Коми театр йылысь. Колö студияын велöдны йöзöс, лöсьöдны кадр. Колö выль репертуар (О коми театре. Нужно обучать людей в студии, готовить кадры. Нужен новый репертуар)

Коми театр йылысь.

Колö студияын велöдны йöзöс, лöсьöдны кадр. Колö выль репертуар.

Öнія уджöн коми театр ошйысьны оз вермы. Позьö весиг шуны: уджыс дзикöдз мытшасис, сувтіс. „Сыкомтевчуклöн“ сöмын нимыс коли, йöзыс абу. Колянвося сезонын вöлі пуктöма сöмын кык пьеса – 4 спектакль. Бюджетысь сетыштöм сьöмсö весиг эз ло видзöма. Тавося сезонын театрлöн уджыс зэв жö омöля мунö: нёль тöлысьöн ворсöма нёльысь – кык пьеса („Парма ныв“ да „Знаменньö“), – тöлысь вылö усьö öтик спектакль. План серти эськö колö вöлі быд тöлысьын пуктыны 3 спектакль. Сідзкö; плансö тыртöма öнöдз сöмын коймöд пайсö (⅓). Сезон помöдз плансö верстайтны ни тыртны некутшöм надея абу – он вермы.

Мый вöсна тадзи артмис? Быттьö эськö таво вылö театр удж кыпöдан условиеыс вöлі бур нин: сьöмтор лэдзöма, штатнöй ядра позьö лöсьöдны, ичöтик репертуар запас эм и быдтор, а уджыс важ местаас сулалö.

Медыджыд мытшöдыс – кадр сайын, артистъяс абуöсь, ворсысьяс оз сюрны. Мый вöлі öнöдз ворслöма – ворслöма омöлика лöсьöдчöмöн, тэрмасьöмöн, кыдз шулöны – случайнö, кустарнö. Ворсысьяс – сöветскöй служащöйяс, кодъяс тырöмаöсь асланыс да общественнöй уджъясöн. Штатнöй ядраö босьтны сюрис сöмын…öтик морт, – ставыс колö 4 (нёль пöлöс рольяс вылö жö). Шыасьлісны эськö унаöн, да унджыкыс сиктъяссянь, видлавны (испытание вылö) корлыны оз позь – сьöмыс абу, а син сайын босьтны он лысьт. Карса йöз пиысь тшöтш шыасьлісны кымынöн кö, сöмын унджыкыс нывъяс, а колö вöлі босьтны ядраас öти нылöс. Мужикуловысь кыкöн вöліны. Кыкнансö видлöма вöлі сцена вылын ворсöмöн („Знаменньö“ пуктігöн), да некоднанныс оз вермыны (тшыкöдісны сöмын рольяснысö).

Из книги: Попова С. М. Страницы истории коми театра / С. Попова. - Сыктывкар : Коми книжное издательство, 1965. - 95, [1], с., [8] л. фото с. : фото.

Водзö вылö тадзи кольччыны, дерт, оз позь. Любительяс (служащöйяс) вынöн театр удж он вермы пуктыны бура, топыд подув вылö. Кöть, шуам, театрлöн эськö и ядра нин вöлі, сöмын нёль морт помысь уджыс ёна эз на паськав. Бура кö уджсö паськöдны, колö морт 15-20. Сідзкö, морт 10-15 пыр колö корсьны бокысь, служащöйяс пöвсысь. Эштасны кö да окотитасны – воласны репетицияяс вылö, – оз кö локны – мырдöн он кыскы, дай быд окотитысьыс оз на шогмы артистö – сямыс абу. Сэсся öд сизим час уджалöм бöрын бара час 3-4 ноксьыны репетиция вылын, помся быд рыт, некодлöн оз тырмы выныс – мудзасны.

Ставыс тайö петкöдлö со мый; татшöм ногöн коми театр оз вермы кыпавны. Колö мукöд пöлöс туйяс корсьны, дай регыдöн аддзыны: öд во-мöд мысти миян лоас ыджыд театр („Дом культуры“), сэтчö ковмас бур кадр. Кык воöн колö сійö кадрсö тырмымöн лöсьöдны, медым театрыс эз понды пустуйтны. Дерт, сэні жö кутасны вöчлывлыны и роч спектакльяс, сöмын основнöй установкаыс лоö коми националь театр удж вылын.

Кыдзи лöсьöдны коми театрлы кадрсö. Текникумъясын велöдны он нин вевъяв: öти-кö, срокыс ичöт; мöд-кö, 20 мортöс öтпырйö артитстö велöдчыны он ысты мукöдлаö – Коми обласьтлы сы мында вылö развёрстка оз вöчны. Сідзкö, велöдöмсö колö лöсьöдны тані, асланым обласьтын – Сыктывкарын. Проектсö неуна арталöма нин. Восьтыны колö курс-студия.

Сöмын куш театр уджö велöдöм ещö на лоö. Öткодя миянлы колöны и сьылысьяс. Коми войтыр мукöд культурнöй йöзлысь оз кöсйы бöрö кольччыны. Ми мöвпалам лöсьöдны не пöштö (прöстöй сьыланкывъяс, а тшöтш и операяс.  А öнöдз миян музыкально-хоровöй уджыс зэв на жö улын: бура нотаяс серти сьылысь коми йöз пöвсысь ещö сюрас. Öтпырйö театр уджö велöдігöн ковмас велöдны и сьылан уджö. Курс студиясö лöсьöдны кык отделенньöаöс: театральнöй да музыкальнö-хоровöй.

Медвойдöр сувтас мог: кутшöм срок кузя лöсьöдны студиясö? Дерт, миянлы колö регыдöнджык велöдны йöзсö. Тайö уджъясö мед ещö вылö ковмас пуктыны кык вося срок. Кык во чöжöн позяс велöдны шöркоддьöма, а водзö сэсся велаласны практика вылын да самообразованньööн.

Сэсся – кодъясöс босьтавны курс вылас? Шуам-кö 20 мортöс велöдны театр удж вылö да мöд 20-öс сьылан уджö, ставыс ковмас 40 морт. Дерт эськö, колö босьтны бурджыка велöдчöм йöзöс – семилетка помалысьясöс, сöмын на пиысь сы мында велöдчысь оз сюр. Тані öд ковмас велöдны специалистъясöс, кодъяслöн вöлі нин медічöтика сямыс ворсöм да сьылöм вылö. Сы понда лоö босьтавны студияö, театр удж юкöдас кöть, и I тшупöда школа помалысьясöс (4 группа), а музыкально-хоровöй юкöдö пырысьяс мед тöдöны нин вöлі ещö сьыланногöн (нотаяс, правилöяс) – семилеткаын велöдчысьяс. Арлыд – 16 арöссянь.

Медвойдöр лоö места сетöма, дерт, семилеткаясын велöдчысьяслы да классöвöй принцип кутöмöн (гöльджыкъяс, батракъяс, колхозникъяс).

Студиясö колö восьтыны таво жö, регыдджык (март-апрель), нюжöдчыны выль велöдан воöдз нинöмла.

Велöдан планъяс, программаяс лöсьöдас ОБОНО. Дерт, ковмас бура уна сьöм (стипендияяс, велöдысьяслы, оборудованньö да мукöдтор вылö). Сöмын öд студияяслысь коланлунсö быдöн гöгöрвоисны – да, дерт, сы вöсна уджыс оз сувт.

Тадзи ми вермам дженьыдик кадöн лöсьöдны коми театрлы кадр. Студияысь петысьясöс позяс мöдöдны и водзö велöдчыны, позяс ыстыны и районъясö организаторъяс пыдди, – уджыс быдлаын уна, а индалысьыс-туйдысьыс некöн абу.

Студияын велöдöм оз на став театр уджсö кокньöд да кыпöд. Лöсьöдöм кадрлы ковмас сетны уджалан материал – репертуар. Та боксянь миян зэв на жö омöлик делöыс. Художествоа бур коми театральнöй репертуар миян вывті дзоляник. Унджык пьесаясыс важмисны, сэсся агитационнöй балаöсь. Колö лöсьöдны выль репертуар. Тайö – зэв ыджыд колана мог. Олöмыс öні вывті öдйö водзö мунö, ми бöрö колям. Ёна ковмылö зэвтчыны да водзö зэв ыджыда воськовтны. Ме гижася öтик роч драматургкöд (Москуаса) да сійö гижö: гижан пö пьесатö да чайтан нин, быттьö сійöн ёна водзö воськовтöм петкöдлан, а кватитчан кö бöрö нин кольöма, важмöма нин пö пьесаыд. Збыль сідзи и эм. А ми весиг эгö на ещö водзö воськовтана пьесасö гижлö некор. Колянвося конкурс петкöдліс коми гижысьяслысь судзсьытöмторъяссö. Театральнöй репертуар кö миян жеб, музыкально-хорöвöй репертуар и сöвсем нинöм абу дай некод сы вылын оз уджав бурджыка (кымын кö оперетта Лебедевлöн эм, да музыкасö вöчысьыс абу). КАПП-са членъяслы ковмас та йылысь прамöйджыка мöвпыштлыны – тайö кык вонас мед вöлі тырмымöн лöсьöдöма бур коми репертуар. Таысь кындзи ковмас тшöтш Коми нига лэдзанінлы чорзьöдлыны уджсö бур роч пьесаяс вуджöдны коми кыв вылö.

Сэсся колö ыстыны велöдчыны музыкальнöй ВУЗ-ясö, мед артмисны коми композиторъяс, музыкальнöй спецъяс.

Татшöм туйяс эмöсь, разьны мытшöдъяссö коми художествоа уджлысь, медвойдöр театр да музыка искусстволысь.

В. Савин.

.

Коми театр йылысь. Колö студияын велöдны йöзöс, лöсьöдны кадр. Колö выль репертуар / В. Савин // Югыд туй. – 1930. – Январ 20 лун. – Пер. загл.: О коми театре. Нужно готовить кадры, обучать их в студии. Нужен новый репертуар.

 .

О коми театре. Нужно обучать людей в студии, готовить кадры.

Нужен новый репертуар.

Нынешней работой коми театр похвастаться не может. Можно даже сказать: работа окончательно застряла, встала. У „Сыкомтевчука“ осталось только название, людей нет. В прошлом сезоне поставлено только две пьесы – 4 спектакля. Деньги, выделенные из бюджета, не потрачены. В нынешнем сезоне работа театра так же плачевна: за четыре месяца сыграно четыре раза – две пьесы («Дочь пармы» и «Знамение»), - за один месяц сыгран один спектакль. По плану нужно в каждом месяце ставить по 3 спектакля. Значит, план выполнен только на одну треть (⅓). До конца сезона наверстать план нет никакой надежды — невозможно.

Почему так получилось? Вроде в этом году стимулировали работу театра: выделены средства, штатный костяк составить можно, есть небольшой репертуар, а работа театра стоит.

Самая большая проблема — кадры, не хватает артистов. Что было поставлено до сих пор — сыграно с плохой подготовкой, торопливо, как ещё говорят — случайно, кустарно. Артисты — советские служащие, у которых и так полно и своей, и общественной работы. В штатное ядро получилось взять только… одного человека — всего нужно 4 (также на 4 различные роли). Обратилось, конечно, больше желающих, но многие с села, пригласить на испытание возможности нет — денег нет, а тайком брать не хочется. Из числа городских жителей обратилось несколько человек, но большинство девушки, а в ядро требуется лишь одна девушка. Среди мужчин были двое. Оба выходили играть на сцену (при постановке «Знамения»), но ни один не справился (только роли исковеркали).

Дальше так продолжаться, конечно, не может. Любители (служащие) не смогут направить в нужное русло работу театра. Хотя, скажем, у театра уже были ядра, только четыре человека ситуацию особо не изменили. Чтобы хорошо выполнить работу, нужно человек 15-20. Значит, нужно искать в стороне, среди служащих. Если будет желание и время — придут на репетиции, - не придут — никто не заставляет, да и не каждый годится в артисты — недостаточно способностей.

Всё это говорит о том, что таким образом театр развиваться не сможет. Нужно искать другие решения, да побыстрее: ведь через пару лет у нас будет большой театр («Дом культуры»), туда потребуются достойные кадры. За два года нужно набрать кадры, чтобы театр не пустовал. Конечно, будут там ставить и русские спектакли, только основные установки на плечах коми национального театра.

Как подготовить кадры для коми театра. Вариант обучения в техникумах уже не подойдёт: во-первых, короткий срок; во-вторых, разом 20 артистов в другие места не отправишь — Коми области нужно будет столько развёрсток переделать. Значит, обучение должно проходить в Сыктывкаре. Уже сделаны некоторые расчёты по реализации проекта. Нужно открыть студию для курсов.

Из книги: Попова С. М. Страницы истории коми театра / С. Попова. - Сыктывкар : Коми книжное издательство, 1965. - 95, [1], с., [8] л. фото с. : фото.

Ещё предстоит обучать театр для осуществления деятельности. Также нам нужны и певцы. Коми народ не хочет отставать от других культурных людей. Мы думаем создавать не только простые песни, но и оперы. До сих пор наша музыкально-хоровая деятельность на низком уровне: умеющие хорошо петь по нотам среди коми людей ещё найдутся. Одновременно с обучением театральной деятельности нужно будет обучать и пению. Студию для курсов подготовить с двумя отделениями: театральное и музыкально-хоровое.

Прежде всего возникнет вопрос: в какой срок создать студию? Конечно, нам нужно в кратчайшие сроки обучить людей. На выполнение этой работы уйдёт еще два года. В течение двух лет можно обучать по-среднему, а дальше будут обучаться на практике или самообразованием.

Далее — кого брать на курсы? Скажем, 20 человек обучают театральной деятельности и ещё 20 певческой деятельности, всего понадобится 40 человек. Конечно, надо бы брать хорошо обученных людей — окончивших семилетку, только среди них не найдется столько учащихся. Ведь здесь  надо обучать специалистов, у которых есть хотя бы небольшой опыт в деятельности артиста и в пении. Поэтому нужно брать в студию, хоть и в отделение театральной деятельности, и выпускников школы I ступени (4 группа), а поступающие в музыкально-хоровое отделение пусть ещё и владеют навыками по пению (ноты, правила) — обучающие в семилетке. Возраст — от 16 лет.

Прежде всего, место будет предоставлено обучающимся в семилетке и придерживаясь классовому принципу (бедные, батраки, колхозники).

Студию нужно открыть в этом году, как можно скорее (март-апрель), тянуть до конца учебного года не нужно.

Образовательные планы, программы составит ОБОНО. Конечно, понадобиться много денег (на стипендии, преподавателям, на оборудование да прочее). Только вот чтобы важность студий каждый понимал — и чтобы из-за этого работа не стояла.

Так мы сможем за короткие сроки подготовить коми театру кадры. Выпускников студии можно отправить и на дальнейшее обучение, можно отправить и в районы в качестве организаторов — работы везде хватает, а наставников нет нигде.

Учёба в студии не всю работу театра облегчит и возродит. Подготовленному кадру нужно предоставить рабочий материал — репертуар. С этим дела обстоят плохо. У нас слишком маленький хороший художественный театральный репертуар. Большинство пьес устарели, затем агитационный … Необходимо составить новый репертуар. Это — большая и важная задача. Жизнь очень быстро протекает, мы отстаём. Придется посильнее напрячься и шагнуть вперёд. Я переписываюсь с одним русским драматургом (московским) и он пишет: мол, пишешь пьесу и думаешь, что этим демонстрируешь большой шаг вперед, а спохватишься, пьеса уже устарела. И правда, так и есть. А мы даже впереди идущую пьесу никогда не писали. Прошлогодний конкурс показал все изъяны коми писателей. Если театральный репертуар у нас слабенький, в музыкально-хоровом репертуаре совсем ничего нет, да и никто хорошо не работает над ним (несколько оперетт есть у Лебедева, а вот композиторов нет). Членам КАПП-а придётся хорошо подумать — чтобы в течение этих двух лет было достаточно подготовлен достойный коми репертуар. Кроме этого Коми книжному издательству придется укрепить работу по переводу хороших русских пьес на коми язык.

Затем надо отправить учиться в музыкальные ВУЗ-ы, чтобы отучились на композиторов, специалистов по музыке.

Такие пути решения есть, решать проблемы коми художественной деятельности, прежде  всего театрального и музыкального искусства.

В. Савин

Перевод Александры Паршуковой