Коми театр лоас. Карса коми труппа лöсьöдöм йылысь (Коми театру быть. О создании городской труппы)

Коми театр лоас.
Карса коми труппа лöсьöдöм йылысь.

Коркö, во öкмыс сайын, – Сыктывдiн карын чужлiс театрын ворсысь чукöр  – „Сыкомтевчук“. Во мöд-коймöд сiйö уджалic дай помасиc, кодсюрö вöлi шуöны – дзикöдз пö кувсис. Кöть сэсся кыдзи шу-а, наперво тай коми театр эз нин уджавлы во вит-ö-квайт кымын. Уна пöрйö эськö бöстчылiсны „Сыкомтевчукöс“ бöр ловзьöдны да, некод нинöм эз вермы вöчны – öнöдз на эз ловзьы, весиг нимыс нин кутiс вушйыны.

Бурджыка-кö мöвпыштан ёна эськö колö коми театрыд, быдöн элясьöны : со пö олам коми муын, дас öтик во революциясянь, кöкъямысöд во антономияöн, да коми театр эз вермыны, трустыд, лöсьöдны!

Бöръя каднад Сыктывдiнкарö коми театр лöсьöдöм йылысь сёрни бара ёна кыптiс дай ордымыс паськыдджыка воссис. Öнi весиг позьö нин шуны чорыдджыка эскöмöн – коми театр лоас.

Тайö выль во вылö (1928-29) обласьтувса бюджетысь шуöма сетны театр вылö сьöмтор. Дерт, ми огö на вермö видзны быдса трупа куш ворсöм вылын – штатнöй артистъясöс: сы вылö зэв уна сьöм колö, сы мынтаыс миян бюджетысь оз на вичмы. Таво кежлö коми труппа лоö лöсьöдны тадзи: быд ворсöмысь торйöн мынтысьны артистъяслы. Мöдысьджык, кор стрöитасны выль театр, лоöны и торъя (штатнöй) артистъяс. Öнi, – таво, дай мöд во на, гашкö, – сэк кежлö велöдчам, лöсьöдчам.

Карса театр öнiсянь нин кутас лыддьысьны „показательнöй театрöн“; танi ворсöмсö петкöдны став обласьт пасьтаыс. Сы понда ковмас карса труппалы ветлывны кымыныськö (таво вылö кыкысь) сиктъясö.

Вогöгöр чöжöн таво (сезоныс 8 тöлысь) шуöма пуктыны 16 спектакль (быд тöлысьын кыкöс). Медвойдöр ковмас (öнiсянь жö) лöсьöдны Октябрса революция праздник кежлö „Кулöмдiнса бунт“.

Тырмас-ö миян коми репертур? Та вöсна повны нинöм: таво кежлö судзсяс. Водзö вылö выль пьесаяс гижасны – коми гижысьяс пыр содöны, вынмöны. Пьесаяс гижны öнi зэв бур туйыс (условиеыс): бурджык пьесаясысь кутасны сетны, гонорарысь öтдор, премияяс (сьöмсö сы вылö бура уна жö торйöдöма). Коми гижысьяслы – капповечьяслы – колö кутчысьны тайö уджас сьöлöмсяньджык, озырмöдны коми драмаа литературанымöс.

Öнi сэсся карса труппа йылысь. Кытысь сюрасны ворсысьясыс (артистъясыс) да кыдзи котыртны труппасö? Ме чайта, зэв унаöн окотитасны ворсны, важ ворсысьяс костысь дай выльяс оз бöрыньтчыны ворсöмысь. Служащöйяс пиысь, гырысь школаясын (совпартшкола, педтехникым) велöдчысьяс пöвстысь бурджыкъяссö (кодлöн эм окотаыс да сямыс) бöрйöмöн позяс лöсьöдны бур труппа.

Труппасö котыртöм йылысь серниыс лоас ворсысьяс чукöртчылöм вылын. Ворсны окотитысьяслы колö öнi (тайö лунъясö) сетны гижöда шыöдчöмъяс Обполитпросветö (менам ним вылö), тшöтш пасйöмöн: кутшöм рольяс верман нуöдны (амплуа).

Öтвылысь кöсйöмöн ловзьöдам коми театр. Тайö уджнас ми мукöд йöзысь ёна нин бöрö колим, колö суöдны.

В. Савин

. 

Коми театр лоас: Карса коми труппа лöсьöдöм йылысь / В. Савин // Югыд туй. – 1928. – 5 окт. – Пер. загл.: Коми театру быть: о подготовке для него городской труппы. – URL:  https://nebrk.ru/docs/common/RKOMIBIBL0000427066/27 (дата обращения: 17.07.2023). – Режим доступа: Национальная электронная библиотека Республики Коми.

.

Коми театру быть
О создании городской труппы

Когда-то, лет восемь назад, в городе Усть-Сысольске зародилась театральная организация «Сыкомтевчук». Года два-три она проработала, и все. Некоторые считали, что вовсе умерла. Как ни говори, а уже лет пять-шесть коми театр не работал. Многие пытались воскресить «Сыкомтевчук», но никто ничего не смог сделать – даже имя организации стало забываться.

Если хорошенько подумать, коми театр очень нужен. Все вокруг ноют: живем, дескать, на коми земле, одиннадцать лет после революции, восьмой год в автономии, а коми театр не смогли создать!

В последнее время в Усть-Сысольске снова стали поговаривать о создании коми театра, появились новые пути решения вопроса. Теперь даже можно сказать с уверенностью – коми театру быть.

В этом новом году (1928-29) в областной бюджет заложили небольшую сумму на создание театра. Конечно, пока мы не можем содержать штатную труппу артистов: для этого нужны огромные средства, которые бюджет выделить нам не может. В этом году коми труппу придется организовать так: платить артистам за каждое выступление в отдельности. Чуть позже, когда построят новый театр, будут и штатные артисты. В этом, а может и в следующем году, будем готовиться к открытию.

Городской театр уже сегодня планирует стать «показательным»: показывать спектакли по всей области. Поэтому городской труппе придется иногда (в этом году два раза) бывать в селах.

В течение этого года (сезон длится восемь месяцев) необходимо поставить 16 спектаклей (два спектакля в месяц). Первым делом (уже сейчас) готовить к празднику Октябрьской революции постановку «Кулӧмдінса бунт» (Усть-Куломский бунт).

Хватит ли у нас коми репертуара? Не стоит бояться по этому поводу, этот год протянем. А потом и новые пьесы напишут – коми писателей становится становится все больше, и они все сильнее. Сейчас созданы все условия для создания пьес. За лучшие произведения, помимо гонорара, будут выплачивать премии (для этого уже выделены большие средства). Важно, чтобы коми писатели от всего сердца трудились над задачей обогащения литературы коми драмой.

Теперь о городской труппе. Откуда найти артистов и создать труппу? Я считаю, многие захотят играть, как среди старых артистов, так и новички не откажутся выйти на сцену. Из числа служащих, учащихся крупных школ (совпартшкол, педтехникумов), у кого есть талант и желание, можно создать хорошую труппу.

Вопрос о создании труппы будет поднят на собрании артистов. Уже сейчас (в ближайшие дни) всем желающим играть в театре необходимо написать заявление в адрес Обполитпросвета (на мое имя), с пометкой, какие роли (амплуа) вам близки.

Общими усилиями мы возродим коми театр. В этом направлении мы далеко отстали от других, надо наверстывать упущенное.

В. Савин 

Перевод Нины Новиковой