-дзазгысь гут / Илля Вась ; [серпасалiс В. М. Пунегов]. - Сыктывкар : Коми кн. изд-во, 1971. - [16] л. б. : серпас. - На коми яз. - В вып. дан. загл.: Муха-Цокотуха.

Лыткин В. Дзордзав жö, Коми му : кывбуръяс, поэмаяс, мойдъяс, висьтъяс / В. А. Лыткин ; ред. А. В. Некрасов ; лöсьöдic Г. И. Торлопов ; серпасалic В. С. Порохня. - Сыктывкар : Коми книжнöй издательство, 1985. - 253, [3] л. б. : серпас. - На коми яз.

Лыткин В. Дзизгысь-дзазгысь гут / В. А. Лыткин ; ред. Е. В. Ветошкина ; серпасалic И. А. Авилова ; Министерство Национальной политики Республики Коми. - Сыктывкар : Кола, 2009. - [48] л. б. : серпас.

Лыткин В. Илля Васьлöн мойданкывъяс [Текст : электронный ресурс] / В. А. Лыткин ; художник И. Игнатов ; [редактор-составитель Г. А. Юшков]. - (Сыктывкар : Национальная библиотека Республики Коми, 2018). - (Национальная электронная библиотека Республики Коми). - Загл. с экрана. - На коми яз.

Цыпанов Е. Видза олан, коми кыв! : учебник коми языка для взрослых / Е. А. Цыпанов ; Российская академия наук, Институт языка, литературы и истории Коми научного центра УрО РАН. - Сыктывкар : Коми республиканская типография, 2018. - Л. б. 270-271.