Максаковка личмунiс (Максаковке полегчало)
Небдiнса Виттор
Максаковка личмунiс
Меным нö öтнамлы позьö али оз сетны кодлыкö рапорт сентябр 18 лунö субботник йылысь? Кöть мед мый шуасны, а ме сета, дай став 1200 мортыс (либö унджык), кодъяс вöлiны сэки Максаковка штурмуйтiгöн, чайта, тшöтш кырымаласны. А рапортыс лоö ВКП(б) Сыктывкарса комитетын секретарлы – Чупров ёртлы татшöмкодь:
Кыдз тэ чайтлiн ачыд,
Сiдз лоис нач:
Максаковка клячыд
Таво кежлö – трач!
Канитель эз ло сэн –
Эштiс сылöн роль:
Тшыкны, вошны косын
Öти кер эз коль.
Грымгис Сыктыв пöлöн
Большевистскöй шум.
Нимкодь ставным вöлiм,
Тэ тшöтш ветлiн нюм.
Тайö коммунистическöй, комсомольскöй субботникöн лои освоитöма Максаковкаысь медбöръя аварийнöй вöр.
Первойсяньыс Сыктылöд кылöдчан удж лека котыртлöма, Максаковка запань розорнöй сьöкыд ношаöн öшалiс Коми обласьт вылын. И вöлисти öнi, нель тöлысь чöж гурйысьöм мысти, сьöктöдiс уси. Максаковка личмунiс.
Тайö медбöръя субботник вылас сэнi сыктывкарса коммунистъяс, комсомолечьяс да водзмöстчысь профсоюзникъяс петкöдлiсны збыльвылö ассьыныс боеспособностьсö партия делö вöсна тышкасьöмын. Субботник вылö волiсны збыль вылö пöртны олöмö зэв гырысь могъяс: большевистскöй уджалöмöн вештыны Коми обласьт вылысь позорсö, эштöдны берегö косьмöм вöр весалöм, медым ньöти кубометр эз вош да йиö эз кынмы. И тайö могъяссö найö эштöдicны Максаковкаысь помöн.
Художник Лебедев В. Ленинград. Первомайское шествие рабочих https://yasavey.ru/vystavki/virtualnye-vystavki/subbot/
Субботник лунлань паныд быдöнлöн вöлi, дерт, тревожнöй вой, ымралic тöждысян мöвп:
– Мед эськö оз узьсьы. Мед эськö Кочпонö воны мукöдъясыс водзджык – не 6 часын, а 5 либö весиг 4 час кежлö.
Медводз удитöма садьмыны да 4 часын удж вылö нин петöма совпартшколаса коллектив – ВКП (б) да ВЛКСМ горкомъяслысь колян субботникъясö гöрд знамя да премия босьтысь колонна. Эз ена сермыны и мукöдъяс – 7 час кежлö удж, вöлi сполнöй öдöн нин мунö быд участокын.
Асывсяньыс луныс удайтчис мича: ыркыд да шондiа, – быттьöкö нарошнö лiкмöдöм бур уджаланлун. Майкыдик пужйöн гыöртöм туй кузя чожа шавкöдiсны Сыктывкарсянь Кочпонö уна отрадъяс: кодсюрö гудöкöн ворсöмулö, кодсюрö сьылöмöн. Гажа, долыд.
Кöчпон весьт лыа вылын, сыктыв ю дорын, слöй ни тöлк дизьвидзö, косьмöм вöр. Аварийнöй вöрысь артмöма хаос. Öтгудырйö сорласьöмöн, уна вевсьöн-вевсьöн, 4-5 судтаöн кыдзсюрö тэчсьöмöн куйлö быдсяма пöлöс вöрыс : экспортнöй, пиловочнöй, палубнöй и мукöд сорт керъяс, шпальник и лöсьöдöм шпалъяс, ромшина, сöбачина, – öткöн и дзонь плитаясöн сутшкысьöмаöсь. Лыа шöрас брунвидзö гöгöрбоксянь и вывсянь вöрöк акатуйтöм матка. Ок, уна жö вöр татчö косьмылöма. Тайö öд сылöн медбöръя колясыс нин. Но и сы вылö видзöдлан да, быттьö юрсиыд сувтлас хаоссьыс. Кор ciйö весасьлас! Кор татысь став вöрыс Сыктылö тупыльтчылас да заводöдз кывтлас? Но сiдзи сöмын кажитчö.
– Талун ставсö весалам: перъям, быгльöдлам, торйöдлам! – быдöнлöн вöлi сьöлöмшöр мог.
И кор вöлi видзöдлан паськыд участок вылö, аддзан, – быдлаын пуö ударнöй удж: лöсьöдöм утъяс вывтi керъяс быгыльтчöны конвейерöн моз ва дорöдз, зульскысьöны сэтчö резыштöмöн, петöны шöрлань да шуньгöны-кывтöны ва кывтчöс. Дерт, вöрыс оз ачыс мун лыа вывсьыс – сiйöс перйöны да быгльöдлöны и тойлалöны субöтничайтысьяс. Берегын уджалысьяслöн быд киын öружье – зор. Ваын вöр йöткалысьяслöн – багыр. Паськыд лыа вылын юркъялö гажа уджалан гор: грымöдчöны керъяс, юкйöдлöны гöлöсъяс.
– Раз, два – босьтiм!
– Эй, коктö видз!
Унаысь сöдз сынöдын сявмунлö öтувъя серам, сiйö – кодкö вильскöбтiс кер вылысь да ваö тулькысьлic кокъяснас да бокъяснас. А мыйта удж костас сюсьнога шмонитöмыс пырö!
Из книги: Терехова Л. Г. География, 2-öd часть : начальнöй школаса 4-öд класслы учебник [География, Ч. 2 : учебник для 4-го класса начальной школы] - Сыктывкар : Коми государственное издательство, 1938.
– Шöрöдыс эн бертышт – керйыс чегö.
Зорйыд кö мудзис – гырдзанад йöткышт!
Весь сулалысьясöс либö удж дырйи шöйтысьясöс он унаöс казявлы: быдöн зiльöны регыдджыкöн эштöдны ассьыныс участокнысö, дай ёртъяссьыныс яндысьöны прöста овны.
Öбöд кад. Лыа вылысь хаос оз нин тыдав: став керсö перйöма да радöн-радöн бунтъясö лöсьöдлöма – нюжвидзöны кер-посъяс моз. Медвойдöр эштöдiс ассьыс участоксö Совпартшколаса коллектив, – сiйö медводз пуксис öбöдайтны участоксö весалöм бöрын нин да вужис мöд участокö. Сылы организованнöй да дружнöй уджалöмсьыс позьö и пермия сетны!
Уджалан инъястi прöйдитлic, тöдмасис уджнас ВКП(б) горкомса секретар Чупров ёрт.
– Эштас оз талун татi, Иван Öндреевич!
– Эштас, – нюмъялöмöн шуö Чупров ёрт.
Рытнас вит час кежлö Кочпонса лыа вöлi весалöма.
Субботник эштiс. Гортö мунiгöн кырйывсяньыс видзöдлiм лыа вылас, кöнi асывводзнас вöлi хаос, да ыджыд нимкодь шымыртiс миянöс. Лыа вылас долыда быттьö нюмъялö – öд сiйö талунöдз эз на аддзыв таво лунъюгыдсö, а талун дзикöдз мезмис.
Ыджыд жö вын коммунистическöй-комсомольскöй армиялöн! Ыджыд жö удж, сiйö вермас вöчны! Быдöнлы нимкодь. Эз öд прöста нюмъяв тайö субботник бöрын Чупров ёрт.
.
Максаковка личмунiс / Небдiнса Виттор // Вöрлэдзысь. – 1934. – 20 сент. – Пер. загл.: Максаковке полегчало.
.
Небдiнса Виттор
Максаковке полегчало
Можно ли мне одному дать рапорт о субботнике, который был 18 сентября? Пусть говорят, что угодно, а я отрапортую, да и все 1200 человек (или больше), кто был тогда при штурмовке Максаковки, думаю, подпишутся. А рапорт на имя секретаря Сыктывкарского комитета ВКП(б) – товарища Чупрова будет следующим:
Кыдз тэ чайтлiн ачыд,
Сiдз лоис нач:
Максаковка клячыд
Таво кежлö – трач!
Канитель эз ло сэн –
Эштiс сылöн роль:
Тшыкны, вошны косын
Öти кер эз коль.
Грымгис Сыктыв пöлöн
Большевистскöй шум.
Нимкодь ставным вöлiм,
Тэ тшöтш ветлiн нюм.
Как ты думал сам,
Именно так произошло:
Максаковский стебель
На этот год – хрусть!
Канители там не вышло –
Закончилась ее роль:
Портиться, затеряться на суше
Ни одного бревна не осталось.
Прогремел вдоль Сысолы
Большевистский шум.
Мы все были радостные,
Ты тоже ходил с улыбкой.
На этом коммунистическом, комсомольском субботнике был освоен последний Максаковский аварийный лес.
Изначально сплав по Сысоле был плохо организован. Максаковская запань висела тяжелой ношей над Коми областью. И наконец сейчас, после четырех месяцев труда, эта ноша упала. Максаковке полегчало.
На этом последнем субботнике сыктывкарские коммунисты, комсомольцы и активные профсоюзники по-настоящему показали свою боеспособность в борьбе за дело партии. Перед пришедшими на субботник стояли действительно большие задачи: смыть большевистским трудом позор с Коми области, завершить очистку берега от сухостоя, чтобы ни один кубометр леса не пропал и не замерз во льду. И эти задачи были выполнены в Максаковке.
Ночь перед субботником, без сомнения, была тревожной для каждого, в голове крутились беспокойные мысли:
– Лишь бы не проспать. Хоть бы прийти в Кочпон раньше остальных – не в 6 часов, а к 5 или даже к 4 часам.
Из книги: Терехова Л. Г. География, 2-öd часть : начальнöй школаса 4-öд класслы учебник [География, Ч. 2 : учебник для 4-го класса начальной школы] - Сыктывкар : Коми государственное издательство, 1938.
Первым проснулся и уже в 4 утра вышел на работу коллектив спортшколы – колонна, которая получила от горкомов ВКП (б) и ВЛКСМ красное знамя и премию за прошлые субботники. Вскоре подошли и остальные – к 7 часам работа кипела уже на каждом участке.
С утра была прекрасная погода: солнечно и прохладно, – будто специально, чтобы хорошо работалось. По слегка заиндевевшей дороге из Сыктывкара в Кочпон вышагивали отряды: кто-то играет на гармошке, кто-то поет. Весело, радостно.
На Кочпонском пляже, у реки Сысола как попало лежал сухостой. Аварийный лес превратился в хаос. Вперемешку, кучами, в 4–5 слоев лежит кое-как сложенная древесина: экспортная, пиловочная, палубная и другие виды бревен, шпальник и подготовленные шпалы, брусья – поодиночке и целыми плитами. Ох, сколько древесины здесь высохло. А это ведь уже последние остатки. Но и на них взглянешь и волосы встают дыбом от хаоса. Когда все это уже будет вычищено! Когда вся эта древесина попадет на Сысолу и уплывет на завод? Но это только кажется так.
– Сегодня все вычистим: вытащим, покатим, разделим! – у каждого была одна цель.
И смотришь было на широкий участок, видишь – везде кипит ударная работа: по подготовленным лежням, как по контейнеру, катятся к реке бревна, падают туда с плеском, доходят до середины реки и плывут тихонько по течению. Конечно, бревна не сами по себе уходят с пляжа – их вытаскивают и катят участники субботника. У работающих на берегу в каждой руке оружие – рычаг. У тех, кто толкает в воде – багор. На широком пляже слышны бодрые звуки работы: стучат бревна, звучат голоса.
– Раз, два – взяли!
– Эй, береги ноги!
Периодически в воздухе слышны раскаты смеха – кто-то поскользнулся с бревна и шлепнулся в воду. А сколько остроумных шуток рождается во время работы!
– Не трогай середину – бревно сломается.
Если устал рычаг – толкни локтем!
Праздно стоящих или слоняющихся без дела мало: каждый стремится побыстрее закончить свой участок, да и стыдно перед товарищами стоять без дела.
Время обеда. Хаоса на пляже уже нет: все бревна вытащены и сложены рядами в штабели – раскинулись, словно деревянные мосты. Первым работы завершил коллектив Спортшколы, – он первый сел обедать после очистки своего участка и уже перешел на другой. Его можно удостоить премией за организованную и дружную работу!
По местам работы прошелся, ознакомился с работой секретарь горкома ВКП(б) – товарищ Чупров.
– Завершится ли работа сегодня здесь, Иван Андреевич?
– Завершится, – улыбаясь говорит товарищ Чупров.
К пяти часам вечера Кочпонский пляж был очищен.
Субботник закончился. Когда шли домой, посмотрели с горы на пляж, где еще утром был хаос, и большая радость охватила нас. Пляж словно довольно улыбался – ведь до сегодняшнего дня в этом году он еще не видел солнца, а сегодня освободился окончательно.
Какая большая сила у коммунистическо-комсомольской армии! Какую большую работу она способна проделать! Всем радостно. Неспроста улыбался после этого субботника товарищ Чупров.
Перевод Елены Габовой
