Максим Горькийöс аддзылöм (Встреча с Максимом Горьким)

Максим Горькийöс аддзылöм

Став Россияса крестьянскöй гижысьяс съезд вылö ветлігöн меным удайтчис аддзывны ыджыд гижысьöс – Ӧлексей Максимович Пешковöс (Максим Горькийöс). Мунтöдз на ме лыдди газетысь, Горький пö воас Москуаö юнь 2-öд лунö (миян съезд воссьö юнь 3-öд лунö), да мöвпышті: мися, дерт, сійö волас съезд вылад, удайтчас аддзывны ловъя Максим Горькийöс. Мунігöн (Вяткаын) газетысь тöдмаси – Горькийыд воöма Мöскуаö водзджык, май 31-öд лунö.

Съезд воссян лунö висьталісны: Горький пö оз зэв радейт торжественностьятö да, съезд вылас волас аски… Аскинас (юнь 4-öд лунö) бара эз волы – ветлöма мöд съезд вылö (охрана материнства и младенчества). Миян съезд вылö Горький воліс юнь 5-öд лунö, асывводзса заседание дырйи.

Локтiс кыдзкӧ тӧдлытӧг, виччысьтӧг. Буретш вӧлi мунӧ ӧти доклад кузя (массӧвӧй удж йылысь) вензьӧм. Сёрнитӧ вӧлi Ленинградса делегат – Васильев ёрт. Друг мыйкӧ шызис съездыс. Сэсся президиумӧ пырис Горькийыд. Став съездыс вӧчис сылы бура дыр овация (кияснаныс делегатъяс клопӧдiсны ёна). Мыйӧн ещö лӧньыштiсны, председательствующöй – Дорогойченко ёрт висьталiс чолӧм быттьӧ Максим Горькийлы, кыдзи медводдза ыджыд пролетарскӧй гижысьлы да СССР-са ЦИК членлы. Бара бура дыр киясӧн клопӧдiсны делегатъяс. Сы бӧрын Васильев ещӧ на регыдик висьталiс – помалiс ассьыс сёрнисӧ. Горький сы костi мыйкӧ пасйышталiс карандашӧн ас водзас кабала вылӧ. А фотографъяс снимайтӧны Горькийӧс ӧтӧрсянь и мӧдӧрсянь. Горький видзӧдлас на вылӧ. Серӧй костюма, вӧсньыдик кузь тушаа, чукырӧсь чужӧма. Еджгов кузь кодь юрсиа да увлань кусыня усъяса. Чужӧм вылас быттьӧ абу на сэтшӧм пӧрысь – позьӧ сетны ар 45 (эськӧ 62-ӧд вӧлi нин). Только омöлик, косньӧдиник, – быттьӧ неважӧн на мортыд висьӧма.

А. М. Горький на I Всероссийском съезде общества крестьянских писателей. 1929 год
https://gorkiy.tatmuseum.ru/my-product/foto-a-m-gorkijj-na-i-vserossijjskom-sezde-obshhestva-krestyanskikh-pisatelejj-1929-g/

Васильев бӧрын пырысь-пыр жӧ кыв сетiсны Ӧльӧксей Максимовичлы. Сёрнитӧ сiйӧ небыдик кыз гӧлӧсӧн, оз тэрмась, – тӧдчӧ, абу оратор. Сёрнитiгас пыр веськыд кинас шенасьӧ неуна. Миянлы Горький со мый висьталiс:

Дона ёртъяс! Тi ставныд служитанныд литература уджлы. Кыдзи важ мастеровöй сiйӧ удж вылас, ме понда сёрнитны сы йылысь жӧ – миян гижан мастерство йылысь. Танi Васильев ёрт веськыда индiс, колӧ пӧ миянлы бурджыка уджавны асланым литература кыв вылын. Колӧ. Ми омӧля на уджалам кыв выланым, миян гижысьяслӧн абу на быдӧнлӧн аслыс сяма (характерный) кыв, мый серти эськӧ позис торйӧдны ӧти гижысьӧс мӧд гижысьысь. А тайӧ зэв колантор. Рочьяслӧн эм ыджыд запас йӧз костса сёрни кыв, кытысь некор бырлытӧг позьӧ босьтны да лӧсьӧдны быд гижысьлы аслыс сяма литература кыв. Сӧмын унаысь ми вывтi ёна ылӧдчам места вывса сёрни кывнас да вӧчам гӧгӧрвотӧм гижӧд. Унаысь лоӧ кывсӧ сэсся торйӧн висьтавны (тӧдмӧдны торъя выноскаӧн нига лист бок улiас). Гижигӧн пыр колӧ босьтны материалтӧ йӧз костса сьыланкывъясысь, мойдъясысь, сёрниясысь, – мый ми шуам фольклорӧн. Ёна озырмӧдны верманныд сэсся литература кывтӧ роч йӧз коста литература лыддьӧмӧн.

Литература кыв колӧ видзны ёгӧссьӧмысь, колӧ весавны: тайӧ кывйыд ӧд и эм медколанторйыс, мыйӧн ми уджалам выль олӧмӧ пыригӧн, мыйӧн ми вермасям важыскӧд.

Мукӧд гижысьяс кӧть оз на кужны гижны, да тӧдӧ мый йылысь колӧ гижныс. Сэтшӧмыслы, ёртъяс, колӧ отсавны велӧдчыны – сiйӧ миян мог. Ме ногӧн, колӧ лӧсьӧдны литература техника велӧдан курсъяс. Татшӧм курсъяс лӧсьӧдны  ковмас сьӧм. Унджыксӧ, дерт, правительство сетас. Сэсся, ме чайта, гырысьджык гижысьяс тшӧтш отсаласны, асланыс гонорарысь этшаник торйӧдӧмӧн, ме тшӧтш сетышта. Мед ещӧ велӧдчасны морт 200-300 быд во. Тайӧ лоӧ зэв бур, ыджыд отсӧг сетас.

Сьӧлӧмсянь сиа тiянлы, ёртъяс, быд бурсӧ. Уджалӧй зiля, ыръяна, велӧдчӧмӧн, уна тор тӧдмалӧмӧн!

                                                                                        Нёбдiнса Виттор

Горький Максим - (настоящее имя – Алексей Максимович Пешков; 1868-1936), русский советский писатель, поэт, прозаик, драматург, журналист, публицист и общественный деятель.

.

Максим Горькийöс аддзылöм / Нёбдiнса Виттор // Ордым. – 1929. – 6-7 №. – 83-84 л. б. – Пер. загл.: Встреча с Максимом Горьким.

.

Встреча с Максимом Горьким

В поездке на всероссийский съезд крестьянских писателей мне удалось увидеть великого писателя – Алексея Максимовича Пешкова (Максима Горького). Прежде я прочел в газете, что Горький приедет в Москву 2-го июня (наш съезд открылся 3-го июня), и подумал: конечно, он посетит съезд, и там удастся увидеть живого Максима Горького. В пути (на Вятке) узнал из газеты – Горький приехал в Москву раньше, 31 мая.

В день открытия съезда сказали: Горький не любит торжественности и, съезд он посетит завтра… На следующий день (4 июня) снова не пришел – уехал на другой съезд (охрана материнства и детства). На наш съезд Горький прибыл 5 июня, к утреннему заседанию.

Пришёл как-то внезапно, неожиданно. В это время шло обсуждение доклада (по массовой работе). Говорил Ленинградский делегат – Васильев. Вдруг как-то съезд заволновался. Потом в президиум поднялся Горький. Все присутствующие на съезде встретили его долгими овациями (делегаты долго рукоплескали). Как только они немного утихли – председательствующий – Дорогойченко поприветствовал Максима Горького, как первого крупного пролетарского писателя и члена ЦИК СССР. Снова делегаты бурно аплодировали. После этого Васильев ещё немного говорил – и закончил свое выступление. Горький в это время что-то записывал карандашом на бумаге. А фотографы снимали Горького со всех сторон. Горький смотрел на них. В сером костюме, худой, высокий, лицо в морщинах. Светлые длинноватые волосы и загнутые книзу усы. На лицо как будто не такой ещё старый – можно дать лет 45 (на самом деле ему было уже 62). Только  худощавый – как будто недавно болел.

Что говорил Горький

После Васильева сразу дали слово Алексею Максимовичу. Говорил он мягким, громким голосом, не торопясь, видно, что не оратор. При выступлении немного жестикулировал. Нам Горький вот что сказал:

Дорогие товарищи! Вы все служите на благо развития литературы. Как опытный мастер в этой работе, я буду говорить об этом же – нашем писательском мастерстве. Тут Васильев верно указал, что необходимо работать над словом. Надо. Над словом у нас работают мало, у наших писателей нет характерного языка, писателя от писателя трудно отличить. А это должно быть. В неисчерпаемой сокровищнице русского языка для всякого писателя вполне достаточно таких слов, в которых он найдёт свой литературный язык. Иногда употребляют такие слова, что приходится делать подстрочные примечания к ним. Я не теряю интереса к фольклору – нужно пользоваться материалом из народных песен, сказок, диалогов. Очень хорошо можно обогатить литературный язык, читая русскую литературу.

Максим Горький - русский советский писатель, поэт, прозаик, драматург, журналист, публицист и общественный деятель.

Литературный язык надо беречь от засорения, очистить язык совершенно необходимо, потому что он нам дорог, с ним мы работаем, переходим в новую действительность, боремся со старым.

Некоторые писатели хоть и не умеют писать, да знают о чем надо писать. Таким, товарищи, надо помогать учиться – это наша задача. По-моему, надо организовать курсы по литературной технике. Для организации таких курсов нужны деньги. Большую часть, конечно, даст правительство. Потом, я думаю, именитые писатели также помогут, из своих гонораров немного выделят, я также помогу. Пусть ещё учатся 200-300 человек ежегодно. Это будет очень хорошо, и даст большую помощь.

От сердца желаю вам, товарищи, всего хорошего. Работайте усердно, упорно учитесь, узнавая многое!

Перевод