Коми сьыланкыв гижысь В. Ӧ. Савин (Нёбдінса Виттор)

Сидоров А.

Коми сьыланкыв гижысь В. Ӧ. Савин
(Нёбдінса Виттор)

Коми йöз вöлисьти петісны личидінö. Пыр найö олісны жугыля, тшыгъялöмöн. Коми кывйöн гижысьяс вöліны зэв шочöсь. Ӧні эмöсь миян коми гижысьяс. Медводдза нырас Коми гижысьяс пытшкöссьыс кутіс кывны сьылöм коми сьыланкывйöн. Коми йöз важöн нин бур гöлöсöн эз сьывлыны, сöмын мургывлісны найö вомгорулас: „Шонді банöй тыра бур гöлöсн сьылöмöй“.

Виктор Ӧлексеевич горöдіс ёна, яснöя, кыліс сійö горыс быд пельöсö, коми олан инö, быд сиктö. Горöдісны сьöлöмсянь коми том  йöз тшöтш сьывны, комилы воис долыдлун, сьылан кад: „Сё майбырöй олöмöй гажа муын дзольгöмöй“! „Елисточекъяслы“ да „разлукаяслы воны кутіс пом“.

„Шонді банöй“ эз и вöв сьыланкыв кодь, сöмын вöлі сійö ышловзян гор, дивуйтчантор. Коми йöзлöн олöмыс вöлі дивуйтчöма – код жö. Тешкодь, пыр вöлі лоö ышловзьыны, „аттö дивö“ шуны. Прамöя норасьны коми йöз эз кужлывны, кывворыс эз воссьыв. Коми олöм, коми гаж, коми шог  зэв ыджыд. Дерт быдлаті В. Ӧ. Эз вермы восьтны, паськöдны. Кыті сійö паськöдіс?

Медводз паськöдіс коми кывсö. Велöдіс коми войтырöс комиöн сёрнитны. Ёнджыка мукöд дорысь велöдіс коми кылöн сёрнитны велöдчöм коми войтырöс.

Нёбдінса Витторлöн кывъясыс сё шайтаöсь, быдсöн  гöгыльтчöны, „зиля-заля“ кылöны, ловъяöсь – „гури-гари“-öн кыссьöны, „була-бола“ кылöны.

Сідзи Виктор Алексеевичлö сьылаекывъяс сьöлöмö чукчасьöны!

Быдöнöс оз жö серав Нёбдінса Витторыд, лёк олöмсö „вуштыштö“, бур олöмсö „ошкыштö“. Ошкö долыд, выль олöм перъялысьясöс: индалö коми йöзды веськыджык туй, ысталö быдöнöс школаö, бöрдö коми челядькö рочöн лыддьысигöн, рочнад нинöм оз гöгöрвоны да.

Сьöлöмсяньыс сьылö коми нывбаба йылысь, ёна на найö полысьöсь, ёна на найö пемыдöсь, ёна на налы лоö бöрдлыны, дзебасьöмöн овлыны.

Жаль коми мортыд: олöм сылöн сьöкыд, удж ни помтöм ни дортöм, важысянтсылы лоö öти тшупöдöн жöдзны.

Ыджыда чукöстчö Виктор Алексеевич, мед коми йöз оласны öтув мукöддорса уджалысь йöзкöд, мед отсасясны ёрта-ёртыслы.

В.Ӧ-лы муса выль олöм, выль йöз, том йöз. Аьуджык сэтшöм муса важыс, олöмаджык коми йöзыс. На вылö озджык видзöд.

Колö сэтчö тшöтш судедчывны, налысь кывзыны сёрнисö, шогс да гажсö, найö сёрниöн тшöтш сёрнитны, мед найö тшöтш ассьыныс „Шондібанöй олöмöй“ мургöм пыдди горöдласны Виктор Алексеевичкöд тшöтш тыр гöлöсöн: „Сё майбырöй олöмöй, коми муын лзольгöмöй“.

.

Сидоров А. Коми сьыланкыв гижысь В. Ӧ Савин / А. Сидоров // Югыд туй. – 1923. – 1 дек. – Пер. загл.: Коми композитор В. А. Савин.