Сувт, чеччы, коми войтыр, ассьыд шудтö дор! (Встань, поднимись, коми народ, куй своё счастье!)
Сувт, чеччы, коми войтыр, ассьыд шудтö дор!
Паськыд, ыджыд Коми му.
Уна добра эм Коми муын.
Коми йöз зільöсь, вежöраöсь.
А мыйла кö пыр жö на омöлика, гöлиника ми овлім?
Мыйла нö, эм кӧ миян муын быдтор да зэв нин зільӧсь, сэтшӧм омӧля олам?
Дыр ковзяс та йылысь висьтавны.
Важӧн, сар дырйи, ми овлім медбӧръя йӧз туйын. Рочьяс сэки дзескӧдлісны мукӧд сёрниа посни йӧзöс, эз сетлыны налы кыпӧдчыны, лӧсьӧдны асногса олӧм. Кыдзи вӧлі шуасны „ыджыдъяс“ – рочьяс, сідзи лоӧ вӧлі вӧчны.
Тадзи Россияын вочасӧн пуксис гырысь йӧзлӧн посни йӧз вылын нартитӧм, мукӧд сёрниа йӧзӧс рочӧ пӧртны (русификация).
Посни йӧзлы оз позь вӧлі весиг думыштны асногса олӧм дор, – ставсӧ лоӧ вӧлі вӧчны ӧткодя, роч ногӧн. Ӧтувтчӧм йылысь посни, мӧд сёрниа йӧз эз лысьтлыны весиг вӧтӧн казьтыштлыны.
Регыд лоӧ нёль во, кыдзи коммунист партия да уджалысь гӧль йӧз дугӧдісны сэтшӧм нога олӧмсӧ да шуисны: „быд аслыспӧлӧс йӧз (тотараяс, вотякъяс, полякъяс, башкиръяс да мукӧдъяс) мед олöны кыдзи налы бурджык, кыдзи кокньыдджык, öтувтчöмöн ас йöзкöд. Сійöн и шусьö миян Республика Федеративнöйöн: овны öтувтчöмöн аслас пӧлӧс йӧзлы öти ыджыд Республика улын (Россияса Сöветса Республика улын).
Öні миян (Россия) муын эм нин дас квайт пöлöс автономия, кöні йöзыс олöны ас ногöн, уджалöны быдтор ас ногöн, кыдзи лöсьыдджык да кокньыдджык.
Коми йöзлы сідзжö öні сетіс Сöветскöй власьт автономия, коми автономия 1918-д воын, медводдза Сыктывкарувса крестьянскöй съезд вылын вöлі сёрни торйöдчыны Коми йöзлы аслас автономияöн. Сэки, дерт на унатор огö вöлі тöдö, унатор на вöлі миянлы кажитчö мöдногöн. Сы бöрын сэсся пöшти быд съезд вылын вöлі ичöтик сёрни Коми öтувтчöм йылысь.
Колян арын вöлі мöдöдöма Москуаö бöрйöм йöзöс, мед найö Коми öтувтчöм йылысь сэні […] сёрнитісны.
Таво (январын) Сыктывкарын вöлі 1-й съезд коми коммунистъяслöн, сэні вöлі шуöма: öтувтчыны коми йöзлы ас Республика улö. Республикаöн бергöдлыны колö зэв уна йöз, сьöлöмысь уджалысь ыджыд вежöра йöз. Россияса Правительство шуöма: гашкö пö ті коми йöз онö вермö справитчыны Республиканас, сьöкыд пö лоö первойтö, да сетöма май 5-д лунö автономнöй обласьт.
Мыйла нö ми Комияс, торйöдчам, либö öтувтчам асьным?
Кöть зэв нин унаысь та йылысь вöлі гижöма да кывйöн висьталöма, öнöдз на кодсюрö оз прамöя тöд, мыйла, збыльысь, коми йöзыс öтувтчöны 9торйöдчöны).
Босьтам первойсяньыс – чужöмсянь. Чужам Коми мамсянь, быдмам коми мам дінын, коми йöз шöрын. Олан могыс чужöмсянь пырö миян юрö Коми пöлöс, ставсö ми гöгöрвоам комиöн, коми сямöн. Велöдчыны мунны друг сэки рочöн вöлі тшöктасны лыддьыны, гижны, мöвпавны, гöгöрвоны, ичöт вежöра челядьяс. Дерт, оз кужны, мöд ногöн гöгöрвоны, найö тöдöны сöмын коми ногöн. Коми кывйöн, тöдтöм сёрниöн велöдчыны налы век вöлі сьöкыд: прамöя некор найö земскöй школаясын эз велавлыны.
Из книги: Терехова Л. Г. География: начальнöй школаса 4-öд класслы. - Сыктывкар : Коми государственное издательство, 1938.
Сэсся, удж дорö кö кутчысям сідзжö: ми кужам уджавны коми ногöн, мукöд йöз сямöн миянлы сьöкыд, огö кужö, огö велöдчывлö. Рочьяс вöлі войдöр сы вылö оз видзöдны: тшöктасны вöлі уджавны роч ногöн, кужан кöть он, верман кöть он.
Гашкö кымын сё во нин олöны му вылын Коми йöз, гашкö кымын сюрс во нин сулалö Коми му, мыйта эмбурыс эм сэні: вöрыд, пöткаыд, зверьясыд, чериыд, рудаыд, краскаыд, эзысьыд, зарниыд, карасиныд, солыд, быдтор эм лыдтöм-тшöттöм! А мый ми сійöн вöчлім? Пыр, нэм чöж на, став добраыс туплясьліс гöгöр миян кок улын, ставыс сісьмыліс пöльзатöг. Мыйла? Некод эз тöждысьлы Коми му вöсна, коми йöз понда. Важ сар правительстволы вöлі зэв ичöт мог Комиöдз: тшöктас вöлі вом перйыны да вöр лэдзны, сэсся некутшöм мог эз тöдлы.
Сы вöсна Коми муын быдсяма добраыс и сісьмис. Сы вöсна коми йöз омöля, гöлиника и овліс.
Сöветскöй власьт аддзис татшöм лёкногса олöмсö посни йöзлысь, тшöктіс сэтшӧм йöзлы öтувтчыны, мед олöны да кыпöдчöны ас ногöн.
Сы вöсна жö коми йöзлы сетіс автономия.
Северный комбайн Визингской МТС на колхозных полях
Из книги: Коми Автономнöй Областьса стахановецъяс. - Сыктывкар : Коми госиздат, 1936. - 115 л. б. - На коми яз. - Пер. загл.: [Стахановцы Коми Автономной Области].
Öні Сöветскöй власьт оз видзöд Коми му вылö важ правительство моз. Öні власьтыс – асьным, став уджалысь йöз, тöдам кыдзи бурджыка овны, кыдзи öдйöджык кыпöдчыны, кыдзи кокньыдджыка уджавны.
Коми мулы воссис ыджыд, паськыд югыд туй – лöсьöдны, кыпöдны олöм, кыпöдчыны аслыным – коми йöзлы, ас ногöн, ас уджöн.
Водзын – уна удж, гырысь удж, ковзясны сьöлöмысь уджалысь йöз.
Öтнаныс коми комиссариатъяс оз вермыны, лöсьöдны выльнога олöм Коми муын, оз кö кутны отсавны став коми йöзыс.
Ковзяс уна вын первой пуктыны эмбур кыпöдöм вылö. Ковзяс восьтавны зэв унатор выльысь: пабрикаяс, заводъяс, кöрт туй да мукöдтор.
Став бур олöмыс коми йöзлöн öні ас сайын.
Отсалöй жö, бур мывкыда Коми войтыр, кыдз-мый вермад кыпöдчыны ыджыд паськыд Коми мулы!
Коми йöз ёна бöрö кольöмаöсь мукöд йöзысь, колö öдйöджык суöдны ставнысö!
Уджалöй бура, сьöлöмысь том Коми автономия кыпöдöм вöсна!
Нёбдінса Виттор.
.
Сувт, чеччы, коми войтыр, ассьыд шудтö дор! / Нёбдінса Виттор // Югыд туй. – 1921. – 15 июля. – Пер. загл.: Вставай, поднимайся, народ, куй своё счастье!
.
Встань, поднимись, коми народ, куй своё счастье!
Широкая, большая Коми земля.
Много на Коми земле есть полезного и хорошего.
Коми народ трудолюбивый, умный.
А почему-то живём бедно?
А почему же тогда, если на нашей земле есть всё и мы трудолюбивые, почему же так бедно живём?
Долго придётся говорить об этом.
Раньше, при царе, мы жили как последние люди. Русские тогда с нами не считались, не давали малочисленным народам подняться и крепко встать на ноги. Как говорили „господствующие“ – русские, так и приходилось поступать.
Так в России постепенно обосновалась власть господствующих над малочисленными народами, чтобы склонить их к русификации.
Малочисленные народы и думать не могли о самостоятельной жизни, – всё приходилось делать как скажут русские. А чтобы объединиться, малочисленные народы не могли и подумать даже во сне.
Скоро исполнится четыре года, как коммунистическая партия и трудовой бедный народ не захотели больше жить такой жизнью и постановили: „все малочисленные народы (татары, вотяки, поляки, башкиры и другие) пусть живут как им лучше, как им легче, объединившись вместе. Поэтому и называется наша Республика Федеративной – объединившись жить в одной большой Республике (Российской Советской Республике).
Сейчас на нашей земле (России) есть уже 16 разных автономий, в которых народы самостоятельно живут и работают, как им лучше и как им легче.
В 1918-м году Коми народу Советская власть также дала автономию. На первом Сыктывкарском крестьянском съезде шла речь о том, чтобы создать национальную государственность коми народа. Тогда, конечно, многого ещё не знали, многое представлялось по-другому. После этого почти на каждом съезде поднимался вопрос о Коми автономии.
Прошлой осенью в Москву была избрана делегация, которая должна была поднять вопрос о Коми автономии […].
В этом году (в январе) в Сыктывкаре на 1-м Всезырянском съезде коммунистов было принято решение: создать коми народу свою Республику. Для руководства Республикой нужны умные, талантливые, сердечные люди. Правительство России постановило: может быть коми народ не сможет руководить Республикой, трудно придётся на первых порах, и 5 мая дали автономную область.
Почему же мы, коми, хотим отделиться или же объединиться?
Хоть и много уже об этом было написано и сказано, некоторые до сих не знают, для чего коми народу объединяться.
Начнём с того, что родились мы от коми матери, растём возле коми матери, живём среди коми людей. С рождения в нашей голове укладывается жизненная позиция, всё мы понимаем по-коми. В школе ещё несмышлёных детей учили читать, писать, думать, понимать на русском языке. Конечно, им было тяжело учиться, не понимая русского языка. Чему они могли научиться в земской школе.
Да и если берёмся за работу, делаем это, как нас учили наши коми предки, по-другому мы просто не умеем. Русские раньше заставляли нас работать так, как им этого хотелось.
Из книги: Молодцова М. Буквар. – Сыктывкар : Коми госиздат, 1935. – 79 л. б.
Наверно, несколько столетий уже живёт на земле коми народ, наверно, несколько тысячелетий стоит Коми земля. Чем только не богата Коми земля: лесом, дичью, зверями, рыбой, рудой, краской, серебром, золотом, керосином, солью, всего и не перечислишь! А как мы всё это использовали? Всю жизнь это добро валялось вокруг нас и под ногами, всё гнило под ногами без пользы. Почему? Никто не заботился о Коми земле, о коми народе. Царскому правительству было мало дела до Коми: прикажет уголь добыть и лес рубить, а дальше никаких забот.
Поэтому на Коми земле всякое добро гнило. Поэтому коми народ жил в бедности.
Советская власть увидела тяжёлую жизнь малочисленных народов и приняла решение им объединяться, чтобы жить им самостоятельной жизнью.
Поэтому же коми народу и дала автономию.
Теперь Советская власть не смотрит на Коми землю как Царское правительство. Сейчас власть – мы сами, весь трудовой народ, мы знаем как лучше жить, как быстрее встать на ноги, как легче работать.
Для Коми земли открылся большой светлый путь – налаживать и развивать свою самостоятельную жизнь.
Из книги: Палей И., Энтина Г. Лыддьысян книга. Грамотаö велöдан школаяслы [Книга для чтения. Для школ грамоты]. – Сыктывкар : Коми гиз, 1935. – 140 л. б.
Впереди – много работы, нужны будут трудолюбивые люди.
Если не будет помогать коми народ, чтобы наладить новую жизнь на Коми земле, одному коми комиссариату не справиться.
Много сил придётся положить, чтобы поднять хозяйство. Придётся снова открывать фабрики, заводы, железные дороги и другое.
Вся хорошая жизнь теперь в руках народа.
Помоги же, разумный коми народ, развиваться широкой Коми земле!
Коми народ сильно отстал от других народов, нужно их догнать!
Работайте хорошо, пусть развивается Коми автономия!
Нёбдінса Виттор.
Сувт, чеччы, коми войтыр, ассьыд шудтö дор! / Нёбдінса Виттор // Югыд туй. – 1921. – 15 июля. – Пер. загл.: Встань, поднимись, коми народ, куй своё счастье!
