Сынöдöд лэбалöм. 12 минут Сыктывдiн кар гöгöр (Сынöдöд лэбалöм. 12 минут Сыктывдiн кар гöгöр)
Сынöдöд лэбалöм.
12 минут Сыктывдiн кар гöгöр.
– „Тэ нö, Виттор, лэбзьылан он гидроплан вылас?“ – унаöн тöдсая юаласны вöлi менсьым.
– „Ме барай-й ог!.. Ог лысьт, юрыд бергöдчас да кытчöкö шняпкысян дай!..Ме весиг редакция öшиньсянь муас пола видзöдлыныс-а, кутшöм нин вылiтi машинаöн лэбалöм!”..
Пыр тадзи воча висьтавлi. Весиг субöтаö на, кор петi берöг дорö лэбалöмсö видзöдны, дум вылын эз вöв менам лэбзьылöм.
– „Но, тэ Виттор, лэбзян мöд öчереднас: редакцияыдлы мöд öчередö пасйим лэблыны”, – шуö Булышев ёрт.
– „Ме ог, ог, ог…Мед Попов лэбзьылас, сiйö вöлi кöсйö кодь да“…
Сэтчö самöй буретш и Попов ёртыд локтic.
– „Меным, – шуö, – некор, вай зон Виттор, тэ нин лэбзьыв”.
– Пуксьыв, пуксьыв, нинöмысь повныс. Код тöдас, удайтчас оз сэсся коркö лэбавныд! – ставныс кутасны ыштöдны менö.
А веськыда кö шуны, аслым эськö зэв окота лэбзьывныс! Колö и пола!
Коркö бензинъяс кисьталöм машина вылö помасис. Мавтiсны машинасö быдлатi. Пуксисны медводдза öчередысь: Журавлев ёрт (Обласьтувса „Авъяхим“ Сöветысь секретарыс да куим кресьянин Зеленечысь: кыкыс олöма йöз нин (весиг öтикыс дзор нин), сэсся öтик ныв.
Самей паракод карö воис, – йöзыс ставыс палуба вылас петiс.
Мöдic гидропланлöн виньтыс (пропельлерöн шусьö) бергавны-уджавны. Шлывгис ва вывтi первой, пристань дорöдз ньöжйöник. Бергöдчис Ош видз бöж дiнты да кыдзи öдзöдзчис Сыктыв ю кузяыс – толькö пызйыштic жургиг тырйи. Видзöдысьяс ставныс дзоргöны.
– Со, со кыптiс васьыс!..
Пöшти верстöн-джынйöн кульыштic ва кузяыд минутöн. Сэсся кыпöдчис, качöдчис…Вылiтi жургö-лэбö, бöр локтö миянлань. Вöчис сэсся круг дай пуксис ваас.
Петöны Зеленечса, вашъялöны ставныс.
– „Но, кутшöмджык?
– „Эн сёрнит, зонмö! Вывтi лöсьыд!..
Меным пуксьыны öчерöд воис. Сьöлöмöй веськыда тiралö – пола. Пукси, пырi каютаö – зэв лöсьыд пукавны небыд пуклöсъяс (креслöяс) вылын. Лётчикыс (кодi машинанас управляйтö) öдзöс пöдлалiс: ена пö восьтöй, ме пö бöрас воам да ачым восьта, ена пö куритчö, ена ветлöдлö лэбигöн местаысь местаö.
– „Но, думайта, прöшщай сэсся мувывса олöм!”
Бара воддза мозыс бергöдчис пристань дорöд. Öдзöдчис да öдзöдчис сэсся ва кузя пызйыны, толькö нин лыйыштic. Ме видзöда öшиньöд увлань…Кватитчы кö, вöлöм сынöдöдыс нин лэбам : эгö и тöдлö васьыс торъялöмсö. Сё дивö öд! Керка öшиньсянь муö ог лысьт видзöдлыны, а сэнi пыр муö дзорги!..Пыр вочасöн кутiс ставыс поснявны керкаясыд быттьö посньыдджык пывсянъяс, Сыктылыд и Эжваыд шор кодьöсь, мортъясыд поснидик аканьяс кодьöсь. Некутшöм полöм абу. Ставным пукалам да нюмъялам – любö да лöсьыд! Корсюрö ичöтика лайкнитыштлас – быдсöн сьöлöмыд ыркнитлас лöсьыдысла. Виньтiс оз и тöдчы (öдйö бергöдчöмысла – öтик минутöн бергдчö 1300 пöв). Жургö ёна, сёрнитны оз позь, колö горзöмöн пельводзад висьтавны.
– „Но, кутшöмджык кажитчö?” – горза орччöн пукалысь крестьянинлы (мекöд тшöтш лэбалiсны 3 крестьянин Шошкаысь).
– Ок, лöсьыд жö, слава богу! дöбельки лöсьыд, слава богу!“ ..
Гöгöр тыдалö ылö-ылö. Со – Слöбöда, Зеленеч, Час. Мöдарö – Лöзым, Пажга, Ыб, Нювчим, Шошка…Выльгортыд дзик матын. Лэбам Степан вичко весьттi – быттьö ичöтик часовян, соборыд сэтшöм жö. Туясыд – ставыс шыльыдöсь, мыльк ни гуран быттьö некöн абу; сö, кодкö котöртö эськö туй кузяыс гидроплан бöрся да ещö суöдан! Мортыд быттьö öти местаын и йöктö. Вöвъяс повзьöмаöсь – скачитöны эськö да, водзö быттьö оз жö воны. Муяс вылын сулалöны суслонъяс (чумалияс) – öдва тöдчöны, быттьö тыдалö ичöтик деревня кодь.
Кытшовтiм кар гöгöр, вöчим верст 20 кымын. Бергöдчигас кутiс лэччыны мулань. Бергöдчигас ичöтика пöлöньтчылас, кокньыдика лайкнитыштас пыр увлань да увлань. Воим Сыктыв ю вом вестьö. Кодкö купайтчö, быттьö пузчужöм кага веглясьö ваас. Вылiсяньыд тыдалö Эжвалöн и Сыктывлöн пыдöсыс, ставыс тöдчö кыдзи мунöны лыа кöсаяс, жумъяс, кöнi изъяс, кöнi лыа.
Машина ньöжмöдiс. Быттьö варыш тювгö плавнöя валань. Со, со – инмас…Ок, öдйö жö лэбö вöлöм! Вылiсяньыд видзöдiгöн быттьö ньöжйöник мунö. Кор тай матысмим муланьыд – вöлисти кутiс тöдчыны öдйö лэбöмыс. Мыйöн ва вылас кутiс пуксьыны, машинасö бара öддзöдiс да зэв лöсьыда шливкнитiс пуксис, утка моз.
Бöр воим муö. Дас кык минут лэбалiм.
– „Ловъя на, Виттор? Эн кув?“ – юалöны.
– „Но, сё лешакö, лöсьыд жö влöма “ – воча шуа.
– „А лöсьыд жö, слава богу! Вывтi жö нин лöсьыд, слава богу!“ – содтöны нюмъялiгтыр Шошкаса крестьяна.
Жаль меным лои! : ещö на эськö, мися тайö. Ещё на эськö лэблыны колö да!..
Первойсö вöлi пола, ог лысьт пуксьыны, бöрвылас окота лои ещö лэбавны. Удайтчис на тай. Аскинас …..(вöскресенняö) лэбзим Волгаöдз, сьöлöм бурмытöдз лэбалi (та йылысь гижа мöд коми газетö). Волгаöдзыд лэбим 40 минут. Бура уналатi лэбим.
Ок. думыштан да, кутшöм добра лэбалан машинаыд! Колö чукöртны сьöм да аслыным Коми муö лöсьöдны татшöмсö!
Кöсйöмыс колö-а! Вай, войтырыд, лöсьöдамöй! Мед лоас асланым „Коми морт“ нима машина!
Небдiнса Виттор
.
Сынöдöд лэбалöм : 12 минут Сыктывдiн кар гöгöр / Небдiнса Виттор // Югыд туй. – 1925. – 18 авг. – Пер. загл.: Полёты в небе : 12 минут над Сыктывкара.
.
Полеты по воздуху.
12 минут вокруг Усть–Сысольска.
– «А ты, Виктор, полетишь на гидроплане?» – спрашивали меня многие знакомые.
– «Я точно нет! Страшно, голова закружится и упаду еще! Мне даже страшно смотреть из окна редакции на землю, какое там полетать на машине!»
Всегда так говорил. Даже еще в субботу, когда я вышел на берег, чтобы посмотреть, как летают другие, у меня и в мыслях не было полететь самому.
– «Ну ты, Виктор, полетишь со второй очередью: во вторую летит редакция», – сказал товарищ Булышев.
– «Я нет, нет, нет… Пусть Попов полетит, он хотел»…
В это время подошел и сам товарищ Попов.
– «Мне, – говорит, – некогда, давай, Виктор, ты полети».
– Садись, садись, нечего бояться. Кто знает, выпадет ли еще шанс когда-нибудь полетать! – все начали уговаривать меня.
А честно сказать, самому мне тоже очень хотелось полететь! Хочу и боюсь!
Через какое-то время закончили лить бензин в машину. Машину смазали. Из первой очереди сели: товарищ Журавлев (секретарь Областного Совета «Авиахим»), три крестьянина из Зеленца; двое из них уже пожилые (один даже уже седой) и одна девушка.
В это время в город прибыл пароход, – народ вышел на палубу.
Заработал пропеллер гидроплана. Вначале гидроплан медленно плыл по воде в сторону пристани. Повернул у нижнего конца луга под названием Ош (Медведь) и как разогнался по реке Сысола – только понесся, гудя. Смотрящие не отводили глаз.
– Смотри, смотри, поднялся с поверхности воды!..
Почти полторы версты по воде пронесся за минуту. Затем взлетел… Высоко гудит и летит, обратно к нам возвращается. Затем сделал круг и сел в воду.
Выходят Зеленецкие, все улыбаются.
– «Ну, как?»
– «Не говори, сынок! Очень хорошо!..
Пришла моя очередь садиться. Сердце стучит бешено – страшно. Сел, зашел в каюту – на мягких креслах сидеть очень удобно. Летчик (который управляет машиной) закрыл дверь: не открывайте, мол, мы приземлимся, и я сам открою, не курите, не ходите с места на место во время полета.
– «Ну, думаю, прощай, земная жизнь!»
Гидроплан снова сделал поворот у пристани. Разогнался и полетел пулей по воде. Я смотрю в окно вниз… И вдруг понял, что, оказывается, мы уже летим по воздуху: даже не заметили, как оторвались от воды. Вот диво! Обычно я даже в домах боюсь смотреть в окно, а тут не отводил глаз от земли! Постепенно все стало казаться меньше и меньше, дома словно маленькие бани, Сысола и Вычегда словно ручьи, люди словно небольшие куклы. Страха нет совсем. Все сидим и улыбаемся – нам радостно и хорошо! Иногда немного покачивает – аж сердце замирает от радости. Винтов и не видно (из–за того, что они вертятся очень быстро – 1300 поворотов в минуту). Мотор гудит громко, разговаривать невозможно, приходится кричать друг-другу в ухо.
– «Ну, как, нравится?» – кричу крестьянину, сидящему рядом (со мной летели 3 крестьянина из Шошки).
– Ох, хорошо, слава богу! Очень хорошо, слава богу!»
Видно далеко-далеко вокруг. Вот – Слобода, Зеленец, Часово. С другой стороны – Лэзым, Пажга, Ыб, Нювчим, Шошка… До Выльгорта совсем близко. Летим над Стефановским храмом – будто над часовней, собор такой же. Дороги все ровные, не видно ни одного бугра, ни одной ямы; вот, кто-то бежит по дороге за гидропланом, но не догнать! Человек будто танцует на одном месте. Лошади напуганы – скачут, но будто не сдвигаются с места. На земле стоят суслоны – их едва видно, словно мы видим маленькую деревню.
Сделали круг над городом, примерно 20 верст. При повороте гидроплан начал спускаться на землю. Во время поворота немного наклонится, легонько качнет все ниже и ниже. Полетели до устья реки Сысола. Кто–то купается, будто новорожденный ребенок барахтается в воде. Сверху видно дно Вычегды и Сысолы, видно, где расположены песчаные косы, обрывы на дне реки, где камни, где песок.
Машина замедлилась. Летит плавно к воде, как ястреб. Вот, вот – коснется воды… Ох, как быстро мы летели, оказывается! Когда смотришь сверху, кажется, что паришь медленно. Только когда приблизились к земле – стало видно, как быстро мы летим. Перед посадкой на воду пилот снова набрал скорость и очень мягко приземлился, как утка.
Вернулись на землю. Летали двенадцать минут.
– «Жив еще, Виктор? Не умер?» – спрашивают.
– «Ну, черт возьми, хорошо же было» – отвечаю я.
– «Ох, хорошо, слава богу! Очень хорошо, слава богу!» – добавляют, улыбаясь, крестьяне из Шошки.
Очень жаль: хотелось бы еще. Надо бы еще полетать!..
Сначала я боялся, не решался садиться, а потом еще захотелось полетать. Шанс выпал на следующий же день (в воскресенье). Летали да Вотчи, налетался вдоволь (об этом напишу в другую коми газету). До Вотчи летели 40 минут. Облетели много мест.
Ох, если подумать, какая полезная вещь – летательная машина! Надо собрать денег и сделать такую себе на Коми земле!
Было бы желание! Давайте, товарищи, сделаем! Пусть будет машина под названием «Коми морт»!
Небдiнса Виттор
Перевод Елены Габовой
