В. Ӧ. Савин (Нёбдінса Виттор йылысь)
В. Ӧ. Савин
(Нёбдінса Виттор йылысь)
Аслам гижöдын „Сьöд Яков“ 1907 воын, мед чорыд воясас коми олöмын, ме гижлі: „Коми оланін кузя югнитлас на шонді, нюрваманыс бырö ру, сувтасны мича лунъяс“.
10 во мысти сійö гижöмъяс бöрын паськыда зэв коми олöм воссис. Сэк кö вöлім кыкöн-куимöн, öні унаöн нин, гöгöр содім, содам на. „Коми йöзлы – коми гижöд, коми йöзлы – коми кыв“ ужö пырис, олöманым пырис. Унаöн босьтчисны колан уджсö вöчны, вит восö чорыда нин уджалöны, уджалам.
Мед зіля, ёна, сьöлöмсьыс, юрöн уджаліс миян коми олöм вылын Нёбдінса Виттор. Эз на важöн – 22 лунö колян тöлысьын сылы лои 35 арöс чужöмсяньыс. Коми олöмлысь визьяссö аслас гижöднас сійö миянлы петкöдліс коми олöмысь буринъяссö, омолинъяссö. Сійö нö мед чорыда коми сьылöм вылын пессис, ворсöм вылын, коді миянлысь ассьыным олöмнымöс петкöдлö.
Виттор коми олöмлы колана морт, колана морт миян став уджалысь йöзлы, öніялы и водзö. Гижöдъясыс, сьыланъясыс, ворсöмъясыс – öнія югъялан шонді миян коми му кузя, öнія гажа коми олöм лунъяс. Пемдöдан роч ру вешйö, ёна отсаліс вит вонас вештынысö Виттор! Дыр на отсалас и водзö.
Велöдчанінъясын гижöдъяссö нёльмöд во нин велöдам, тöдмалам, лыддям. Лыддьысь, велöдчысь савинлöе\н пыр содö воысь воö. Воас кад, став уджалысь коми йöз унджык гижöдсö сылысь пондас тöдны, сьланкывъяссö сьывны, ворсанторъяссö том йöз пондасны ворсны.
Мувыв олöмса долыдлунлань воысь воö пыр матыстчам. Бура, чорыда сылань аслас гижöднас, аслас уджъяснас Нёбдінса Витттор ёна нин вит во чöж йöткаліс, йöткыштіс. Ӧнія гöгöрвоысь йöз, олöма, быдмысь шуам Савинлы буркыв, огö вунöдöй асьсö, уджяссö! Велöдчам сійö бур сьöлöмлысь, велöдчам сійö бур гижöдлысь. Сійö гижöд серти, чорыдджыка водзö иувтчыштам, сыныштчам важног олöмсьыс! Ставсö сійö вöчны ми вермам: Савин аслас уджъяснас, олöмнас тшöтш петкöдлö. Коми йöзлöн – эз вöв сылысь олöмсö гижысь – лоö мед гöгöр босьтіс Савин, миян коми сюсь, тöдана бур гижысь.
Габö Педöр Ӧлексан-пи Ӧльексан нима
.
Чеусов А. В. Ӧ. Савин йылысь / Габö Педöр Ӧлексан-пи Ӧльексан нима // Югыд туй. – 1923. – 5 дек. – Пер. загл.: О В. А. Савине.
