КАЗЬТЫЛАН ТОРПЫРИГЪЯС (ВОСПОМИНАНИЯ)
КАЗЬТЫЛАН ТОРПЫРИГЪЯС
Аттӧ, ӧдйӧ жӧ пӧраыс котӧртӧ! Веськыда лэбӧ, – бордъя вояс, кыдз шуӧ Выль Паш. Биа бордъя вояс! Тӧкӧтьӧ на быттьӧ олыштін, а кватитчан да– вит во чеччыштӧма: тӧрыт на быттьӧ сійӧ вӧлі, а збыльысьсӧ – дас во нин сэсянь бергӧдчӧма. Вот, тадзисӧ шургӧ выль олан кадыс дас квайтӧд во нин. Тӧдӧмысь, йӧз историяын некор на эз вӧвлы татшӧм чорыд ӧда кадыс. Ӧти воыс – дас во весьт сулалӧ. Ӧд социализм тэчан кад. Ударнӧй кад. Большевикъясӧн веськӧдлан кад. Та вӧсна сэсся дерт, ньӧти абу шензяна татшӧм пуан кадыд, ломалан пӧраыд. Тадзисӧ вӧрзьӧдчис сійӧ Октябр гым шыысь садьмӧмсянь. А сэтчӧдз... Веськыда кӧ шуны, сэтчӧдз и олӧмыс миян эз тыдавлы, а сідз кутшӧмкӧ сумуйтӧм, йӧжгылясьӧм, нюкрасьӧм вӧвлі. Кималасӧн, синтӧмъяс моз овлім. „Кыдзкӧ да мыйкӧ“, „ен да бур йӧз“ отсавлісны... Збыльысьсӧ эськӧ кодъяс найӧ вӧліны? „Кыдзкӧ-мыйкӧыс“ – асланым тӧдтӧмлунным, „енмыс“ – асланым пемыдлунным, „бур йӧзыс“ – асланым тупкӧса вежӧрным. Восьсӧнджыка шуӧмӧн: сьӧкыд олӧм, поп да кулак. Со кутшӧм вӧвлі важӧн коми уджалысь йӧзлӧн „экономикаыс и культураыс“.
Вот! Медъёнасӧ татчӧ – культураас – ми и мытшасям вӧлі.
Да, веськыда кӧ шуны, комилӧн аслас эз и вӧв некутшӧм культура. Кытысь нӧ сійӧ вермис лоныс, кор коми кывсӧ быдсяма чиновникъяс увтыртлісны, весиг матӧ эз сибӧдлыны школаясӧ ни, присутственнӧй местаясӧ ни, эз морт кывйӧн, а пон кывйӧн лыддьывлісны.
А гижӧд (печать, литература)? Коми гижӧд вӧвлі? Коми кывйыс кӧ запрет улын вӧлі да полігтырйи, вӧй пӧтка моз, кытшлавліс гусьӧникӧн, – коми литература йылысь, дерт, и сёрнитныс нинӧм. Эз вӧв дай эз лысьт вӧвнысӧ! Медым эськӧ эз ло менам тані пӧръялӧма лыддьысьясӧс, ковмас неуна пасйыштны нӧшта ӧтитор. Збыльысьсӧ вӧвлі жӧ и войдӧр нин коми «литератураыд“. Наян-мудер власьтыд да йӧзӧс нартитысь классыд гӧгӧрвоӧны жӧ волі литератураыдлысь ыджыд значенньӧсӧ да, тайӧ воропсӧ эз дзикӧдз лэдзны асланыс киысь. Мед кӧть и этшаник вӧлі сійӧ „литератураыс“, кыдз шуласны, – кань лякӧс мында, но и сійӧ вӧлі отсӧг пемыд йӧзӧс ылӧдлыны, налысь вежӧрсӧ «ен руӧн» тыртны. Кутшӧмсюрӧ молитваяс, ӧткымын „святӧйяслысь“ олӧм-вылӧмсӧ (шуам, Степан Перымскӧйлысь) да „евангелльӧ“ вӧлі комиӧдлӧмаӧсь да печатайтлӧмаӧсь. Татшӧм „коми нигаяссӧ“ ӧні на ме ачым помнита: дзолядырйи велӧдчигъясӧн сэтшӧмъяссӧ сетавлісны миянлы „награда“ пыдди. Авторъясыс – кутшӧмкӧ поп Красов, кутшӧмкӧ поп Сахаров, эм на пиын тшӧтш и коми учёнӧй Г. С. Лыткин. Со меным неважӧн на (таво апрель 13-д лунӧ) Сыктывкарса сӧвет мӧдӧдіс ӧти «коми нига», да гижӧ: „Думайтам, тіянлы мыйсюрӧ вылӧ туяс материал пыдди. Карса сӧветын юралысь Калинин. Орготдел Тентюков“. (Буретш тай со и туйис, згӧдитчис). „Нигаыслӧн“ нимыс «Миян господьлӧн Исус кристослӧн вежа бур юӧр Матвейсянь. Коми кыл вылӧ выльысь пуктысь Г. С. Лыткин“. Вот, татшӧм „коми литература“ пыртлісны коми пӧвстӧ. Эз небось лэдзлыны кутшӧмкӧ велӧдчан коми нигаяс, вежӧр восьтан литература, кысь нин эськӧ художествоа литературасӧ да. А ӧд сылӧн (худож. коми литературалӧн) и сэки нин, во 75-80 сайын, петасъясыс тыдовтчылісны. Босьтам кӧть сійӧ жӧ Иван Куратовӧс, коді гӧгӧрволіс коми „мича кывлысь“ коланлунсӧ –
„Тайӧ кывлысь мичсӧ сьӧлӧмын ме кылі.
И ме медводз сыӧн ньӧжйӧника сьылі,
Тайӧ кывйӧн мукӧд гораджыка сьылас —
Сё кызь сюрс пель сэки уна буртор кылас!“
1913–14 воясӧ кутшӧмкӧ ногӧн Ӧ. Ӧ. Цемберлы вӧлі удайтчӧма лэдзны посньыдик кык коми нига – „Коми сьылан да мойдан кывъяс“! Коми йӧзкостса мойдкывъяс кындзи сэтчӧ вӧлі пырӧма тшӧтш кымынкӧ коми кывбур М. Поповлӧн (лирика). Сэні жӧ вӧлі петӧма медводдзаысь „Коми збойлун“ М. Лебедевлӧн („Гажаджык, коми йӧз, олӧй“), кодӧс ӧні сьывны запретитӧма.
Октябрса революция орйӧдліс важ чепъяссӧ ставроссияса уджалысь йӧз вылысь, восьтіс туй быд ас сёрниа посни йӧзлы тшӧтш кыпӧдчыны аслас кывйӧн паськыда пӧльзуйтчӧмӧн, сетіс ӧткодь права сылы. Вӧрзис сэки и коми кыв, пондіс быдмыны коми гижӧд, коми литература. Сылӧн дас вит вося туйыс – дзонь история. Ӧд нинӧм абуысь чужис, быдмис да сӧвмис бура ыджыд тураса художествоа пролетарскӧй коми гижӧд! Миян ӧти ёрт 1928 воын висьтавліс коми гижӧд кузя: „Ми дас воӧн вӧчим чуймымӧн ыджыд воськов водзӧ. Ми революциябӧрся дас воӧн вӧчим сё пӧв ыджыдджык гижӧд чукӧр революция водзвывса 500 вося гижӧд чукӧр дорысь“. Кӧть эськӧ быттьӧ зэв нин ыдждӧдлӧмӧн тайӧс шуӧма, но, ме ногӧн, и тайӧ на этша; революциябӧрся коми гижӧд чукӧр быдмӧм нинӧмӧн оз позь сравнитны, некутшӧм водзвывса эпохаӧн.
Николай Александрович Шахов (Сандрик Микол) (1898-1942) – один из зачинателей коми литературы, известный ученый, поэт, общественный деятель
Революциябӧрся печатьын медводдза коми художествоа гижӧд вӧлі Сандрик Миколлӧн кывбур „Водзӧ“ („Зыр. ж.“ 1918 во, № 4). Ме сэки муртса на вои Коми муӧ Украинасянь. Кор аддзи тайӧ кывбурсӧ, кутшӧм нимкодь вӧлі меным: ӧд комиӧн, коми кывйӧн петӧма кывбур! Сы бӧрын регыд и ачым куті гижыштавлыны коми кывбуръяс. Медводдзаыс вӧлі „Гӧрд звӧн“ („Зыр. ж.“ 1918 во, № 18). Зэв любӧ вӧлі: ӧд аслам гижӧдӧй печатьын петіс! Нэмӧн на медводдзаысь! Дерт, техника боксяньыс (ӧнія серти кӧ) зэв на сійӧ вӧлі жеб, улын. Но куті зільны бурмӧдны да шыльӧдны-мольӧдны. Сэсся тӧдмасялі гижысь ёртъяскӧд да, ӧтвылысь пондім артавны ассьыным гижӧдъяснымӧс. Торъя ёна босьтчис тайӧ уджыс 1918 вося ноябрсянь, кор воссьыліс Сыктывкарын „Коми комиссия“. Унджык рытсӧ вӧлі коллявлам „комиссияын“: лыддялам гижӧдъяснымӧс да сёрнитам на кузя. Ме, Илля Вась, О. Маегов, Иона Чисталёв (кувлі 1923 воын) да Вась Педӧр (кувлі 1922 воын), – со кутшӧм вӧлі медводдза сӧветскӧй коми гижӧдъяслӧн котырыс. Бӧрвылас воис нӧшта миян дінӧ Чисталёв Тима Вень. Ёна вензьывлім, ёна сёрнитлім и гажӧдчылім. Медся серьёзнӧй вӧлі поконик Иона Тимофеевич Чисталёв. Сійӧ вӧлі гижӧдъяснымӧс лэптылас ён критика вылӧ. Пыр вӧлі корсьысям асланымнога (коми сяма) гижан форма, медым мездысьны искусственнӧй роч формаысь, но некыдз эгӧ вермӧ аддзыны. Ӧтчыд помнита, Иона Тимофеевич локтіс миян дінӧ да петкӧдлӧ гижӧда кабала, ачыс нимкодьпырысь шуӧ:
– Вот, тайӧ бур. Тайӧ – шедевр!
Вӧлӧм, вокыс сылӧн (Тима Вень) ыстӧма Помӧсдінсянь выль кывбур „Югыд вой, кӧдзыд вой“:
Тӧлысь-кодзув ӧтарсянь –
вылісянь.
Еджговлӧз лым мӧдарсянь –
улісянь.
Юрвыв кодзув зэв вылын –
дзирдалӧ.
Шытӧг ылын, войвылын –
чардалӧ.
Миянлы, збыльысь, зэв мичаӧн да бурӧн кажитчис тайӧ кывбурыс. Зэв художествоа серпас. Колӧ шуны, Тима Веньысь мичаджыка вӧччӧдны ассьыс гижӧдторъяссӧ миян пиысь некод эз кужлы (дай ӧні на, пӧжалуй, оз сюр). Сылӧн быд гижӧд ломалӧ вӧлі ыджыд художествоа ярлунӧн. Колӧ вӧлі кывлыны асьсӧ Тима Веньӧс, кор сійӧ ачыс лыддьывліс гижӧдъяссӧ. Мыйта мастерство да сьӧлӧм вӧлі пуктас сійӧ сэтчӧ! Помнита, ӧтчыд лыддис сійӧ ассьыс выль очерк кодь висьт „Во гӧгӧр кытшовтӧм пӧтка сьылӧм шыӧн“, да став природаыслӧн серпасъясыс збыльысь син водзад быттьӧ волӧны: ... „Пинь пинь... пинь! Чик-чилик! “ – вӧлі шуас лэбачьяслы подражайтӧмӧн. Но, дерт, ми сэкъясӧ эгӧ на кужлӧ кыпӧдны гырысьджык творческӧй вопросъяс, кутшӧм методъясӧн гижны, эз на вӧв унаысь и гижӧдъяснымӧс колана могъясыскӧд йитӧмыс, – гижлім коми оласног йылысь, коми природа йылысь, либӧ чуксавлім выль олӧмлань. Гашкӧ, ёнджыкасӧ на сэки миянӧн веськӧдліс национальнӧй энтузиазмыс, а эз революционнӧйыс. Ӧд коми кывлы воссис вӧляыс да, чукйӧн вӧлі бызгӧ-люзьгӧ петӧ ортсӧ... Но миянӧс кыдзсюрӧ гижӧмысь некод сэки эз ӧлӧдлы. Сы йылысь ми пондім тӧдны сёрӧнджык нин.
Тадзи ми вочасӧн пыр велӧдчим гижны, содісны и выль гижысьяс. Но унджыкыс вӧлі гижӧны, кыдз шуласны, аснаукӧн, торйӧн, разі-пели. Колӧ вӧлі кыдзкӧ котыртны, ӧтувтны гижысьясӧс.
И вот, 10 во сайын, 1923 воын, юнь тӧлысьын, вӧлі коми гижысьяслӧн медводдза чукӧртчылӧм, конференция. Ме ачым эг вӧв тайӧ конференция вылас (ветлі Уралӧ), да ог тӧд, кыдзи да мый сёрнитісны сэні. Но материалъяс сертиыс тыдалӧ, мый тайӧ конференцияыс вӧчӧма. Медтӧдчана уджыс – пуктӧма подув котыртчӧмлы, сетӧма индӧдъяс гижан могъяс кузя. Дерт, гырысьджык туйдӧдъяс творческӧй вопросъяс кузя тайӧ конференция эз вермы сетны.
1926 воын, март 12-ӧд лунӧ, котыртчыліс пролетариат нога коми гижысьяслӧн ассоциация (КАПП). Тайӧ выль организацияыс сувтӧдліс ас водзас гырысьджык могъяс нин: 1) котыртны-ӧтувтны коми гижысьясӧс, 2) кыпӧдны да быдтыны выль гижысьясӧс, 3) сетны пролетариат идеологияа туйвизь коми литературалы, 4) отсавны гижысьяслы велӧдчӧмын да творчествоын.
КАПП котыртігӧн, медводдза чукӧртчылӧм вылас, лыбліс бура ыджыд вен. Кодсюрӧ вӧлі шуӧны: миян пӧ пролетариатыс абу да, оз вермы организацияыс шусьыны пролетарскӧйӧн. Тешкодь ӧд кажитчӧ ӧні! А „Габӧ Педӧр Ӧльӧксан пи Ӧльӧксей нима“ (Ӧ. Ӧ. Чеусов) весиг тадзи вӧлі шуӧ: „Пролетарскӧй литература абу, дай оз ло“, – кыдзи коркӧ сёрнитліс Троцкӧй. Мукӧд вӧлі чайтӧны: пролетарскӧйӧн кӧ пӧ шусян, ковмас пролетариат йылысь и литературатӧ лӧсьӧдны, а крестяна йылысь оз нин позь гижны. Подувнас вӧлі лыддьӧны тематикасӧ, а оз туйвизьсӧ.
Тӧлысь мысти КАПП организуйтӧмсянь, апрель 15-ӧд лунсянь, кутіс петны газет „Коми сикт“. Сэтчӧ восьтӧма вӧлі литература юкӧд – „Коми гижӧм“, кӧні петаліс бура уна гижӧд: 18 стаття коми литература йылысь, 12 висьт да 46 кывбур. Сы бӧрын сэсся, 1926 вося октябрсянь, пондіс петны „Ордым“ – политическӧй, экономическӧй, литературнӧй крестянскӧй журнал. Медводдза нумерыс петіс буретш Октябрса праздник лунӧ (ноябр 7 лун). Пырӧма сэтчӧ кык висьт да 7 кывбур. Журнал петӧм – зэв ыджыд достиженньӧ вӧлі: лои художествоа литературалӧн трибуна, кыпӧдчан-паськӧдчан места. Дерт, ордым сійӧ – ордым и эм, векньыдик трӧпа, но и сійӧ нин вӧлі всё-таки туй.
Тадзи ордымасьӧмӧн миян коми литература быдмис да паськаліс, бурмис и пытшкӧснас. Сылы нин дзескыд лои ордымӧдыд мунны, петны вӧлі колӧ да ударнӧя босьтчыны социализм стрӧитан уджӧ. Пятилеткаса 3-ӧд решающӧй воын, 1931 вося январын, миян литература журналным решитчис шусьыны „Ударник“-ӧн, кутшӧм нимӧн и ӧнӧдз олӧ.
Фото участников II конференции КАПП
КАПП-лӧн квайт вося нэм чӧжнас вӧлі куим конференция. Медводдзаыс 1926 воын август 21-22 лунъясӧ. Медгырысь сёрниыс вӧлі котыртчӧм кузя да гижан могъяс йылысь кутшӧмсюрӧ индӧдъяс сетӧма.
Мӧд конференция муніс 1928 воын сентябр 7-10 лунъясӧ. Тайӧ конференция кежлас КАПП вӧлі вуджӧма нин ассьыс организационнӧй кадсӧ. Сёрнияс мунісны коми литература водзӧ паськӧдӧм йылысь, коми гижӧд кыв йылысь.
Коймӧд конференция вӧлі 1930 воын октябр 3-5 лунъясӧ. Тайӧ конференцияыс индіс, мый литература кольӧ олӧмсьыс бӧрӧ, эрдӧдіс гырысь нелючкияс: веськыдвыв кежӧм, национал-шовинизм. Но тайӧ конференция вылас жӧ тӧдчисны выль чужӧм уна лёкторъяс.
Дерт, сійӧ став лёкторйыс лои сы вӧсна, эз вермы КАПП руководитны кыдз колӧ партия индӧм кузя да. Торъя омӧля вӧлі пуктӧма критика. Со ӧд кутшӧм примеръяс вӧліны: КАПП-лӧн 2-ӧд конференция ошкис Тима Веньлысь „Трипан Вась“ да шуис сійӧс достиженньӧӧн коми литератураын, а 3-ӧд конференцияыс сійӧ гижӧдсӧ шуис шогмытӧмӧн, кулацкӧйӧн. Эз вӧв пыдӧджык видзӧдӧм существо вылас, художество вылас, кор сійӧ гижӧдыс петлӧма, кутшӧм вывод позьӧ сыысь вӧчны. Артмыліс вульгаризаторство. Ӧні важ кусыньяссӧ веськӧдлӧны нин. Важ КАПП-лысь нелючкияссӧ эрдӧдӧны. Коми художествоа литература збыльысь сувтӧ большевистскӧй туй вылӧ. Тайӧ ставыс кутіс лоны сӧмын ВКП(б) ЦК 1932 вося апрель 23 лунся историческӧй шуӧм бӧрын. Сійӧ збыльысь восьтіс сӧветскӧй гижысьяслы паськыд творческӧй туй. Ӧд, босьтам кӧ ми, некор эз вӧв сувтӧдӧма гижысьяс водзӧ татшӧм ёся творческӧй вопросъяссӧ, кыдзи ӧні. Шуам вӧлі быдӧн: колӧ гижны Маркс – Ленин методӧн. Но конкретнӧя, кыдзи-мый, мед быд сӧветскӧй гижысьлы вӧлі восьса да гӧгӧрвоана, сэтшӧм индӧдъяс некор эз ликмывлыны войдӧр. Сы понда сэсся, дерт, и артмывліс быд пӧлӧс нелючкиыс, лёк гижӧдъясыс и гӧрд калтураыс.
Позьӧ татчӧ вайӧдлыны зэв уна пример, кыдзи оз ков гижны произведенньӧяс, сӧмын сійӧ зэв уна места босьтас, да сэсся коді интересуйтчӧ да лыддьӧ коми литература, ачыс аддзас сэтшӧмъяссӧ, кыдз шуласны, „сколько угодно“.
ЦК постановленньӧ петӧмсянь коли дзонь во. Ми, коми гижысьяс, асланым уджнаным кӧть и вӧрзьыштім перестроитчӧмлань, но этша на, омӧля на тӧдчӧ, творчествоным важас бура зэлыда на кыскӧ. Мог – регыдджык кадӧн воськовтны важ порог вомӧныс паськыд выль туй вылас. Коми оргкомитет да коми сӧветскӧй гижысьяслӧн медводдза конференция индасны сэтчӧ медматысса мунан вожъяссӧ. Дай аслыным колӧ!
Нёбдінса Виттор
.
Казьтылан торпыригъяс / Нёбдінса Виттор // Ударник. – 1933. – 4№. – 33–35 л. б. – Пер. загл.: Воспоминания.
.
ВОСПОМИНАНИЯ
Ах, как быстро время летит! Крылатые годы, как говорит Выль Паш. Огненные крылатые годы! Вроде немного и времени прошло, а пять лет как не бывало. Вот так протекает новое время, уже 16-й год. Десять лет пролетели как один год. Это время строительства социализма. Ударное время. Время правления большевиков. Поэтому, конечно, не удивительно, что оно такое кипучее. Побуждение началось с раскатов Октября. А до этого... Сказать прямо, до этого и жизнь наша не была видна. Жили, словно слепые. «Как-нибудь и что-либо», «бог и добрые люди» помогали… А на самом деле кто они такие? «Как-нибудь» – это наше неведение, «бог» – это наша темнота, «хорошие люди» – наш закрытый разум. Если говорить открыто: это тяжёлая жизнь, поп и кулак. Вот такая раньше была у коми трудового народа «экономика и культура».
Вот! В основном сюда – в культуру – мы и упирались.
Да, если говорить прямо, у коми не было своей культуры. Откуда она могла появиться, когда чиновники коми язык не признавали, даже близко не подпускали его к школам, присутственным местам, считали его языком не для людей, а для собак.
А разве была коми печать, литература? Если коми язык был под запретом, о чём говорить! Только чтобы не вводить в заблуждение читателя, надо отметить вот что. На самом деле и раньше была коми «литература». Но хитрая власть и господствующий класс понимали большое значение литературы и старались не выпускать из рук это оружие. Пусть и немного было этой «литературы», как говорят, – кот наплакал, но и это была своеобразная помощь для обмана тёмных людей. Какие-то молитвы, жизнь некоторых «святых» (скажем, Стефана Пермского) и «евангелие» были переведены на коми язык и напечатаны. Такие «коми книги» я и сам ещё помню: в детстве во время учёбы их давали нам как «награду». Авторы – какой-то поп Красов, какой-то поп Сахаров, среди них и коми учёный Г. С. Лыткин. Вот недавно (в этом году 13 апреля) Сыктывкарский совет послал мне одну «коми книгу» и написал: «Думаем, вам пригодится для какого-нибудь материала. Председатель Городского совета Калинин. Орготдел Тентюков». (Как раз вот и сгодилась). «Книга» называется «Миян Господьлӧн Иисус Кристослӧн вежа бур юӧр Матвейсянь. Коми кыл вылӧ выльысь пуктысь Г. С. Лыткин» («Господа нашего Иисуса Христа Святое Евангелие от Матфея : на коми язык вновь перевёл Г. С. Лыткин).
Вот, такая «коми литература» была среди коми. Не издавались какие-нибудь коми учебники, просветительская литература, не говоря уже о художественной литературе. А ведь у неё (художественной коми литературы) и тогда уже, 75–80 лет назад были издания. Взять хотя бы Ивана Куратова, который понимал красоту и нужность коми «красивого языка»:
«Тайӧ кывлысь мичсӧ сьӧлӧмын ме кылі.
И ме медводз сыӧн ньӧжйӧника сьылі,
Тайӧ кывйӧн мукӧд гораджыка сьылас –
Сё кызь сюрс пель сэки уна буртор кылас!»
Каким-то образом, в 1913-14 годы А. А. Цемберу удалось выпустить маленькие две коми книги – «Коми сьылан да мойдан кывъяс»! (Коми песни и сказки). Кроме коми народных сказок сюда были включены несколько стихов М. Попова (лирика). Там же у М. Лебедева впервые было напечатано «Коми збойлун» (Смелость коми), которое теперь петь запретили.
Андрей Андреевич Цембер - первый архивист Коми, краевед, историк и лингвист
Октябрьская революция разорвала цепи со всего трудового народа, открыла дорогу всем коренным малочисленным народам, дала им одинаковые права. Тогда и продвинулся коми язык, стала развиваться коми литература. Её пятнадцатилетняя дорога – это целая история. Она родилась на пустом месте, развивалась и выросла до большой художественной пролетарской коми литературы! Один наш товарищ в 1928 году так рассказывал: «За десять лет мы сделали удивительно большой шаг вперёд. За этот период после революции нами написано в сто раз больше произведений, чем до революции». Хотя, может, и сказано с преувеличением, но, по-моему, и этого мало; коми произведения после революции ни с чем не сравнить, с никакой предыдущей эпохой.
Стихотворение «Водзӧ» (Вперёд) Сандрик Микола («Зыр. ж.» 1918 г., № 4) – первое коми художественное произведение, которое появилось в печати после революции. Я тогда только что прибыл в Коми край из Украины. Когда увидел это стихотворение, мне стало так радостно на душе: ведь вышло оно на коми языке! После этого и сам вскоре стал на коми языке писать стихи.
Первая была „Красное знамя“ („Зырянская жизнь“ 1980 г., № 18). Приятно, что моя статья вышла в печати! За всю жизнь первая! Конечно, со стороны техники (в сравнении с нынешней), она была слабая. Но я старался улучшить. Потом познакомился с писателями-друзьями, и мы вместе стали считать наши работы. Началось всё с ноября 1918 года, когда в Сыктывкаре открылась «Коми комиссия». Большинство вечеров проводили в «комиссии»: читали, обсуждали произведения. В состав общества первых советских коми писателей входили – Я, Илля Вась, О. Маегов, Иона Чисталев (умер 1923 году) да Вась Педöр (умер 1922 году). Потом присоединился Чисталев Тима Вень. Самый серьезный из нас – Иона Тимофеевич Чисталев. Он жестко критиковал наши работы. Мы постоянно были в поисках новых литературных форм, чтобы избавиться от русских слов, но не получалось. Однажды, Иона Тимофеевич пришел к нам, показывает бумагу и восхищённо говорит:
– Вот, это хорошо. Это – шедевр!
Оказывается, его брат (Тима Вень) отправил с Помоздино новое стихотворение „Светлые ночи, холодные ночи“.
Нам, действительно, понравилось стихотворение, очень красивое, хорошее. Очень художественная картина. Нужно сказать, что кроме Вениамина Тимофеевича свои стихи создавать красивыми никто не умел (да и сейчас никого нет). У него каждое стихотворение пылает большой художественной яркостью. Нужно услышать самого Вениамина Тимофеевича, когда он читает свои стихи. Сколько мастерства и души вложено туда! Помню, однажды он прочитал свой новый очерк «Кругосветное путешествие с песней куропатки», и действительно вся красота природы перед глазами: „…Пинь…пинь…пинь! Чик-чилик! “ – издавались голоса птиц. В то время, мы не поднимали масштабные вопросы, какие методы применить в творчестве, не было связи между проблемами и нашими работами – в основном писали о жизни, о природе, о будущем. Может, нами руководил национальный энтузиазм, а не революционный. Когда открылась воля коми языку, то кругом его было слышно. Об этом мы узнали позже.
Вениамин Чисталев. Фото из журнала «Ордым», 1927 год, № 5
По-тихоньку, мы стали писать, рождались новые рассказы. Но многие писали, как говорят, со своей наукой, отдельно, в разброс. Нужно было, каким-то образом, всех объединить.
И вот, 10 лет назад, 1923 году, в июне, была первая конференция коми писателей. Я сам на этой конференции не присутствовал (ездил на Урал), поэтому не знаю, что там было. Но, по материалам видно, что конференция проведена. Главная цель – поставлена основа встречи, даны рекомендации по писательской работе. Конечно, широкие вопросы по писательской деятельности на конференции не решались.
1926 году, 12 марта, была образована ассоциация коми писателей пролетарского типа (КАПП). Она ставила перед собой крупные цели: 1) объединение коми писателей, 2) воспитание и развитие новых писателей, 3) предложить пролетарскую идеологию как направление в коми литературе, 4) помогать писателям в учебе и творчестве.
Во время образования КАППа, на первых встречах, стоял большой спор. Некоторые кричали: у нас нет пролетариата, не может организация называться пролетарской. Смешно! Но Алексей Чеусов говорил: «Пролетарской литературы нет, и не будет», – как когда то говорил Троцкий.
Многие считали: если считаешь себя пролетариатом, то придется написать литературу о пролетариате, а про крестьян уже нельзя будет написать. В основе считали – тематику, а не направление.
Через месяц после организации КАППа, с 15 апреля, начала выходить газета „Коми сикт“. Была открыта литературная страница – „Коми произведения“, куда входили множество работ: 18 статей про коми литературу, 12 рассказов и 46 стихотворений.
С октября 1926 года начал издаваться „Ордым“ – политический, экономический, литературный крестьянский журнал. Первый номер вышел как раз к празднику Октября (7 ноября). Туда вошли два рассказа и семь стихотворений. Издание журнала – было очень большим достижением: художественная литература стала своеобразной трибуной. Но тропа это и есть тропа, узкая тропа, но и она была дорогой.
Так наша коми литература росла и расширялась. Ей уже стало тесно идти по тропе, надо активно взяться за строительство социализма. В январе 1931 года наш литературный журнал стал называться „Ударник“, и до сих пор выходит под этим именем.
За шесть лет у КАППа было три конференции. Первая была 21-22 августа 1926 года.
Вторая конференция прошла 7-10 сентября 1928 года. Речь шла о дальнейшем развитии литературы.
Третья конференция прошла 3-5 октября 1930 года. На этой конференции были выявлено много неполадков.
Конечно, эти неполадки возникли потому, что КАПП не смог руководить по указаниям партии. Вот такие примеры: вторая конференция хвалила у Тима Веня „Трипан Вась“ и сказали, что это высшее достижение в коми литературе, а на третьей конференции сказали, что это кулацкое произведение. Не сразу смогли оценить после выхода произведения и какой вывод можно из этого сделать. Получается вульгаризм. Сейчас вскрываются ошибки. Коми художественная литература встаёт на большевистскую дорогу. Всё это стало происходить после исторического призыва ЦК ВКП(б)23 апреля 1932 года. Это действительно открыло большую, творческую дорогу советским писателям. Говорили: надо писать методом Маркса-Ленина. Но конкретно, как, каждому советскому писателю было понятно, таких указаний раньше не было.
Можно привести много примеров, как нельзя писать произведения, только это займет много места, да и кто интересуется и читает коми литературу, сам найдет таких, как говорят „сколько угодно“.
С постановления ЦК прошел уже год. Мы, коми писатели, своей работой хоть и перестроились, но мало еще, слабо еще видно, наше творчество тянет еще назад. Задача – как можно быстрее перешагнуть старое в новую широкую дорогу. Коми оргкомитет да первая конференция укажет ближайшие задачи. Да и самим надо!
Перевод Веры Казариновой
